Պաավո Ուոտիլա

Պաավո Ուոտիլա (ապրիլի 4, 1881(1881-04-04), Ուրյալա, Պիրկանմաա, Ռուսական կայսրություն - նոյեմբերի 25, 1964(1964-11-25), Ուրյալա, Պիրկանմաա, Ֆինլանդիա), ֆինն ճարտարապետ, ով հիմնականում աշխատել է  Վիբորգում, եղել քաղաքի գլխավոր ճարտարապետը (1912-1928)։

Պաավո Ուոտիլա ֆիններեն՝ Paavo Uotila
Ծնվել է	ապրիլի 4, 1881(1881-04-04)
Ծննդավայր	Ուրյալա, Պիրկանմաա, Ռուսական կայսրություն
Մահացել է	նոյեմբերի 25, 1964(1964-11-25) (83 տարեկան)
Վախճանի վայր	Ուրյալա, Պիրկանմաա, Ֆինլանդիա
Ոճ(եր)	Հյուսիսային մոդեռն ոճ և Հյուսիսեվրոպական նեոկլասիցիզմ
Կրթություն	Հելսինկիի պոլիտեխնիկական համալսարան
Paavo Uotila Վիքիպահեստում

Կենսագրություն

Պաավո Ուոտիլան ծնվել է 1881 թվականի ապրիլի 4-ին, գյուղացու ընտանիքում։ 1900 թվականին ավարտել է Թամերֆորսի լիցեյը և ընդունվել Հելսինգֆորսի պոլիտեխնիկական ուսումնարան։ Դեռևս ուսանող՝ 1903 թվականին նա հաղթել է դաստակերտի նախագծման ճարտարապետական մրցույթում, իսկ 1904 թվականին՝ Հելսինգֆորսի երկաթուղային կայարանի մրցույթում զբաղեցրել է 2-րդ տեղը։ 1905 թվականին ճարտարապետի դիպլոմ ստանալուց հետո աշխատել է տարբեր ճարտարապետական արվեստանոցներում, մասնավորապես՝ Վիբորգում գտնվող Ալլան Շուլմանի արվեստանոցում։ 1912 թվականին նշանակվել է Վիբորգի գլխավոր ճարտարապետ և աշխատել այդ  պաշտոնում մինչև 1928 թվականը։

Պաավո Ուոտիլան հայտնի է նաև որպես Ռակկոլանիոկսկու խեցեգործական ֆաբրիկայի վառարանների դիզայներ։ Ուոտիլայի նախագծով պատրաստված վառարանները պահպանվել են Վիբորգի, Սանկտ Պետերբուրգի և այլ քաղաքների շատ տներում։

Շենքեր և շինություններ

• Սիիտոնենի տունը (Սորտավալա, Վյանյամեյնինի փողոց 6), 1907
• Վաճառական Ֆեոդոր Մոսկվինի տունը (Վիբորգ, Սուվորովի պողոտա 25), 1907
• Պեսոնենի տունը (Վիբորգ, Լենինգրադյան մայրուղի 12), 1908
• «Ֆ. Սերգեև և որդիներ» ընկերության շենքը (Վիբորգ, Երկաթուղայինների փողոց 4), 1908
• Գորիշինի տունը (Վիբորգ, Լենինգրադյան մայրուղի  3), 1908
• Sampo ընկերության բնակելի շենք։ Զգալիորեն տուժել է Երկրորդ համաշխարհային պատերազմի ժամանակ, վերականգնվել է գեղազարդման  ամբողջական կորստով (Վիբորգ, Պուտեյսկայա փողոց 8), 1908
• Բազմաբնակարան բնակելի շենք (Վիբորգ, Սուվորովյան պողոտա 1), 1909
• Վաճառական Կոնկոնենի տունը (Վիբորգ, Լենինի պողոտա 16), 1910
• Բազմաբնակարան բնակելի շենք (Վիբորգ, Կուտուզովի բուլվար10), 1910
• Բնակելի շենքեր  խանութներով (Վիբորգ, Հյուսիսային փողոց 8), 1910-1928
• Մասսինենի տունը (Վիբորգ, Լենինգրադյան մայրուղի, 15, մասնաշենք Կուտուզովի պուրակում), 1910
• Պյայվալայի տունը (Վիբորգ, Ռոստովսկայա փողոց 5), 1910
• Մաքսային պահեստ, այժմ՝ մշակութային կենտրոն (Յոէնսուու, Ռանտակատու 2), 1910
• Հյուրանոց (Վիբորգ, Երկաթուղայինների փողոց 9), 1914
• Պապուլսկու ժողովրդական դպրոց, այժմ թիվ 37 դպրոցը (Վիբորգ, Լեռնային  փողոց 10), 1914
• Հեռախոսային կայան (համահեղինակ՝ Ունո Ուլբերգ) (Վիբորգ, Խաղաղության փողոց 6), 1921
• Ն. Լամմետմայի  տունը, հետագայում Չեխոսլովակիայի հյուպատոս Մ. Վիլսկայի տուն (Վիբորգ, Կուտուզովի բուլվար 2), 1921
• Քաղաքի մանկատունը  (Վիբորգ, Սուխովի փողոց 2), 1927

Ընտանիք 

• Կին՝ Տյունե Պորտան (Tyyne Porthan, 1883-1942)
•  Երեխաներ՝  Ուլլա Մայա (Ulla Maija, 1909-?), Անտտի Վիլլե (Antti Ville, 1910-1979)

Պատկերասրահ

• 
  Ֆեոդոր Մոսկվինի նախկին առևտրային տունը
• 
  Վաճառական Կոնկոնենի տուն
• 
  Վաճառական Սիիտոնենի տուն
• 
  Մաքսային պահեստ Յոէնսուում

Գրականություն

• Otto-Ivar Meurman : Viipurin arkkitehdit, Viipurin Suomalaisen Kirjallisuusseuran toimitteita 2, Helsinki 1977, Uotilan elämäkerta s. 74-78

Արտաքին հղումներ

• Печи по проекту Пааво Уотила в Санкт-Петербурге

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Պաավո Ուոտիլա կատեգորիայում։