Չժանցզյացզե ազգային պարկ
Չժանցզյացզե (չինարեն՝ 张家界国家森林公园), ազգային անտառային պարկ Չժանցզյացզե քաղաքում, Հունան նահանգ, Չինաստան[1]։
 zh/张家界国家森林公园 | |
|---|---|
 | |
| Տեսակ | բնության հատուկ պահպանվող տարածք և Q92272084? |
| Երկիր |  Չինաստան |
| Վարչատարածք | Wulingyuan? |
| Տեղագրություն | Ճանծիածիե |
| Հիմնվել է | 1982 |
| Մակերես | 479,15 կմ² |
  | |
.svg) | |
Նկարագրություն խմբագրել
Չժանցզյացզե ազգային անտառային պարկը, որը հայտնի է իր միգամած ամպերի մեջ խոյացող իր արտասովոր ձևի քվարցե սյուներով, իր տեսակի մեջ առաջինն է Չինաստանում և զբոսաշրջության հանրահայտ վայրերից մեկն է։ 1982 թվականին հիմնադրված պարկի փարթամ մերձարևադարձային անտառները գրավում են մոտավորապես 480 կմ² (185 քառ. մղոն) տարածք, որտեղ բնակվում են բազմատեսակ կենդանիներ, ներառյալ անհետացող տեսակներ, ինչպիսիք են ոսկեգույն փասիանը, մշկայծյամը, հսկա սալամանդրը և ռեզուս մակակին։ Պարկի ամենահետաքրքրաշարժ հատվածը դեղին քարերից կառուցված պատվարն է (Հուանշիսաի)։ Ծովի մակերևույթից գրեթե 1330 մետր բարձրության վրա գտնվող շինությունը առաջարկում է պարկի ամենալավ դիտակետերից մեկը, որտեղից երևում են դիպուկ անվանումներ ստացած գագաթները՝ Վեց հրաշքների տաղավար, Հինգ մատների գագաթներ, Ամպերի մեջ լողացող անձավ և Ամպերի ծովի ոսկե կրիա։ Գագաթները ոգեշնչման աղբյուր են չինացի նկարիչների համար և չինական բնապատկերի հայտնի խորհրդանիշներ են։
Ձմռանը պարկում խոնավ է, ամռանը՝ զով։ Ենթադրվում է, որ այնտեղ օդը բուժիչ է հիմնականում հիպերտոնիա[2] հիվանդությամբ տառապողների համար։
Պարկում է գտնվում նաև Ոսկե մտրակ գետը՝ 7,5 կմ երկարություն ունեցող ջրային հոսանքը, որը համարվում է ամենագեղեցիկներից մեկը աշխարհում։ Նրա թեք ժայռերով և սաղարթախիտ անտառներով շրջապատված մաքուր ջրերում վխտում են գունավոր ձկներ, և գետը ասես հոսում է հեքիաթային բնապատկերի միջով։ Այստեղ զբոսաշրջիկների համար կան բազմաթիվ փոքր հյուրանոցներ, մի քանի փոքր սրճարան-ռեստորաններ, ինչպես նաև գործում է անվճար ավտոբուս[3]։ Պարկում գործում է նաև ճոպանուղի[4]։
Չժանցզյացզե ազգային պարկում է գտնվում աշխարհի ամենաերկար և բարձր Ապակե կամուրջը։ կամրջի երկարությունը 430 մետր է, լայնությունը՝ 6 մետր։ Այն գտնվում է 300 մետր բարձրության վրա և միացնում է երկու ժայռերը։ Կամրջի ամրությունը ցուցադրելու համար, մինչ դրա բացումն ապակե կամրջի վրայով անցել է մոտ երկու տոննա զանգվածով բեռնատար։
Չժանցզյացզեի ազգային պարկը եղել է աշխարհում առաջին ազգային անտառային պարկը։ 1992 թվականին պարկը, որպես Ուլինյուան տարածքի մաս, ճանաչվել է ՅՈՒՆԵՍԿՕ-ի կողմից, որպես համաշխարհային ժառանգություն[5]։ 2001 թվականին Չինաստանի հողօգտագործման և ռեսուրսների Նախարարությունը պարկին տվեց կարգավիճակ. «Սրածայր ավազաքարերից կազմված ազգային անտառային գեոպարկ»։ 2004 թվականին ՅՈՒՆԵՍԿՕ-ն Չժանցզյացզե ազգային պարկը ընդգրկեց գեոպարկերի համաշխարհային ցանցում[6]։
2015 թվականին էկրաններին հայտնվեց «Հրեշի որսը» ֆիլմը, որի նկարահանումները հիմնականում կատարվել էին Չժանցզյացզե պարկում։
Ծանոթագրություններ խմբագրել
- ↑ Zhangjiajietourism.us (англ.)
- ↑ Zhangjiajie National Forest Park (англ.) на сайте travelchinaguide.com
- ↑ Zhangjiajie National Forest Park (англ.) на сайте chinahighlights.com
- ↑ Mysterious Avatar Home — Zhangjiajie Tianmen Mountain, China Видео 0:13:17
- ↑ Zhangjiajie National Forest Park (англ.) (кит.) (яп.) (кор.) (рус.) (нем.) (фр.) на сайте cn-zhangjiajie.com
- ↑ Zhangjiajie National Forest Park (англ.) на сайте topchinatravel.com
Արտաքին հղումներ խմբագրել
- Zhangjiajie National Forest Park Արխիվացված 2016-01-28 Wayback Machine (անգլ.) на сайте warriortours.com
- Zhangjiajie National Forest Park — China — Lonely Planet travel video Видео 0:01:57
Աղբյուրներ խմբագրել
- Մարկ Տրուման «Աշխարհի հրաշալիքները» (Զանգակ 97)
 | Վիքիպահեստն ունի նյութեր, որոնք վերաբերում են «Չժանցզյացզե ազգային պարկ» հոդվածին։ |