Չեզարե Մակկարի
Չեզարե Մակկարի (իտալ.՝ Cesare Maccari, մայիսի 9, 1840[1][2][3][…], Սիենա, Տոսկանա, Իտալիա - օգոստոսի 7, 1919, Հռոմ, Իտալիա), իտալացի նկարիչ և քանդակագործ։
| Չեզարե Մակկարի | |
|---|---|
 | |
| Ծնվել է | մայիսի 9, 1840[1][2][3][…] |
| Ծննդավայր | Սիենա, Տոսկանա, Իտալիա |
| Մահացել է | օգոստոսի 7, 1919 (79 տարեկան) |
| Մահվան վայր | Հռոմ, Իտալիա |
| Քաղաքացիություն | _crowned.svg){kind=small} Իտալիայի թագավորություն |
| Երկեր | Cicero Denounces Catiline? |
| Մասնագիտություն | երգիչ, քանդակագործ և նկարիչ-փորագրող |
 Cesare Maccari Վիքիպահեստում | |
Կյանք և ստեղծագործություն խմբագրել
Ջուզեպպե Մակկարիի և Կարոլինա Մանուչչիի որդին է։
Նա իր գեղարվեստական կրթությունը ստացել է Կոլեգիո Տոլոմեում, միևնույն ժամանակ այնտեղ է սովորել պատերազմական թեմաների ապագա նկարիչ Ամոս Կասիոլին։ Սիենայի գեղարվեստի ինստիտուտում (Istituto di belle arti di Siena) նա Տիտո Սարրոչիի ուսանողն էր։
Գեղանկարչությունից բացի, Մակկարին որոշ ժամանակ զբաղվել է քանդակագործությամբ։ Տիտո Սարրոչիի ղեկավարությամբ և նրա հետ միասին նա աշխատել է Սիենայի Սան Դոմենիկոյի բազիլիկայում գտնվող Ջուզեպպե Պյանիջիանիի (Monumento a Giuseppe Pianigiani) հուշարձանի վրա։ Ավելի ուշ նա տեղափոխվել է Ֆլորենցիա և այնտեղ աշխատանքի ընդունվել Լուիջի Մուսինիի արվեստի արհեստանոցում։ Մուսինիի մոտ աշխատել է որպես պատվերով նկարիչ, բրիտանական համայնքներից մեկի պատվերով կրկնօրինակել է Սիենայի տաճարում պահվող Պինտուրիկիոյի աշխատանքները։
Արվեստի առաջին գիտակներից մեկը, որն ուշադրություն է դարձերլ Մակկարիի տաղանդին, եղել է մարկիզ Ֆերդինանդո Պիերի-Ներլին։ Այս ազնվականը գնել է նրա «Ռեբեկան աղբյուրի մոտ ընդունում է Էլիզարի նվերները» կտավը և պայմանավորվել է Մոնտենորի դ'Արբիի մոտակայքում գտնվող կալվածքի իր մատուռը չորս ավետարանիչներին պատկերող որմնանկարներով զարդարելու մասին։ 1865 թվականին նկարիչը մրցանակ է շահել «Լեոնարդո դա Վինչիի բնորդուհի Մոնա Լիզան» կտավի համար։ Հռոմ տեղափոխվելուց հետո նա երկար ժամանակ եղել է տեղական Սուրբ Լուկայի ակադեմիայի (Accademia di San Luca) դոցենտ։
1874 թվականին Չեզարե Մակկարին ամուսնանում է Կարոլինա Էպշտեյնի հետ, այս ամուսնությունից ծնվել է նրանց դուստրը` Արջիան։
Կտավներ և որմնանկարներ (ընտրված) խմբագրել
- Վիկտորիա Կոլոնան խորհրդածում է Միքելանջելոյի բանաստեղծությունների շուրջ (1868)
- Սիրան զոհաբերում է իրեն տիրուհի Ֆաբիոլայի համար (1869)
- Տրիկլինիում (1879)
- Սիլվեստեր 3-րդ պապի պաշտոնազրկումը
- Վենետիկում առաջին հաղորդության օրը
- Կոնսոլացիոնե եկեղեցու որմնանկարները (1889)
- Կապելլա Պերիի մատուռը Մոնտերոնի դ'Արբիաում. չորս ավետարանիչներ, որմնանկար
- Դել Սանտիսիմո Սուդարտո դեյ Պիեմենտեսիի եկեղեցի, Հռոմ, որմնանկարներ (1870/73)
- Կվիրինալյան պալատ, Հռոմ, Երեք գեղուհիներին պսակող Ամուրը, որմնանկար
- Տիկնոջ պալատը (Իտալիայի Սենատի նստավայր), Հռոմ. Ցիցերոնի ելույթը Կատիլինայի դեմ, որմնանկար (1888)
- Ռիսորջիմենտոյի սրահ, Հանրապետական պալատ, Սիենա. Թագավոր Վիկտոր Էմանուել 2-ը և այլ որմնանկարներ
Պատկերասրահ խմբագրել
-
"Ցիցերոնի ելույթը Կատիլինայի դեմ", 1888 -
"Ապպիոս Կլավդիոսը սենատում" -
"Մոնա Լիզան` Լեոնարդո դա Վինչիի բնորդուհի" -
"Ազատության մեծությունը" -
Լորետոյի բազիլիկայի գմբեթի որմնանկար (1895-1907)
Ծանոթագրություններ խմբագրել
- ↑ 1,0 1,1 https://rkd.nl/explore/artists/51656
- ↑ 2,0 2,1 Cesare Maccari (նիդերլ.)
- ↑ 3,0 3,1 Benezit Dictionary of Artists — OUP, 2006. — ISBN 978-0-19-977378-7
Գրականություն խմբագրել
- Piero Torriti: Tutta Siena. Contrada per Contrada. Edizioni Bonechi, Florenz 2004, ISBN 88-7204-456-1
 | Վիքիպահեստն ունի նյութեր, որոնք վերաբերում են «Չեզարե Մակկարի» հոդվածին։ |