Վիքիպեդիա

Չարլի Քրիստ

քաղաքական գործիչ

Չարլզ Ջոզեֆ «Չարլի» Քրիստ (անգլ.՝ Charles Joseph «Charlie» Crist, Jr.,հուլիսի 24, 1956(1956-07-24), Altoona, Բլեր շրջան, Փենսիլվանիա, ԱՄՆ), ամերիկացի քաղաքագետ-դեմոկրատ (սկսած 2012 թվականից), նախկինում ներկայացրել է հանրապետական կուսակցությունը (1974—2010): Ֆլորիդայի 43-րդ նահանգապետը (2007—2011), ԱՄՆ Ներկայացուցիչների պալատի անդամ՝ ընտրված Ֆլորիդա նահանգի 13-րդ ընտրատարածքից (սկսած 2017 թվականից)[1]։

Չարլի Քրիստ
Charlie Crist
Դրոշ
Դրոշ
 ԱՄՆ Ներկայացուցիչների պալատի անդամ Ֆլորիդա նահանգի 13-րդ ընտրատարածքից
 2017 թվականի հունվարի 3
Նախորդող Դևիդ Ջոլլի
Դրոշ
Դրոշ
 (44-րդ) Ֆլորիդայի նահանգապետ
2007 թվականի հունվարի 2 - 2011 թվականի հունվարի 4
Նախորդող Ջեբ Բուշ
Հաջորդող Ռիք Սքոթ
Դրոշ
Դրոշ
 (35-րդ) Ֆլորիդայի գլխավոր դատախազ
2003 թվականի հունվարի 7 - 2007 թվականի հունվարի 2
Նախորդող Ռիչարդ Դորան
Հաջորդող Բիլլ Գալլահեր
Դրոշ
Դրոշ
 (21-րդ) Ֆլորիդայի կրթության կոմիսար
2001 թվականի հունվար - 2003 թվականի հունվարի 5
Նախորդող Թոմ Գալլահեր
Հաջորդող Ջիմ Հորմ
 
Կուսակցություն՝ Հանրապետական կուսակցություն (1974—2010)
անկախ (2010 — 2012)
Դեմոկրատական կուսակցություն (с 2012)
Կրթություն՝ Ֆլորիդա նահանգի համալսարան
Սեմֆորդի համալսարան
Մասնագիտություն՝ քաղաքական գործիչ, փաստաբան, Ամերիկյան ֆուտբոլիստ և գրող
Դավանանք մեթոդականություն
Ծննդյան օր 1956 թվականի հուլիսի 24
Ծննդավայր Փենսիլվանիա
Քաղաքացիություն  ԱՄՆ
Ի ծնե անուն անգլ.՝ Charles Joseph Crist Jr.
Ամուսին Carole Crist?
 
Կայք՝ charliecrist.com
 
Ինքնագիր

Կենսագրություն խմբագրել

Վաղ տարիներ և կրթություն խմբագրել

Չարլի Քրիստը ծնվել է Փենսիլվանիա նահանգի Ալտունա քաղաքում, Չարլզ Ջոզեֆ Քրիստ ավագի՝ հունական ծագում ունեցող բժշկի և Նենսիի (մինչ ամուսնությունը՝ Լի)՝ իռլանդա-շոտլանդական ծագմամբ ընտանիքում[2]։ Վաղ տարիքում Քրիստը տեղափոխվել է Ֆլորիդա նահանգի Սենտ-Պիտերսբերգ քաղաք, որտեղ 1974 թվականին ավարտել է դպրոցը։ Նա երկրորդն է չորս երեխաներից և ունի երեք քույր՝ Մարգարետ Քրիստ Բուդ, Էլիզաբեթ Քրիստ Հայդեն և Եկատերինա Քրիստ Քեննեդի։ 1974-1976 թվականներին Քրիստը սովորել է Ուեյկ Ֆորեստ համալսարանում, որտեղ խաղացել է Demon Deacons ֆուտբոլային թիմի պաշտպանի դիրքում[3]։ 1978 թվականին նա Ֆլորիդա նահանգի համալսարանում ստացել է բակալավրի աստիճան, որտեղ ընտրվել է ուսանողական փոխնախագահ և եղել է "Pi Kappa Alpha" եղբայրության անդամ[3]։ 1981 թվականին Քրիստը ստացել է իրավունքի դոկտորի աստիճան Սեմֆորդի համալսարանի իրավաբանական դպրոցում[4][5]։

Քրիստը երրորդ փորձից անցել է փաստաբանական պրակտիկայով զբաղվելու իրավունքի քննությունը[6], ինչից հետո աշխատել է որպես գլխավոր իրավախորհրդատու Սենտ-Պիտերսբերգի բեյսբոլի լիգայի գլխավոր գրասենյակում[3]։ 1986 թվականին նա առաջադրվել է Ֆլորիդայի Սենատում՝ Փինելաս շրջանի կողմից[7]։ Քվեարկության երկրորդ փուլում պարտվելուց հետո Քրիստը զբաղվել է իրավաբանական մասնավոր պրակտիկայով։

Քաղաքական կարիերա խմբագրել

1992 թվականին Քրիստը ընդգրկվել է Ֆլորիդա նահանգի Սենատի կազմում Սենտ-Պիտերսբերգի կողմից[3][8]՝ հաղթելով գործող դեմոկրատ սենատոր Հելլեն Դևիսին՝ Տամպայից[9]։ Որպես Սենատի էթիկայի և ընտրական հանձնաժողովի նախագահ՝ Քրիստը հետաքննություն է անցկացրել այն ժամանակվա նահանգապետ Լոութոն Չայլզի գործողությունների վերաբերյալ՝ 1994 թվականի ընտրություններից առաջ տարեց ընտրողների «համոզիչ հարցումների» մեղադրանքների կապակցությամբ։ Արդյունքում, Չայլզը ելույթ է ունեցել կոմիտեի առջև և խոստովանել, որ նման զանգեր եղել են[10]։ Քրիստը պաշտպանել է ուսուցիչների աշխատավարձի բարձրացման գաղափարը և կողմ է արտահայտվել օրենքի ընդունմանը, ըստ որի կալանավորները կարող էին պայմանական վաղաժամկետ ազատման իրավունք ստանալ՝ կրելով ժամկետի առնվազն 85 տոկոսը[8]։

1998 թվականին Քրիստն առաջադրվեց ԱՄՆ-ի Սենատում, սակայն ընտրություններում պարտվեց գործող դեմոկրատ սենատոր Բոբ Գրինին (համապատասխանաբար 37,53 տոկոս և 62,47 տոկոս)[11]։ 2001-2003 թվականներին նա Ֆլորիդայի նահանգի կրթության հանձնակատարն էր, 2003-2007 թվականներին՝ նահանգի գլխավոր դատախազը[3]։

2006 թվականին Քրիստն ընտրվեց Ֆլորիդայի նահանգապետի պաշտոնում[7], սակայն 2010 թվականին չվերընտրվեց հաջորդ ժամկետով՝ որոշելով իր թեկնածությունն առաջադրել ԱՄՆ-ի Սենատում[3][12]։ Նա նախընտրական արշավը սկսեց որպես Հանրապետական կուսակցության թեկնածու, սակայն 2010 թվականի մայիսի 13-ին պաշտոնապես հայտարարեց, որ դառնում է անկախ թեկնածու[13]։ Քրիստն ի վերջո պարտվեց ավելի պահպանողական հանրապետական թեկնածու Մարկո Ռուբիոյին։  Քրիստը հավաքել է 30%, Ռուբիոն՝ 49%, իսկ դեմոկրատ Քենդրիկ Միքը՝ 20% ձայն[14][15]։

Այդ պարտությունից հետո Քրիստն անցավ Դեմոկրատական կուսակցություն, 2012 թվականին աջակցեց Բարաք Օբամային նախագահական նախընտրական քարոզարշավում, իսկ 2015 թվականին նույնիսկ հայտարարեց Կոնգրեսում դեմոկրատներից առաջադրվելու մտադրության մասին[16]։

Նահանգապետի պաշտոնից հեռանալուց հետո Քրիստն աշխատում է Տամպայի Morgan and Morgan իրավաբանական ընկերությունում։  Բացի այդ, նա ժամանակ առ ժամանակ դասախոսություններ է կարդում Ստետսոնի համալսարանի իրավաբանական քոլեջում[17]։

Քաղաքական դիրքորոշումներ խմբագրել

Քրիստը մահապատիժի և զենք կրելու իրավունքի պաշտպան է[18]։ Աբորտների վերաբերյալ նրա դիրքորոշումը պարզ չէ[19]։ Քրիստն աջակցում է Ֆլորիդայում նույնասեռ ամուսնությունների և նույնասեռ զույգերի կողմից երեխաների որդեգրման արգելքին՝ պնդելով, որ «ավանդական ընտանիքն ապահովում է երեխաների համար լավագույն պայմանները»[20][21][22]։ Ի տարբերություն այլ հանրապետականների, Քրիստը Ֆլորիդայի նահանգի համար կարևոր՝ շրջակա միջավայրի պաշտպանության ակտիվ կողմնակից է[3]։ Նա հայտարարել Է նահանգում օդի աղտոտման խիստ չափանիշներ սահմանելու իր պլանների մասին՝ մինչև 2050 թվականը ջերմոցային գազերի արտանետումները 1990 թվականի մակարդակի համեմատ 80 տոկոսի չափով կրճատելու նպատակով[3][23]։ Նահանգապետական քարոզարշավի ժամանակ Քրիստը դեմ էր հանդես գալիս ծովում նավթային հորատանցքերի հորատմանը, սակայն 2008 թվականի հունիսին փոխեց իր դիրքորոշումը, երբ նավթի գինը հասավ իր գագաթնակետին[3][24][25]։

Անձնական կյանք խմբագրել

 
Չարլի Քրիստը կնոջ՝ Քերոլ Ռոումի հետ

1979 թվականի հուլիսին Քրիստն ամուսնացել է Ամանդե Մորրոյի հետ, բայց ավելի քիչ, քան մեկ տարի անց նրանք բաժանվել են[4]։ 2008 թվականի հուլիսի 3-ին, 9 ամիս տևած ծանոթությունից հետո, նա նշանվել է Քերոլ Ռոումի հետ, իսկ 2008 թվականի դեկտեմբերի 12-ին նրանք ամուսնացել են[26]։

2011 թվականի ապրիլին, ի պատասխան ներկայացված հայցի, Քրիստը ներողություն է խնդրել Դևիդ Բիրնի «Ճանապարհ դեպի ոչ մի տեղ» (անգլ.՝ Road to Nowhere) երգը ԱՄՆ-ի Սենատի նախընտրական արշավի ժամանակ օգտագործելու համար[27][28]։

Ծանոթագրություններ խմբագրել

  1. ↑ «2016 Florida House Election Results». Politico. 2016 թ․ դեկտեմբերի 13.
  2. ↑ Steve Bousquet. (2006 թ․ հոկտեմբերի 20). «Father is first for unmarried politico» (անգլերեն). St. Petersburg Times. Վերցված է 2012 թ․ մայիսի 31-ին.
  3. ↑ 3,0 3,1 3,2 3,3 3,4 3,5 3,6 3,7 3,8 «Florida Governor Charlie Crist» (անգլերեն). National Governors Association. Արխիվացված է օրիգինալից 2012 թ․ հունիսի 30-ին. Վերցված է 2012 թ․ մայիսի 31-ին.
  4. ↑ 4,0 4,1 Steve Bousquet. (2006 թ․ օգոստոսի 27). «Charlie Crist: A fuzzy line divides personal and political lives» (անգլերեն). Sarasota Herald Tribute. Վերցված է 2012 թ․ մայիսի 31-ին.
  5. ↑ Laura Fitzpatrick, Lauren E. Bohn. (2009 թ․ մայիսի 14). «2 Minute Bio» (անգլերեն). Time Magazine. Արխիվացված է օրիգինալից 2012 թ․ հունիսի 30-ին. Վերցված է 2012 թ․ մայիսի 31-ին.
  6. ↑ Stephen Hegarty. (2001 թ․ սեպտեմբերի 1). «Candidate failed 2 bar exams;Florida's top educator, who hopes to be its top legal officer, says failing taught him "never give up» (անգլերեն). St. Petersburg Times. Վերցված է 2012 թ․ հունիսի 1-ին.
  7. ↑ 7,0 7,1 «Biography, interest group ratings, public statements, vetoes and campaign finances» (անգլերեն). Project Vote Smart. Արխիվացված է օրիգինալից 2012 թ․ հունիսի 30-ին. Վերցված է 2012 թ․ մայիսի 31-ին.
  8. ↑ 8,0 8,1 Allen Morris, Joan Perry Morris. The Florida Handbook 2007–2008. — 31st Biennial ed.. — Peninsula Publishing, 2008. — С. 31. — ISBN 978-0-9765846-1-2
  9. ↑ Alex Leary. (2011 թ․ մայիսի 15). «Florida Democrats divided on redistricting, black representation» (անգլերեն). St. Petersburg Times. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  10. ↑ Michael C Bender. (2011 թ․ օգոստոսի 23). «Dems say lawmakers should investigate missing e-mails from Rick Scott's transition» (անգլերեն). Tampa Bay Times. Արխիվացված է օրիգինալից 2015 թ․ ապրիլի 24-ին. Վերցված է 2012 թ․ հունիսի 1-ին.
  11. ↑ «1998 U.S. Senate results» (անգլերեն). Federal Elections Commission. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  12. ↑ Jim Stratton. (2010 թ․ ապրիլի 30). «Crist's independent run draws praise — and scorn» (անգլերեն). Orlando Sentinel. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  13. ↑ Peter Wallsten, Valerie Bauerlein. (2010 թ․ ապրիլի 29). «Crist Looks to Go It Alone» (անգլերեն). The Wall Street Journal. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  14. ↑ «Election Results - November 2, 2010» (անգլերեն). Florida Department of State. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  15. ↑ «United States Senate election in Florida, 2010 — Campaign contributions» (անգլերեն). Open Secrets. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  16. ↑ «Former Florida governor Charlie Crist to run for US Congress as Democrat» (անգլերեն). The Guardian. 2015 թ․ հոկտեմբերի 20. Վերցված է 2016 թ․ փետրվարի 21-ին.
  17. ↑ «Charlie Crist joins Morgan & Morgan law firm» (անգլերեն). TBO.com. 2011 թ․ հունվարի 7. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  18. ↑ Lesley Clark. (2005 թ․ նոյեմբերի 2). «Crist: Hands off death penalty law» (անգլերեն). Miami Herald. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  19. ↑ STEVE BOUSQUET. (2006 թ․ օգոստոսի 18). «Crist's stance on abortion still hazy» (անգլերեն). St Petersburg Times. Վերցված է 2012 թ․ հունիսի 1-ին.
  20. ↑ «Florida Governor Charlie Crist on Lifting Gay Adoption Ban: 'I'd Have to Think About It'» (անգլերեն). towleroad.com. 07/22/2009. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  21. ↑ Dara Kam. (September 22nd, 2010). «Gay adoption ban unconstitutional, appeals court rules» (անգլերեն). Post on Politics. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  22. ↑ Jeff Kunerth. (2010 թ․ սեպտեմբերի 22). «Florida's gay-adoption ban unconstitutional, court rules» (անգլերեն). Orlando Sentinel. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  23. ↑ Jim Loney. (2007 թ․ հուլիսի 11). «Florida to introduce tough greenhouse gas targets» (անգլերեն). Reuters. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  24. ↑ «U.S. Rep. Kendrick Meek says Charlie Crist flipped twice on offshore drilling position» (անգլերեն). PolitiFact. April 29th, 2010. Վերցված է 2012 թ․ հունիսի 1-ին.
  25. ↑ Greg Allen. (2008 թ․ հունիսի 19). «In Switch, Florida's Crist Eyes Offshore Drilling» (անգլերեն). NPR. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  26. ↑ «harlie Crist, Carole Rome wedding photos» (անգլերեն). St. Petersburg Times. 2008 թ․ դեկտեմբերի 12. Արխիվացված է օրիգինալից 2012 թ․ հունիսի 6-ին. Վերցված է 2012 թ․ հունիսի 1-ին.
  27. ↑ Holly Bailey. (2011 թ․ ապրիլի 12). «David Byrne forces Charlie Crist to record embarrassing apology for stealing Talking Heads song» (անգլերեն). The Ticket. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.
  28. ↑ Daniel Kreps. (2011 թ․ ապրիլի 12). «David Byrne Forces Former Governor to Apologize for Song Theft» (անգլերեն). Amplifier. Արխիվացված է օրիգինալից 2012 թ․ հունիսի 30-ին. Վերցված է 2012 թ․ հունիսի 1-ին.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Չարլի Քրիստ» հոդվածին։
Ստացված է «https://hy.wikipedia.org/w/index.php?title=Չարլի_Քրիստ&oldid=9729936» էջից