Ուկտուսի կամուրջ

Ուկտուսի կամուրջ;
Երկիր	Ռուսաստան
Տեղանք	Եկատերինբուրգ
Տեսակ	կամուրջ
Ժառանգության կարգավիճակ	Ռուսաստանի մարզային նշանակության մշակութային ժառանգության օբյեկտ

Ուկտուսի կամուրջ (ռուս.՝ Уктусский мост, Պատրուշիխա գետի կամուրջ, ռուս.՝ Мост через реку Патрушиха), կամուրջ Ռուսաստանի Դաշնության Եկատերինբուրգ քաղաքում, որը կառուցվել է 1857 թվականին։ Գտնվում է Շչերբակովի փողոցում, միմյանց է կապում Պատրուշիխա գետի ափերը։

Աշխարհագրական դիրք

Կամուրջը գտնվում է Շչերբակովի փողոցում, Եկատերինբուրգի Դունիտովսկի նրբանցքի մոտ, Պատրուշիխայի գետաբերանում, Իսետ գետը թափվելու տեղում։ Կամուրջն Ուկտուս միկրոշրջանը կապում է քաղաքի կենտրոնի հետ^[1]։

Ստեղծման պատմություն

«Ուկտուսի կամուրջը» ժողովրդական անվանումն է, պաշտոնապես օբյեկտը կոչվում է «Պատրուշիխա գետի կամուրջ»։ Կամրջի շինարարությունը սկսվել է 1856 թվականի աշնանը, երբ դատարկվել է Ուկտուսի գործարանային լճակի ջուրը։ Կամուրջը կառուցվել է նախկին փայտե կամրջի վայրում, որն Ուկտուսը Չելյաբինսկի մայրուղիով կապում է Եկատերինբուրգ քաղաքի կենտրոնի հետ։ Գծագիրը և նախահաշիվը պատրաստել է եկատերինբուրգցի ճարտարապետ Անդրեյ Սպիրինգը, որը 1845 թվականին նախագծել է Քաղաքային լճակի քարե առափը Ուրալի լեռնաշղթայի լեռնային գործարանների գլխավոր պետի տան (այժմ` №2 մարզային հիվանդանոց) կողմից։ Կամրջի շինարարությունն ավարտվել է 1857 թվականի հունիսի 28-ին^[2]։

Ճարտարապետություն

Կամուրջն ունի երեք զանգվածեղ գլանաձև կամար, որոնք հենվում են երկու կամրջասյան և ափի կամրջակալների վրա։ Գրանիտե սալիկներով շարված որմնանեցուկներն ամրացնում են կառուցվածքը և հարստացնում կամրջի հորինվածքը։ Երեսպատման քարերով շարված է կամարը, իսկ կամուրջը կառուցված է խամքարից։ Ցանկապատերը կորսվել են^[1]։

Հուշարձան

Սվերդլովսկի մարզի կառավարության 2001 թվականի դեկտեմբերի 28-ի թիվ 859-PP որոշմամբ կամուրջը դրվել է պետական պահպանության ներքո որպես տարածաշրջանային նշանակության քաղաքաշինության և ճարտարապետության հուշարձան^[3]։

Պատկերասրահ

Ծանոթագրություններ

↑ ^1,0 ^1,1 Свод памятников истории и культуры Свердловской области / Под ред. В.Е.Звагельская. — Екатеринбург: Сократ, 2007. — Т. 1. — С. 507—508. — 536 с. — ISBN 978-5-88664-313-3
↑ Корепанов Н.С. Уктус — исток Екатеринбурга(չաշխատող հղում). — Екатеринбург: Грачёв и партнёры, 2012 — С. 37-38.
↑ Мост через реку Патрушиха

[:1-1] 1,0 ^1,1 Свод памятников истории и культуры Свердловской области / Под ред. В.Е.Звагельская. — Екатеринбург: Сократ, 2007. — Т. 1. — С. 507—508. — 536 с. — ISBN 978-5-88664-313-3

[2] Корепанов Н.С. Уктус — исток Екатеринбурга(չաշխատող հղում). — Екатеринбург: Грачёв и партнёры, 2012 — С. 37-38.

[3] Мост через реку Патрушиха

[1]

[2]

[3]