Ուիլյամ Համֆրիս պատկերասրահ
Ուիլյամ Համֆրիս պատկերասրահ (անգլ.՝ William Humphreys Art Gallery), պատկերասրահ Հարավային Աֆրիկայի Քիմբերլի քաղաքում։ Բացվել է 1952 թվականին, անվանվել է ի պատիվ պատկերասրահի գլխավոր հովանավոր Ուիլյամ Բենբաու Համֆրիսի (1889–1965)[1]:
Ուիլյամ Համֆրիս պատկերասրահ | |
|---|---|
| Տեսակ | պատկերասրահ |
| Երկիր |  ՀԱՀ |
| Տեղագրություն | Քիմբերլի |
| Հասցե | Cullinan Cres, Kimberley, 8300 |
| Հիմնադրվել է | դեկտեմբերի 5, 1952 |
| Կայք | whag.co.za |
 | |
 | |
Պատմություն խմբագրել
1948 թվականին Վիլյամ Համֆրիսը Քիմբերլի քաղաքին նվիրեց 16 և 17-րդ դդ. հոլանդացի և ֆլամանդացի հին վարպետների, բրիտանական և ֆրանսիական գեղանկարների, անտիկ կահույքի և արվեստի այլ գործերի իր անձնական հավաքածուի մեծ մասը։ Պատկերասրահի հավաքածուի միջուկը ձևավորելու համար հավաքածուն համալրվեց հարավաֆրիկյան արվեստի նմուշներով, որոնք հավաքագրվել էին Քիմբերլի Աթենեյի և Մաքս Գրինբերգի ժառանգության արվեստի բաժնի անդամների կողմից։ Դրանց ավելացվել է Համֆրիսի փախառյալ և Ուիլյամ Թիմլինի հավաքածուն, De Beers Consolidated Mines Limited-ի անորոշ ժամկետով փոխառված հավաքածուն[1]։
Ձեռք են բերվել նաև Մեյեր հավաքածուի եվրոպական և արևելյան ճենապակին և «Լոուսոն» հին վարպետների գծանկարներն ու տպագրական գործերը։ Ուիլյամ Համֆրիս պատկերասրահի ուշադրության կենտրոնում է հարավաֆրիկյան արվեստի ստեղծագործությունների հավաքածուն՝ արվեստի տեղեկատու գրադարան ստեղծելու համար[1]։
Ի լրումն իր հավաքագրման և ցուցադրման գործառույթների՝ Ուիլյամ Համֆրիս պատկերասրահը գործում է որպես կրթական և մշակութային կենտրոն, շրջիկ ցուցահանդեսներով հանդես գալիս Հյուսիսային Կապում գտնվող գյուղական քաղաքներում[1]։
Ծանոթագրություններ խմբագրել
- ↑ 1,0 1,1 1,2 1,3 «William Humphreys Art Gallery». www.whag.co.za (անգլերեն). Վերցված է 2017 թ․ հունիսի 18-ին.
Արտաքին հղումներ խմբագրել
- Harrison, Philip (2005). Arts and Culture (անգլերեն). New Africa Books. ISBN 9780864865656.