Վիքիպեդիա

Ուիթնի Վուլֆ Հերդ

Ուիթնի Վուլֆ Հերդ (անգլ.՝ Whitney Wolfe Herd, հուլիսի 1, 1989(1989-07-01), Սոլթ Լեյք Սիթի, ԱՄՆ), ամերիկացի ձեռնարկատեր, «Bumble» սոցիալական և ժամադրությունների հավելվածի հիմնադիր և գլխավոր գործադիր տնօրեն, «Tinder» ժամադրությունների հավելվածի համահիմնադիր[2]։

Ուիթնի Վուլֆ Հերդ
Դիմանկար
Ծնվել էհուլիսի 1, 1989(1989-07-01) (34 տարեկան)
ԾննդավայրՍոլթ Լեյք Սիթի, ԱՄՆ
Քաղաքացիություն ԱՄՆ
ԿրթությունՀարավային մեթոդիստական համալսարան և Judge Memorial Catholic High School? (2007)
Մասնագիտությունգործարար, անվանի անձ և ձեռնարկատեր
ԱշխատավայրBumble?
Պարգևներ և
մրցանակներ
 Whitney Wolfe Herd Վիքիպահեստում

«Bumble» հավելվածը թողարկվել է 2014 թվականին[3], իսկ 2016 և 2017 թվականներին համապատասխանաբար թողարկվել են ընկերներ գտնելու «BumbleBFF» և մասնագիտական ցանցային «BumbleBizz» հավելվածները[4][5]։ Ըստ «Ֆորբս» ամսագրի՝ ընկերությունը գնահատվում է ավելի քան 1 միլիարդ դոլլար[6]։

Ամերիկյան «Business Insider» կայքի կողմից 2014 թվականին ճանաչվել է մինչև 30 տարեկան կանանց մեջ 30 ամենակարևոր կանանցից մեկը[7]։ 2016 թվականին Elle ամսագրի կողմից ճանաչվել է որպես ՏՀՏ ոլորտի ամսագրի կին[8]։ 2017 և 2018 թվականին ընդգրկվել է «Ֆորբսի» մինչև 30 տարեկան կանանց լավագույն 30-ի կազմում[9][10]։ 2017 թվականին համարվել է «Inc» ամերիկյան բիզնես ամսագրի ընդօրինակման արժանի 15 կին ձեռնարկատերերից մեկը[11]։ Պատկերվել է «Ֆորբս»[6], «Fast Company»[12] և «Wired UK»[13] ամսագրերի կազմերի վրա։ 2018 թվականի ապրիլին ընդգրկվել է «Թայմ» ամերիկյան շաբաթաթերթի աշխարհի ամենաազդեցիկ 100 մարդկանց ցուցակում[14]։

Վաղ կյանք և կրթություն խմբագրել

Ծնվել է Յուտա նահանգի մայրաքաղաք Սոլթ Լեյք Սիթիում հրեա Մայքլ Վուլֆի և կաթոլիկ Քելլի Վուլֆի ընտանիքում[15][16]։ Հաճախել է Judge Memorial Catholic High School մասնավոր ավագ դպրոցը։ Չորրորդ դասարանում սովորելիս ընտանիքը մեկնել է Փարիզ, որտեղ վարժ ֆրանսերեն է սովորել[17]։

Սովորել է Դալլասի Հարավային մեթոդիստական համալսարանում, որտեղ մասնագիտացել է միջազգային հարաբերություններում և հանդիսացել «Kappa Kappa Gamma» ուսանողական միության անդամ[18][19]։ Առաջին կուրսում ուսանել է Փարիզի Սորբոնի համալսարանում[20]։ Դեռևս ուսանողական տարիներին, 20 տարեկանում բամբուկե պայուսակների վաճառքի բիզնես է հիմնել՝ օգնելու նավթի արտազատումից տուժած շրջաններին։ Ընկերակցել է հանրահայտ ոճաբան Պատրիք Աուֆդենկամպի հետ, իսկ պայուսակները հայտնվել են ազգային մամուլի ուշադրության կենտրոնում, երբ այնպիսի հանրահայտ անձինք, ինչպիսիք էին՝ Ռեյչել Զոուին ու Նիկոլ Ռիչին, լուսանկարվել են դրանց հետ[21][22]։ Դրանից հետո Աուֆդենկամպի հետ ներկայացրել է «Քնքուշ սիրտ» կոչվող երկրորդ բիզնեսը․ հագուստի գիծ, որը նվիրված էր մարդկային թրաֆիքինգի ու արդար առևտրի մասին իրազեկության բարձրացմանը[21]։ Ավարտելուց հետո ճանապարհորդել է դեպի հարավարևելյան Ասիա ու աշխատել որբանոցներում[23][24]։

Կարիերա խմբագրել

«Tinder» խմբագրել

22 տարեկանում միացել է «Hatch Labs» ընկերությանը, որի միջոցով ներգրավվել է «Cardify» նորաստեղծ նախագծին․ վերջինս կյանքի չի կոչվել, սակայն 2012 թվականին Վուլֆը Ռեդ և Քրիս Գուլկզինսկիների հետ միացել է զարգացման թիմին՝ «Tinder» ծանոթությունների հավելվածն ստեղծելու համար[25][26][27]։

Դարձել է «Tinder»-ի մարքեթինգի գծով փոխնախագահը[19][24]։ Նրան է պատկանում հավելվածի անվան առաջադրման գաղափարը, որի համար նա ոգեշնչվել է բոցի լոգոյից ու փոքրիկ պատրույգներից, որոնք օգտագործվում են կրակ վառելու համար[28]։ Նրան է վերագրվում նաև համալսարանական ճամբարներում հավելվածի տարածումն ապահովելն ու օգտատերերի հենք ստեղծելը[29]։ 2014 թվականին մյուս գործադիրների հետ աճող լարվածության պատճառով հեռացել է ընկերությունից, որից հետո ընկերության դեմ դատական հայց է ներկայացրել սեռական ոտնձգության մեղադրանքով[30]։ Հաղորդվում է, որ համաձայնության գալու համար նրան վճարվել է ավելի քան 1 միլիոն դոլլար[19][31]։

«Bumble» խմբագրել

2014 թվականի դեկտեմբերին տեղափոխվել է Տեխաս նահանգի Օստին քաղաքն ու հիմնադրել կինակենտրոն «Bumble» ծանոթությունների հավելվածը[24][30][32]։ Մինչև 2015 թվականի դեկտեմբերը հավելվածն ունեցել է ավելի քան 15 միլիոն զրույց և 80 միլիոն զույգ[30]։ «Tinder»-ից հեռանալուց հետո գործարար Անդրեյ Անդրեևը կապվել է Վուլֆի հետ՝ առաջարկելով համագործակցել ժամադրությունների հարթակ ստեղծելու շուրջ[18][19][33], որն այսօր հանդիսանում է գլխավորապես «Badoo» ընկերության սեփականությունը[34]։

2017 թվականի նոյեմբերի տվյալներով «Bumble»-ն ունեցել է ավելի քան 22 միլիոն գրանցված օգտատեր[35]։

2019 թվականի սեպտեմբերի տվյալների համաձայն՝ «Tinder» և «Bumble» հավելվածներն ԱՄՆ-ում ժամադրությունների ամենատարածված առաջին և երկրորդ հավելվածներն են եղել՝ համապատասխանաբար 7.9 և 5 միլիոն ամսական օգտագործողների թվով[36]։

2019 թվականի նոյեմբերին «Bumble»-ի մայր ընկերությունը վաճառվել է «The Blackstone Group» մասնավոր բաժնետիրական ընկերությանը, որի համահիմնադիր Անդրեևը հրաժարվել է «Bumble»-ի և դրա քույր ընկերություն «Badoo»-ի ամբողջ մասնաբաժնից։ Վուլֆ Հերդը դարձել է նոր ձեռք բերած 3 միլիարդ դոլլար արժողությամբ և 75 միլիոն օգտատեր ունեցող «MagicLab» ընկերության գործադիր տնօրենը և ստացել ընկերության սեփականության բաժնետոմսերի մոտավորապես 19%-ը[37]։

«Chappy» խմբագրել

Միացյալ Թագավորությունում ստեղծված «Chappy» ժամադրությունների հարթակը ֆինանսավորվում է հիմնականում «Bumble»-ի և Վուլֆ Հերդի կողմից[38] և «Bumble»-ի նման հանդիսանում է Անդրեյ Անդրեևի սեփականությունն ու զարգանում «Badoo Group»-ի հովանու ներքո[39]։

Անձնական կյանք խմբագրել

Ամուսնացած է Մայքլ Հերդի հետ[40][41]։ 2019 թվականի դեկտեմբերին զույգն Ինստագրոմում հայտարարել է իրենց առաջնեկի ծննդյան մասին[42]։ Սրանով պայմանավորված՝ 2019 թվականին «Բամբլի» աշխատակիցների համար ծնողական նոր նպաստներ են սահմանվել, այդ թվում՝ բոնուսներ, վճարովի արձակուրդներ և աշխատանքի վերադառնալու ճկուն ժամանակացույց[43]։

2019 թվականին «Ֆորբս» ամսագիրը թոփ 80 «ամենահարուստ ինքնաբավ կանանց» շարքում Հերդին դասել է 72 համարի ներքո[44]։

Տես նաև խմբագրել

Ծանոթագրություններ խմբագրել

  1. ↑ https://www.globaldatinginsights.com/news/whitney-wolfe-herd-named-time-100-list/
  2. ↑ Business, Story by Sara Ashley O'Brien, CNN Business Video by Richa Naik and Craig Waxman, CNN. «She sued Tinder, founded Bumble and now, at 30, is the CEO of a dating empire». CNN. Վերցված է 2020 թ․ հունվարի 2-ին. {{cite web}}: |last= has generic name (օգնություն)CS1 սպաս․ բազմաթիվ անուններ: authors list (link)
  3. ↑ «How I Built This».
  4. ↑ Lee, Dami (2017 թ․ հոկտեմբերի 2). «Bumble launches Bizz, a new mode for professional networking». The Verge (անգլերեն). Վերցված է 2020 թ․ հունվարի 23-ին.
  5. ↑ «Bumble launches BFF, a feature to find new friends». TechCrunch (ամերիկյան անգլերեն). Վերցված է 2020 թ․ հունվարի 23-ին.(չաշխատող հղում)
  6. ↑ 6,0 6,1 Clare O'Connor (2017 թ․ նոյեմբերի 14). «Billion-Dollar Bumble: How Whitney Wolfe Herd Built America's Fastest-Growing Dating App». Forbes. Վերցված է 2017 թ․ նոյեմբերի 17-ին.
  7. ↑ Kosoff, Maya. «The 30 Most Important Women Under 30 In Tech». Business Insider. Վերցված է 2019 թ․ հունիսի 19-ին.
  8. ↑ Molly Langmuir (2016 թ․ մայիսի 13). «Meet Elle's 2016 Women in Tech». Elle.
  9. ↑ «Meet The Consumer Technology 30 Under 30 Class Of 2017».
  10. ↑ «Forbes Releases 2018 Edition of the 30 Under 30 List». Forbes. 2017 թ․ նոյեմբերի 14. Վերցված է 2017 թ․ դեկտեմբերի 31-ին.
  11. ↑ «15 Female Entrepreneurs to Watch Out For in 2017».
  12. ↑ Valby, Karen (2017 թ․ օգոստոսի 28). «Bumble's CEO Takes Aim at LinkedIn». Fast Company. Վերցված է 2017 թ․ դեկտեմբերի 31-ին.
  13. ↑ Tait, Amelia (2017 թ․ օգոստոսի 30). «Swipe Right for Equality: How Bumble is Taking on Sexism». Wired UK. Վերցված է 2017 թ․ դեկտեմբերի 31-ին.
  14. ↑ «Whitney Wolfe Herd: The World's 100 Most Influential People». Time (ամերիկյան անգլերեն). Վերցված է 2018 թ․ ապրիլի 27-ին.
  15. ↑ «Whitney Wolfe is Bringing Feminism to Your Phone». Austin Woman Magazine (ամերիկյան անգլերեն). 2016 թ․ ապրիլի 1. Վերցված է 2020 թ․ հուլիսի 14-ին.
  16. ↑ Amanda FitzSimons (2017 թ․ նոյեմբերի 27). «Whitney Wolfe Helped Women Score Dates. Now She Wants to Get Them Their Dream Job». ELLE (ամերիկյան անգլերեն). Վերցված է 2020 թ․ մարտի 3-ին.
  17. ↑ Wagman-Geller, Marlene (2018 թ․ ապրիլի 15). Women Who Launch: Women Who Shattered Glass Ceilings (անգլերեն). Mango Media Inc. ISBN 978-1-63353-696-8.
  18. ↑ 18,0 18,1 Charlotte Alter (2015 թ․ մայիսի 15). «Whitney Wolfe Wants to Beat Tinder at Its Own Game». Time.
  19. ↑ 19,0 19,1 19,2 19,3 Hannah Ellis-Petersen (2015 թ․ ապրիլի 12). «WLTM Bumble – A dating app where women call the shots». The Guardian.
  20. ↑ Suzannah Ramsdale. «Does Tinder empower women? This woman thinks so…». Marie Claire. Արխիվացված է օրիգինալից 2016 թ․ դեկտեմբերի 21-ին. Վերցված է 2020 թ․ հուլիսի 27-ին.
  21. ↑ 21,0 21,1 Hilary Hirschfeld (2010 թ․ նոյեմբերի 3). «SMU senior Whitney Wolfe launches second business, clothing line Tender Heart». Daily Campus.
  22. ↑ «Meet Bumble chief executive Whitney Wolfe». The Washington Post. 2015 թ․ հոկտեմբերի 23.
  23. ↑ Sarah Thurmond (2015 թ․ օգոստոսի 2). «Queen Bee». Austin Monthly.
  24. ↑ 24,0 24,1 24,2 Kimya Kavehkar (2016 թ․ մարտի 7). «Whitney Wolfe: The Matchmaker». Paper Mag.
  25. ↑ Josie Ensor (2015 թ․ մայիսի 23). «Tinder co-founder Whitney Wolfe: 'The word 'feminist' seemed to put guys off, but now I realise, who cares?'». Telegraph.
  26. ↑ Melissah Yang (2015 թ․ հունվարի 29). «Whitney Wolfe Says Goodbye Tinder, Hello Bumble». Los Angeles Business Journal.
  27. ↑ Shontell, Alyson. «What It's Like To Found A $750 Million Startup, Go Through A Sexual-Harassment Lawsuit, And Start All Over By Age 25». Business Insider.
  28. ↑ «Whitney Wolfe: The Woman Who Took Tinder To Court – And Came Back Fighting». Grazia. Վերցված է 2020 թ․ մարտի 3-ին.
  29. ↑ Tucker Cummings (2014 թ․ հուլիսի 1). «Tinder's Whitney Wolfe: 5 Fast Facts You Need to Know». Heavy.
  30. ↑ 30,0 30,1 30,2 Todd C. Frankel (2015 թ․ դեկտեմբերի 2). «Whitney Wolfe, founder of dating app Bumble, has had quite the year. She just can't discuss parts of it». The Washington Post.
  31. ↑ Kosoff, Maya. «Report: Ousted Tinder Cofounder Settled Her Sexual Harassment Lawsuit Against The Company For 'Just Over $1 Million'». Business Insider. Վերցված է 2020 թ․ մարտի 3-ին.
  32. ↑ Bennett, Jessica (2017 թ․ մարտի 18). «With Her Dating App, Women Are in Control». The New York Times (ամերիկյան անգլերեն). ISSN 0362-4331. Վերցված է 2020 թ․ մարտի 5-ին.
  33. ↑ Leora Yashari (2015 թ․ օգոստոսի 7). «Meet the Tinder Co-Founder Trying to Change Online Dating Forever». Vanity Fair.
  34. ↑ Ryan Mac (2017 թ․ հունվարի 3). «2017 30 Under 30: Consumer Technology – 28 of 30». Forbes.
  35. ↑ Clare O'Connor (2017 թ․ նոյեմբերի 14). «Billion-Dollar Bumble: How Whitney Wolfe Herd Built America's Fastest-Growing Dating App». Forbes.
  36. ↑ «U.S. dating apps by audience size 2019». Statista (անգլերեն).
  37. ↑ «Andrey Andreev sells stake in Bumble owner to Blackstone, Whitney Wolfe Herd now CEO of $3B dating apps business». TechCrunch (ամերիկյան անգլերեն). Արխիվացված է օրիգինալից 2022 թ․ օգոստոսի 5-ին. Վերցված է 2020 թ․ հունվարի 5-ին.
  38. ↑ «6 things you need to know about gay dating app Chappy». Evening Standard (անգլերեն). 2017 թ․ օգոստոսի 17. Վերցված է 2020 թ․ մարտի 5-ին.
  39. ↑ «Report: Grindr's Chinese owner Kunlun is selling the dating app after CFIUS raised personal data concerns». TechCrunch (ամերիկյան անգլերեն). Արխիվացված է օրիգինալից 2022 թ․ օգոստոսի 5-ին. Վերցված է 2019 թ․ ապրիլի 5-ին.
  40. ↑ «Whitney Wolfe Herd on Instagram: "❤️happy two years my everything"». Instagram (անգլերեն). Վերցված է 2019 թ․ սեպտեմբերի 17-ին.
  41. ↑ Macon, Alexandra (2017 թ․ հոկտեմբերի 5). «Bumble Founder Whitney Wolfe's Whirlwind Wedding Was a True Celebration of Southern Italy». Vogue (անգլերեն). Վերցված է 2019 թ․ հունվարի 7-ին.
  42. ↑ «"Whitney Wolfe Herd on Instagram». Վերցված է 2020 թ․ հուլիսի 23-ին.
  43. ↑ «Whitney Wolfe Herd Rethinks Parental Benefits After Pregnancy Announcement». Global Dating Insights (բրիտանական անգլերեն). 2019 թ․ հունիսի 18. Վերցված է 2019 թ․ սեպտեմբերի 17-ին.
  44. ↑ «2019 AMERICA'S SELF-MADE WOMEN NET WORTH». Forbes. Forbes. 2019 թ․ հունիսի 3. Վերցված է 2019 թ․ հուլիսի 1-ին.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Ուիթնի Վուլֆ Հերդ» հոդվածին։
Ստացված է «https://hy.wikipedia.org/w/index.php?title=Ուիթնի_Վուլֆ_Հերդ&oldid=9743272» էջից