Միքիաս Արապյան
հայ արձակագիր, դրամատուրգ
(Վերահղված է Շ. Շավարշից)
Միքիաս Արապյան (Շ. Շավարշ) (1876, Ստամբուլ, Օսմանյան կայսրություն - 1960), անգլագիր հայ արձակագիր։
Միքիաս Արապյան արմտ. հայ.՝ Միքիաս Արապեան | |
|---|---|
 | |
| Ծնվել է | 1876 |
| Ծննդավայր | Ստամբուլ, Օսմանյան կայսրություն |
| Վախճանվել է | 1960 |
| Գրական անուն | Շ. Շավարշ |
| Մասնագիտություն | դրամատուրգ և արձակագիր |
| Լեզու | անգլերեն |
| Կրթություն | Պերպերյան վարժարան (1895) |
Ծնվել է Կ. Պոլսում։ Սովորել և 1895 թվականին ավարտել է Պոլսի Պերպերյան վարժարանը, մեկնել է Անգլիա, Մանչեստր քաղաքում զբաղվել առևտրով, սովորել անգլերեն։ Ապա հաստատվել է Լոնդոնում և նվիրվել գրականության։
Առաջին գործը, որը նրան հայտնի է դարձրել Անգլիայում, «Օրինազանցները պետք է հետապնդվեն» պիեսն է, որը բեմադրվել է Լոնդոնում և Մանչեսթրում։ 1920 թվականին լույս է տեսել նրա մի այլ գիրք, որը ավելի է ծանոթացնում նրան անգլիացի ընթերցողներին։ Այնուհետև անգլիական ամսագրերում տպագրել է մի շարք նովելներ։ Մամուլը հաճախ է անդրադարձել նրա երկերին։ «Թայմզ» թերթը բարձր է գնահատել նրա «Laykin» վեպը, որը լույս է տեսել Լոնդոնում 1926 թվականին[1]։
Աղբյուրներ խմբագրել
- Հայ Հանարագիտակ, Հ. Մկրտիչ Վարդ. Պոտուրեան, 1938 Պուքրէշ, Բ. հատոր, էջ 258 - 259։
Ծանոթագրություններ խմբագրել
- ↑ Գառնիկ Ստեփանյան (1973). Կենսագրական բառարան, հատոր Ա. Երևան: «Սովետական գրող». էջ էջ 141.