Շողագավանք

Շողագավանք, հայկական միջնադարյան ճարտարապետական հուշարձան Հայաստանի Մարտունու շրջանում՝ Ձորագյուղի արևմտյան կողմում։ Գլխավոր՝ սուրբ Պետրոս եկեղեցին կառուցվել է 9-րդ դարի վերջին քառորդին՝ Գեղարքունիքի մեծ տիկին Մարիամի միջոցներով։

Շողագավանք
Հիմնական տվյալներ
Տեսակ	մշակութային արժեք
Երկիր	Հայաստան
Տեղագրություն	Ձորագյուղ, Երևան
Դավանանք	Հայ Առաքելական եկեղեցի
Թեմ	Գեղարքունիքի թեմ
Ներկա վիճակ	քանդված
Կազմված է	Խաչքար, Խաչքար, Մատուռ, Խաչքար, Խաչքար և Գերեզմանոց
Ժառանգության կարգավիճակ	մշակութային հուշարձան Հայաստանում
Ճարտարապետական նկարագրություն
Ճարտարապետական ոճ	հայկական ճարտարապետություն

Պահպանվել են հյուսիսային պատը և մյուս հատվածների հիմնապատերը՝ կառուցված մոխրագույն տուֆի կանոնավոր մշակված սրբատաշ քարերից։ Ըստ հատակագծային հորինվածքի եռաքսիդ, չորս անկյուններում միահարկ ավանդատներով եկեղեցի է։ ճակատները մշակված են եղել հատվածքում կիսաշրջանաձև (եզակի երևույթ), զույգ խորշով։ Պահպանվել են շինարարական արձանագրության առանձին բեկորներ։

Գլխավոր եկեղեցուց արևմտյան հատակագիծը գտնվում են միանավ, արտաքուստ բազմանիստ աբսիդով (5-րդ դար, վերակառուցվել է 9-10 դարեր) և քառախորան գմբեթավոր եկեղեցիների հիմնապատերը։ Վանքի շուրջը տարածված ընդարձակ գերեզմանատան մեջ կան բազմաթիվ տապանաքարեր և խաչքարեր, հնագույնը՝ 1216 թվական։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։