Շիլե
Շիլե (թուրքերեն՝ Şile), շրջան Թուրքիայի հյուսիսարևմտյան մասում` Ստամբուլի մարզում։ Շրջանը շատ հաճախ դիտարկվում է նաև որպես Ստամբուլի թաղամաս։ Գտնվում է Սև ծովի հարավարևմտյան ափին։ Հնում համանուն բնակավայր է եղել այս վայրում, որը հիմնվել է Մեգարից եկած հույների կողմից։ Մինչ XX դարը այստեղ եղել է փոքր ձկնորսական գյուղակ։
| Բնակավայր | ||
|---|---|---|
| Շիլե | ||
 | ||
| Երկիր |  Թուրքիա | |
| Մակերես | 916 կմ² | |
| Բնակչություն | ▲48 537 մարդ (2023)[1] | |
| Ժամային գոտի | UTC+3 | |
| Փոստային դասիչ | 34980 | |
| Պաշտոնական կայք | sile.gov.tr | |
| ||
1912 թվականին այստեղ բնակվում էին 14,800 մուսուլման և 9,300 հույն և հայ[2]։
2007 թվականի տվյալներով շրջանի բնակչությունը կազմում էր 25,169 մարդ, որից 9,831-ը ապրում էին Շիլե քաղաքում, 2,096` մոտակա Աղվա քաղաքում (Յեշիլչայ), իսկ 13,242-ը` շրջակա գյուղական համայնքներում[3]։ Սակայն, հունիսից սեպտեմբեր ամիսներին բնակչությունը արագ աճում է, քանի որ Ստամբուլի բնակչության մի մասը գալիս է Շիլե հանգստանալու։
Շիլեն վարչականորեն պատկանում է Ստամբուլի մարզին, իսկ Շիլեյի քաղաքապետարանը վարչականորեն ենթակա է Ստամբուլի քաղաքապետարանին։ Շիլեն արևելքից և հարավից սահմանակից է Քոջայելիի մարզին (Գեբզե, Կյորֆեզ, Դերինջե, Կանդըրա շրջաններին), իսկ հարավ-արևմուտքից Ստամբուլի շրջաններ Պենդիկին, Չեքմեքյոյին, իսկ արևմուտքիվ` Բեյքոզին[4]։ Շիլեի արևմտյան սահմանները սկսվում են Էսենջելի ձկնորսական գյուղից, որը հիմնվել է 1987 թվականին։ Շիլեի շրջանը բաղկացած է երեք ենթաշրջաններից` Շիլեից, Յեշիլվադիից, Թեքեից և 58 ենթակա գյուղական համայնքներից։ Շրջանի ղեկավարը Ջան Տաբակօղլուն է` Արդարություն և զարգացում կուսակցությունից։
Անվան ծագումնաբանություն խմբագրել
«Հիլե» (հուն․՝ Χηλη) հունարենից թարգմանաբար նշանակում է «շուրթեր»։ Այս դեպքում ափի նեղ կտրատվածությունը հիանալի է նավագնացության համար։
Արտաքին հղումներ խմբագրել
Ծանոթագրություններ խմբագրել
- ↑ https://www.nufusune.com/sile-ilce-nufusu-istanbul
- ↑ George Sotiriadis: An Ethnological Map Illustrating Hellenism in the Balkan Peninsula and Asia Minor, 1918
- ↑ Şile Kaymakamlığı (Şile District Governor). Nüfus Durumu (Population Status). Web: [1] Արխիվացված 2016-09-19 Wayback Machine Retrieved 26 June 2010.
- ↑ İstanbul Büyükşehir Belediyesi (Istanbul Metropolitan Municipality). İstanbul Şehir Rehberi (Istanbul City Guide). Web: [2] Retrieved 26 June 2010.
 | Վիքիպահեստն ունի նյութեր, որոնք վերաբերում են «Շիլե» հոդվածին։ |