Շաղագու

Շաղագու, գյուղ Արևմտյան Հայաստանում, Բիթլիսի վիլայեթի Բուլանըխի գավառակում։ Գտնվում էր Կոփ գյուղաքաղաքից 4 կմ հարավ-արևելք՝ Կոփ գետի ափին, Խաչվա լճի հյուսիսարևելյան կողմում։

Գյուղ
Շաղագու
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառակ	Բուլանըխի գավառակ
Այլ անվանումներ	Շագուկ, Շախագու, Շախյաղուպ, Շաղուկ, Շեխաղուբ, Շեխեաղութ, Շեխյագուբ, Շեյխագա, Շեյխաղա, Շեխյաաղուբ, Շեյխ Յաղուբ, Շեխյաղուբ, Շեխյաղուպ, Շեյխյաղուբ Թենդուրեկ, Շեյխյաղուպ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Ժամային գոտի	UTC+3

Իր մեծությամբ և բազմամարդությամբ Բուլանըխի գավառակի երկրորդ գյուղը, հարևանությամբ Կոփ և Մերբար գյուղերի։ Գտնվել է Խաչանայ լճակից հոսող գետակի ափին, ձորակի գլխին՝ բարդիներով շրջապատված, ունեցել է մի քանի ջրաղացներ։

Պատմություն

Գյուղը հիմնադրվել է հայ վաճառական Սաֆարի նախաձեռնությամբ։

Զուտ հայկական գյուղ էր։ Գյուղն ավերվել և ամայացել է առաջին համաշխարհային պատերազմի տարիներին (1914-1918)։

Բնակչություն

XIX դարի 50-ականներին ուներ 600 տուն, իսկ XX դարի սկզբներին՝ 114-200 տուն բնակչություն։

Տնտեսություն

Բնակչության գլխավոր զբաղմունքը երկրագործությունն ու անասնապահությունն էր, զբաղվել են նաև հյուսնությամբ, բրուտագործությամբ, դարբնությամբ։

Կրոն

Հիմնական դավանքը հայ առաքելական եկեղեցի, փոքր մասը՝ բողոքականներ։

Պատմամշակութային կառույցներ

Շաղագուն ուներ եկեղեցի։

Հասարարակական կառույցներ

Գյուղում կար վարժարան։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն