Բացել գլխավոր ցանկը

Շախմատի Եվրոպայի թիմային առաջնություն

Եվրոպայի 2013 թվականի առաջնության խաղասրահը, Վարշավա, Լեհաստան

Շախմատի Եվրոպայի թիմային առաջնությունը Եվրոպա աշխարհամասի շախմատի ազգային հավաքականների միջև մրցաշար է, որն անցկացվում է ՖԻԴԵ-ի կողմից, 1957 թվականից։

ՊատմությունԽմբագրել

Սկզբում ենթադրվում էր, որ մրցաշարն անցկացվելու է չորս տարին մեկ, սակայն հետագայում անցկացման ժամկետները բազմիցս խախտվել են, իսկ 1997 թվականից մշտապես անցկացվում է երկու տարին մեկ։

Առաջնության անցկացման մրցակարգը ևս բազմիցս փոխվել է։ Առաջին ութ մրցաշարերն անցկացվել են երկու փուլով։ Սկզբում թիմերը մրցում էին ենթախմբերում, այնուհետև լավագույններն անցկացնում էին եզրափակիչ շրջանաձև մրցաշար։ 1989 թվականից մրցաշարերը սկսեցին անցկացվել մեկ փուլով՝ շվեյցարական մրցակարգով։

Մրցախաղերի խաղատախտակների քանակը աստիճանաբար կրճատվել է։ Առաջին չորս առաջնություններում հավաքականները մրցում էին տասը խաղատախտակի վրա, 1973-ից՝ ութ, 1989-ին՝ վեց, 1992-ից՝ չորս։

1992 թվականից անցկացվում են նաև կանանց Եվրոպայի թիմային առաջնություններ։ Այդպիսի բոլոր մրցաշարերն անցկացվում են շվեյցարական մրցակարգով՝ 9 խաղափուլով։ Առաջին հինգ առաջնություններում հավաքականները մրցում էին երկու խաղատախտակի վրա, 2005-ից՝ չորս։

Եվրոպայի թիմային առաջնություններին Հայաստանի տղամարդկանց հավաքականն սկսել է մասնակցել հիմնադրման թվականից՝ 1992-ից։ Այդ թվականից մինչ օրս կայացած ինը առաջնություններից մեր ընտրանին չի մասնակցել միայն երկուսին՝ 2001-ին ու 2003-ին։ 1999-ին Վրաստանի Բաթում քաղաքում կայացած առաջնությունում Հայաստանի հավաքականը նվաճեց ոսկե մեդալներ՝ իր պատմության մեջ առաջին անգամ դառնալով թիմային առաջնության հաղթող։ Հետագայում թիմը ևս երկու անգամ զբաղեցրեց մրցանակային տեղեր՝ մեկական անգամ արժանանալով արծաթե և բրոնզե մեդալների։

Հայաստանի կանանց հավաքականը 2003 թվականին Բուլղարիայի Պլովդիվ քաղաքում կայացած առաջնությունում դարձել է աշխարհամասի չեմպիոն։ Չորս տարի անց մեր թիմը նվաճել է բրոնզե մեդալներ (2007, Իրակլիոն, Հունաստան

Հավաքականների դասավորությունը ըստ վաստակած մեդալներիԽմբագրել

ՏղամարդիկԽմբագրել

Տեղ Երկիր       Ընդամենը
1   ԽՍՀՄ 9 0 0 9
2   Ռուսաստան 5 2 1 8
3   Ադրբեջան 3 1 1 5
4   Նիդերլանդներ 2 0 0 2
5   Հայաստան 1 2 1 4
6   Անգլիա 1 0 3 4
7   Գերմանիա 1 0 2 3
8   Հարավսլավիա 0 6 1 7
9   Հունգարիա 0 4 6 10
10   Ուկրաինա 0 2 2 4
11   Ֆրանսիա 0 2 1 3
12   Իսրայել 0 2 0 2
13   Չեխիա 0 0 1 1
13   Արևելյան Գերմանիա 0 0 1 1
13   Վրաստան 0 0 1 1
13   Արևմտյան Գերմանիա 0 0 1 1

ԿանայքԽմբագրել

Տեղ Երկիր       Ընդամենը
1   Ռուսաստան 5 1 2 8
2   Ուկրաինա 2 1 2 5
3   Վրաստան 1 4 2 7
4   Լեհաստան 1 2 1 4
5   Հայաստան 1 0 1 2
6   Ֆրանսիա 1 0 0 1
6   Սլովակիա 1 0 0 1
8   Ռումինիա 0 1 1 2
9   Հունգարիա 0 1 0 1
9   Մոլդովա 0 1 0 1
9   Հարավսլավիա 0 1 0 1
12   Անգլիա 0 0 2 2
13   Ադրբեջան 0 0 1 1

ԱղբյուրներԽմբագրել