Նինա Ղորղանյան
Նինա Հովսեփի Ղորղանյան (Դարիալի, Նունե Կորգանովա, նոյեմբերի 20, 1852, Թիֆլիս, Կովկասի փոխարքայություն, Ռուսական կայսրություն - 1896[1], Մոսկվա, Ռուսական կայսրություն), հայ երգչուհի (մեցցո-սոպրանո), մանկավարժ։
| Նինա Ղորղանյան | |
|---|---|
| Ծնվել է | նոյեմբերի 20, 1852 Թիֆլիս, Կովկասի փոխարքայություն, Ռուսական կայսրություն |
| Երկիր | .svg){kind=small} Ռուսական կայսրություն |
| Մահացել է | 1896[1] Մոսկվա, Ռուսական կայսրություն |
| Ժանրեր | դասական երաժշտություն |
| Մասնագիտություն | երգչուհի և երաժշտության ուսուցիչ |
| Երգչաձայն | մեցցո-սոպրանո[1] |
| Գործիքներ | վոկալ |
| Կրթություն | Բեստուժևյան դասընթացներ[1] |
Կոմպոզիտոր Գենարիոս Ղորղանյանի և Հեղինե ու Մարիամ Ղորղանյանների քույրը։
Կենսագրություն խմբագրել
Սովորել է Պետերբուրգում, Բեստուժևյան դասընթացներում։ Մասնագիտական երաժշտական կրթություն ստացել է Միլանում (դասատուներ՝ Լամպերտի, Բուցի)։ Երգել է Եվրոպայի օպերային և համերգային բազմաթիվ բեմերում։ Սկսած 1880-ական թվականներից ելույթներ է ունեցել Թիֆլիսում։ 1888 թվականին տեղափոխվել է Օդեսա, զբաղվել մանկավարժական գործունեությամբ, 1891 թվականին երաժշտության դասընթացներ է հիմնել Մոսկվայում (երգչուհի Կլիմենտովա-Մուրոմցևայի հետ), որտեղ հայ, վրացի և ռուս երիտասարդներին դասավանդել է անվճար, հիմնել է Պետրոս Ադամյանի, Գենարիոս Ղորղանյանի անվան կրթաթոշակներ[2]։
Դերերգեր խմբագրել
| Դեր | Հեղինակ | Ստեղծագործություն |
|---|---|---|
| Վանի | Միխայիլ Գլինկա | «Կյանքը հանուն ցարի» |
| Ռատմիրա | Միխայիլ Գլինկա | «Ռուսլան և Լյուդմիլա» |
Ծանոթագրություններ խմբագրել
- ↑ 1,0 1,1 1,2 1,3 1,4 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ Baghdasaryan, Aram. «AV Production - Նինա Ղորղանյան». avproduction.am. Արխիվացված է օրիգինալից 2021 թ․ սեպտեմբերի 17-ին. Վերցված է 2018 թ․ նոյեմբերի 20-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 40)։ 
|