Ներսես Երիցյան

	Ներսես Երիցյան
Դրոշ	ՀՀ կենտրոնական բանկի նախագահի տեղակալ
դեկտեմբեր 21, 2010
Նախորդող	Վաչե Գաբրիելյան
Դրոշ	ՀՀ էկոնոմիկայի նախարար
ապրիլ 21, 2008 - դեկտեմբեր 17, 2010
Նախորդող	պաշտոնը վերականգնվել է, նույն ինքը որպես ՀՀ առևտրի և տնտեսական զարգացման նախարար
Հաջորդող	Տիգրան Դավթյան
Դրոշ	ՀՀ առևտրի և տնտեսական զարգացման նախարար
հունիսի, 2007 - ապրիլ 21, 2008
Նախորդող	Կարեն Ճշմարիտյան
Հաջորդող	նախարարությունը վերանվանվել է, նույն ինքը որպես ՀՀ էկոնոմիկայի նախարար
Կուսակցություն՝	Հայաստանի Հանրապետական կուսակցություն
Կրթություն՝	Հայաստանի պետական տնտեսագիտական համալսարան
Մասնագիտություն՝	քաղաքական գործիչ և տնտեսագետ
Ազգություն	հայ
Ծննդյան օր	փետրվարի 23, 1971 (53 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Պարգևներ

Վիքիպեդիայում կան հոդվածներ Երիցյան ազգանունով այլ մարդկանց մասին։

Ներսես Հենրիկի Երիցյան (փետրվարի 23, 1971(1971-02-23), Երևան, Հայկական ԽՍՀ, ԽՍՀՄ), հայ տնտեսագետ, Հայաստանի Կենտրոնական բանկի նախագահի տեղակալ։

Կենսագրական տվյալներ խմբագրել

Ներսես Հենրիկի Երիցյանը ծնվել է 1971 թ. փետրվարի 23-ին, Երևանում։ 1988-93 թթ. սովորել և ավարտել է (գերազանցությամբ) Երևանի պետական ժողովրդական տնտեսության ինստիտուտի ժողովրդական տնտեսության պլանավորման ֆակուլտետը՝ ստանալով մակրոտնտեսագետի որակավորում։

1993-95 թթ. եղել է Երևանի ժողովրդական տնտեսության ինստիտուտի մակրոտնտեսության ամբիոնի ասպիրանտ (ասպիրանտուրան նույնպես ավարտել է գերազանցությամբ)։

1999 թ. Երևանի ժողովրդական տնտեսության ինստիտուտի, Երևանի պետական համալսարանի և ՀՀ ԳԱԱ տնտեսագիտության ինստիտուտի մասնագիտական խորհրդի որոշմամբ շնորհվել է տնտեսագիտության թեկնածուի գիտական աստիճան։ 1994-2003 թթ.՝ մասնագիտական ուսուցում տարբեր թեմաներով՝ հանրային, տնտեսական և ֆինանսական քաղաքականությունների շրջանակներում, որոնք կազմակերպվել են տարբեր երկրների համապատասխան կառույցների և միջազգային կազմակերպությունների կողմից։

Ամուսնացած է, ունի երկու երեխա։

Աշխատանքային գործունեություն խմբագրել

1993-94 թթ.՝ ՀՀ Գերագույն խորհրդի սոցիալական և առողջապահության հարցերով մշտական հանձնաժողովի գլխավոր փորձագետ։
1994-95 թթ.՝ ՀՀ կենտրոնական բանկի նախագահի օգնական։
1995-96 թթ.՝ ՀՀ կենտրոնական բանկի դրամավարկային քաղաքականության վարչության պետ։
1996-2001 թթ.՝ ՀՀ կենտրոնական բանկի խորհրդի անդամ։
1998-2001 թթ.՝ դասավանդել է Երևանի պետական տնտեսագիտական ինստիտուտում։ 2001-2003 թթ.՝ ԱՄՀ-ի հոլանդական խումբը, ներառյալ Հայաստանը, ներկայացնող գործադիր տնօրենի խորհրդական^[1]։
2003 թվականից մինչև 2007 թ. հունիսի 8-ը՝ ՀՀ կենտրոնական բանկի նախագահի խորհրդական և 2005 թվականից՝ ֆինանսական դիտարկումների կենտրոնի ղեկավարի պաշտոնակատար։
2007 թ. հունիսի 8-ին ՀՀ Նախագահի հրամանագրով նշանակվել է ՀՀ առևտրի և տնտեսական զարգացման նախարար։
2008 թ. ապրիլի 21-ին ՀՀ Նախագահի հրամանագրով նշանակվել է ՀՀ Էկոնոմիկայի նախարար^[2]։ (նախարարությունը վերանվանվել է)։
2008 թ. մայիսի 30-ին ՀՀ վարչապետի որոշմամբ նշանակվել է Արժույթի միջազգային հիմնադրամի կառավարիչների խորհրդում Հայաստանի կառավարիչ^[3]։
2010 թ. փետրվարի 5-ին ՀՀ վարչապետի որոշմամբ նշանակվել է Հայաստանի Հանրապետությունում Եվրոպական միության արևելյան գործընկերության շրջանակներում իրականացվելիք պետական կառավարման մարմինների զարգացման համապարփակ ծրագրի ազգային համակարգող^[4]։
2010 թ. դեկտեմբերի 17-ին ՀՀ Նախագահի հրամանագրով ազատվել է ՀՀ Էկոնոմիկայի նախարարի պաշտոնից^[5]։
2010 թ. դեկտեմբերի 21-ին ՀՀ Նախագահի հրամանագրով նշանակվել է ՀՀ Կենտրոնական բանկի նախագահի տեղակալ՝ վեց տարի ժամկետով^[6]։

Հեղինակ է մի շարք գիտական հոդվածների։ Համահեղինակ է «Ժամանակակից բանկային գործը Հայաստանում» դասագրքի («Կենտրոնական բանկի գործառնությունները և դրամավարկային քաղաքականությունը» գլուխ)։ Տիրապետում է ռուսերեն, անգլերեն լեզուներին։