Նվարդ Վարդանյան
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Նվարդ Պողոսի Վարդանյան (հունիսի 3, 1940, Մարսել), հայ թարգմանչուհի։ Հայաստանի գրողների միության անդամ (1995 թ.)[1]:
Նվարդ Վարդանյան | |
|---|---|
| Ծնվել է | հունիսի 3, 1940 (83 տարեկան) |
| Ծննդավայր | Մարսել |
| Մասնագիտություն | թարգմանչուհի |
| Քաղաքացիություն | .svg){kind=small} Ֆրանսիա,  ԽՍՀՄ և  Հայաստան |
| Կրթություն | Երևանի պետական համալսարան |
| Անդամակցություն | ՀԳՄ |
| Աշխատավայր | Երևանի պետական համալսարան |
| Նվարդ Վարդանյան Վիքիդարանում | |
Կենսագրություն խմբագրել
Նվարդ Վարդանյանը ծնվել է 1940 թվականին, Մարսելում։ 1948 թվականին Վարդանյանների ընտանիքը տեղափոխվել է Երևան։ Ավարտել է Երևանի պետական համալսարանի ռոմանագերմանական ֆակուլտետի ֆրանսերենի բաժինը։ 1966 թվականից Վարդանյանը ԵՊՀ ռոմանական լեզուների բանասիրության ամբիոնում դասավանդում է ֆրանսերեն, ինչպես նաև «Գեղարվեստական թարգմանություն» և «Ոճաբանություն» առարկաները։
Թարգմանել է Ժ. Ժան Ռասինի, Ալֆոնս Դոդեի, Ֆրանսուազ Սագանի, Ստենդալի, Ի. Մինասի, Պոլ Էլուարի, Ժորժ Սանդի և ֆրանսիացի այլ հեղինակների ստեղծագործություններ[2]։
Նվարդ Վարդանյանի թարգմանությունները տպագրվել են գրական հանդեսներում («Գարուն», «Արտասահմանյան գրականություն», «Նոր-դար», «Աստղիկ»)։ Գեղարվեստական թարգմանության տեսության հարցերին առնչվող հոդվածների հեղինակ է։ Թարգմանված բազմաթիվ գրքերի հեղինակ է[3]։
Երկեր խմբագրել
- Զրուցասեր գունապնակ, Երևան, 2012 թ.։
- Բաց հանգույցներ (վեպ), Երևան, 2008 թ.։
Թարգմանություններ խմբագրել
|
Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում |
- Մի բույլ ֆրանսիական քնարերգությունից (XIX-XX դդ.) (Ալֆոնս դը Լամարթին, Ալֆրեդ դը Մյուսե, Շառլ Բոդլեր, Պոլ Վերլեն, Լոթրեամոն, Էմիլ Վերհառն, Պոլ Վալերի, Իսկուհի Մինաս, Ժյուլ Սուպերվիլ, Ժան Պիեր Ժուվ, ՍենԺոն Պերս, Յանի Սևակ, Պիեր Ռևերդի, Մորիս Բլանշար, Պոլ Էլուար, Անդրե Բրետոն, Ֆրանսիս Փոնժ, Ռոբերտ Դեսնոս, Ժակ Պրևեր, Ռեյմոն Քընո, Ռընե Շար, Ալեն Բոսքե, Գիյվիկ, Ժորժ Բրասենս, Ժակ Բրել, Շառլ Ազնավուր), Երևան, 2006 թ.։
- Մարսել Պրուստ, Կորուսյալ ժամանակի որոնումներում, Երևան, 2006 թ.։
- Մորիս Մետերլինկ, Մեղուների կյանքը, Խոնարհների գանձը, Երևան, 2000 թ.։
- Վան Գոգի նամակները, Երևան, 1998 թ.։
- Մորիս Մետերլինկ, Թատերգություններ, Երևան, 1997 թ.։
Մրցանակներ խմբագրել
- Մայր Աթոռ սբ. Էջմիածնի և ՀԳՄ «Կանթեղ» թարգմանական մրցանակ, 2007 թ.
Ծանոթագրություններ խմբագրել
- ↑ Նվարդ Վարդանյանի կենսագրությունը ՀԳՄ կայքում
- ↑ Ով ով է։ Հայեր» հանրագիտարան, հատոր երկորդ, Երևան, 2007։
- ↑ Baghdasaryan, Aram. «AV Production - Նվարդ Վարդանյան». avproduction.am. Արխիվացված է օրիգինալից 2022 թ․ ապրիլի 22-ին. Վերցված է 2018 թ․ ապրիլի 2-ին.