Նստիր կողքիս, Միշկա
«Նստիր կողքիս, Միշկա» (ռուս.՝ «Садись рядом, Мишка!»), խորհրդային գունավոր լայնէկրան ֆիլմ, բեմադրող ռեժիսոր Յակով Բազելյանի դրաման, որը պատմում է շրջափակված Լենինգրադում երեխաների կյանքի մասին։ Ֆիլմը նկարահանվել է «Ահա թե ինչպես է դա եղել» ինքնակենսագրական վեպի հիման վրա, որը գրել է Յուրի Գերմանը՝ սցենարիստներից մեկի՝ Ալեքսեյ Գերմանի հայրը[1]։
 ռուս.՝ Садись рядом, Мишка! | |
|---|---|
| Երկիր |  ԽՍՀՄ |
| Ժանր | ռազմական ֆիլմ |
| Թվական | 1976 |
| Լեզու | ռուսերեն |
| Ռեժիսոր | Յակով Բազելյան |
| Երաժշտություն | Ալեքսեյ Մուրավլյով |
Ֆիլմի երաժշտական ձևավորմանը մասնակցել է ԽՍՀՄ կինեմատոգրաֆիայի պետական սիմֆոնիկ նվագախումբը՝ դիրիժոր Վ. Վասիլևի հետ[2]։
Սյուժե խմբագրել
Ֆիլմը պատմում է Լենինգրադի դպրոցական Միշկա Աֆանասևի կյանքի մասին։ 1941 թվականի գարնանը Լենինգրադը տոնում է Մայիսի 1-ը, Սակայն Միխայիլը ընկնում է մանկական հիվանդանոց քութեշի պատճառով։ Հիվանդանոցում նա իմանում է, որ այդ պահին Խորհրդային Միության վրա հարձակվել են երրորդ Ռայխի զորքերը և սկսվել է Հայրենական մեծ պատերազմը։
Մի օր գերմանական ավիառումբն ընկնում է հիվանդանոցի վրա, որտեղ պառկած է Միշկան։ Նա վիրավորվում է և տեղափոխվում զինվորական հոսպիտալ։ Մինչ նա բուժվում է, Լենինգրադի մեծապես փոխվում է, և այդ փոփոխությունները Միշկան անմիջապես ուշադրության է արժանացոնւմ դուրս գրվելուց անմիջապես հետո։
Պատերազմի պատճառով Միշկայի հայրը, որը մասնագիտությամբ հրշեջ է, գրեթե տանը չի լինում։ Նա ստիպված է շատ ժամանակ անցկացնել աշխատավայրում՝ քաղաքում մշտական հրդեհների պատճառով։ ԱԱյդ պատճառով Միշկան պետք է իր առօրյան մենակ կազմակերպի, ապա նրա մոտ տեղավորվում են մի քանի դեռահասներ՝ Լենոչկա և Գենյան դերասան Լոշադկինի ընտանիքից։ Նրանք մասնակցում են հոսպիտալներում տեղի ունեցող ելույթներին, և Միշկինը միանում է նրանց։
Սակայն մարդկանց տրվող մթերաբաժինը ժամանակի ընթացքում նվազում է, և որոշ ժամանակ անց Լենոչկան ու Գենյան նույնիսկ չեն կարողանում կանգնել հյուծման պատճառով։ Այդ ժամանակ վախեցած Միշկան հենակներով գնում է հոր մոտ, և նա օգնության է գալիս երեխաներին[3]։
Դերերում խմբագրել
| Դերասան | Դեր |
|---|---|
| Եվգենի Չեռնիցին | Միշա Աֆանասև |
| Գեորգի Նոսկով | Գենյա Լոշադկին |
| Օքսանա Բոչկովա | Լենոչկա Լոշադկինա |
| Ստասիկ Սելիվանով | Բոբկա Իվանով |
| Նատալյա Ռիչագովա | Միշայի մայրը |
| Բորիս Մորոզով | Միշայի հայրը |
| Անաստասյա Վոզնեսենսկայա | Գենյայի ու Լենոչկայի մայրը |
| Անդրեյ Մյագկով | Գենայի ու Լենոչկայի հայրը |
| Ռադներ Մուրատով | բակապան Մուստաֆա Իվանովիչ |
| Վալերի Ռիժակով | օդաչու Ալեքսեյ Պավլովիչ |
| Ալեքսանդր Միխայլուշկին | ոստիկան Իվան Ֆեոդորովիչ |
Ծանոթագրություններ խմբագրել
- ↑ Караваев, 2006, «Садись рядом, Мишка!», էջ 120
- ↑ Каталог, 1997, «Садись рядом, Мишка!», էջ 276
- ↑ Каталог, 1997, «Садись рядом, Мишка!», էջ 277
Աղբուրներ խմբագրել
- Д. Караваев. «Садись рядом, Мишка!» // Страницы истории отечественного кино. — М. : Материк, 2006. — С. 120. — 284 с. — ISBN 5-85646-163-0.
- «Садись рядом, Мишка!» // Советские художественные фильмы : Аннотированный каталог (1976—1977). — М. : Нива России, 1997. — С. 276, 277. — 344 с. — ISBN 5-88289-010-1.
Արտաքին հղումներ խմբագրել
- «Նստիր կողքիս, Միշկա» ֆիլմը(չաշխատող հղում) Megogo կայքում