Նուբիական անապատ
Նուբիական անապատ, գտնվում է Աֆրիկայում, Նեղոսի և Կարմիր ծովի միջև (մեծ մասը՝ Սուդանում)։ Սարավանդ է՝ արևելքից արևմուտք թեքված մակերևույթով (բարձրությունը՝ 1000-ից մինչև 350 մ) և կղզիանման լեռներով (բարձրությունը՝ մինչև 1240 մ)։ Կազմված է հնագույն ապարներից, որոնք արևելքում մերկանում են, իսկ արևմուտքում ծածկված են ավազներով։ Նուբիական անապատը կտրտված է չոր գետահուներով (վադիներով)։ Կլիման չոր արևադարձային է, տարեկան տեղումները՝ 25 մմ, բուսածածկույթը նոսր է, տիրապետում են չորասեր հացազգիները, փշատերև թփուտներն ու կիսաթփուտները։ Զբաղվում են անասնապահությամբ։ Նուբիական անապատով անցնում է երկաթուղի և ավտոմայրուղի։
Նուբիական անապատ | |
---|---|
Տեսակ | անապատ |
Երկիր | Սուդան[1] |
Մակերես | 400 000 կմ² |
Ծանոթագրություններ խմբագրել
- ↑ GEOnet Names Server — 2018.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 401)։ |