Նորմա Կրուզ (1962, Գվատեմալա և Գվատեմալա Սիթի, Գվատեմալա), մարդու իրավունքների գվատեմալացի ակտիվիստ, իրավապաշտպան, ով հայտնի է կանանց նկատմամբ բռնությունների վավերագրմամբ[1]։ 1996 թվականի հուլիսի 3-ից[2] Նորմա Կրուզը ղեկավարում է Գվատեմալա քաղաքում հիմնադրված Fundación Sobrevivientes-ը (Վերապրածների հիմնադրամ)[3], որը «զգացմունքային, սոցիալական ու իրավական աջակցություն է ապահովում պաշտպանվածություն փնտրող հարյուրավոր զոհ-կանանց»[4]։ Ըստ ԱՄՆ պետդեպարտամենտի՝ «միայն 2007 թվականին հիմնադրամն օգնել է քրեական հետապնդում անցկացնել, գտնել ու դատապարտել կանանց սպանող 30 անհատների։ Հասարակական կազմակերպությունն ունի ապաստան զոհերի համար, որը նաև պայքարում է՝ պաշտպանելու այն մայրերին, որոնց նորածիններին գողացել են անօրինական և շահութաբեր միջազգային որդեգրումների մատակարարման շղթայի ներքո»[5]։

Նորմա Կրուզ
Դիմանկար
Ծնվել է1962
ԾննդավայրԳվատեմալա կամ Գվատեմալա Սիթի, Գվատեմալա
ՔաղաքացիությունFlag of Guatemala.svg Գվատեմալա
Մասնագիտությունիրավապաշտպան
Պարգևներ և
մրցանակներ
Commons-logo.svg Norma Cruz Վիքիպահեստում

2009 թվականին Նորմա Կրուզը ԱՄՆ պետդեպարտամենտի կողմից արժանացել է «Կանանց միջազգային քաջության մրցանակի»՝ որպես Գվատեմալայում և ամենուր դրական փոփոխության ձգտող կանանց համար ոգեշնչման, խիզախության և հույսի խորհրդանիշ[4]։ Մրցանակը նրան հանձնել են ԱՄՆ պետքարտուղար Հիլարի Քլինթոնը և ԱՄՆ Առաջին տիկին Միշել Օբաման[6]։

2009 թվականի մայիսից Նորմա Կրուզը տեքստային հաղորդագրությունների և հեռախոսի միջոցով ենթարկվել է բռնաբարության և սպանության շարունակական սպառնալիքների, որոնք հասցեագրված են եղել նաև նրա ընտանիքին[3]։ Չնայած Գվատեմալայի կառավարությունը նրան տրամադրել է ոստիկանական պաշտպանություն, սպառնալիքները շարունակվել են, և Amnesty International-ը այն համարել է 2011 թվականի «առաջնահերթ գործ»[3]։ 2011 թվականի մայիսին Նորմա Կրուզի ղեկավարած կառույցը տուժել է «Մոլոտովի կոկտեյլից», բարեբախտաբար հարձակումից ոչ-ոք չի տուժել[1] :

2011 թվականի գարնանը Բոստոնի Ամերիկյան ռեպերտուարի թատրոնը և System of a Downից Սերժ Թանգյանը «Պրոմեթևսը շղթայված» արտադրանքը նվիրել են Կրուզին և ևս 7 այլ ակտիվիստների[7]։

ԾանոթագրություններԽմբագրել

  1. 1,0 1,1 Pierre Kaya (մարտի 28, 2011)։ «Le combat d'une mère pour retrouver l'assassin de sa fille»։ France Soir։ Վերցված է ապրիլի 17, 2011 
  2. «Background Information on Norma Cruz»։ Amnesty International։ Արխիվացված է օրիգինալից 2011-02-20-ին։ Վերցված է ապրիլի 17, 2011 
  3. 3,0 3,1 3,2 «NORMA CRUZ, WOMEN'S HUMAN RIGHTS DEFENDER»։ Amnesty International։ Արխիվացված է օրիգինալից 2011-04-29-ին։ Վերցված է ապրիլի 17, 2011 
  4. 4,0 4,1 Mordica Simpson (մարտի 11, 2009)։ «2009 International Women of Courage Recipients: Norma Cruz, Guatemala»։ US Department of State։ Վերցված է ապրիլի 17, 2011 
  5. «Norma Cruz Fights to End the Killing of Guatemalan Women: Survivors Foundation aims to turn the rising tide of violent deaths»։ US Department of State։ մարտի 6, 2009։ Վերցված է ապրիլի 17, 2011 
  6. award ceremony
  7. «About the Prometheus Project»։ American Repertory Theater։ փետրվարի 15, 2011։ Վերցված է մայիսի 16, 2011