Նորայր Վարդազարյան
- Վիքիպեդիայում կան հոդվածներ Վարդազարյան ազգանունով այլ մարդկանց մասին։
Նորայր Դրաստամատի Վարդազարյան (նոյեմբերի 25, 1937[1], Լենինական, Հայկական ԽՍՀ, ԽՍՀՄ[1]), հայ ախտաբան-անատոմ։ Բժշկական գիտությունների դոկտոր (1975), պրոֆեսոր (1981)։ ՀՀ բժշկական գիտությունների ակադեմիայի անդամ (2001)։ ՌԴ բժշկատեխնիկական ԳԱ անդամ (2001)։
Ծնվել է | նոյեմբերի 25, 1937[1] (86 տարեկան) |
---|---|
Ծննդավայր | Լենինական, Հայկական ԽՍՀ, ԽՍՀՄ[1] |
Քաղաքացիություն | ԽՍՀՄ և Հայաստան |
Ազգություն | հայ |
Կրթություն | Երևանի Մխիթար Հերացու անվան Պետական Բժշկական Համալսարան (1960) |
Մասնագիտություն | ախտաբան-անատոմ |
Կոչում | պրոֆեսոր[1] |
Գիտական աստիճան | բժշկական գիտությունների դոկտոր[1] (1975) |
Աշխատավայր | Երևանի Մխիթար Հերացու անվան Պետական Բժշկական Համալսարան |
Կենսագրություն խմբագրել
Նորայր Վարդազարյանը ծնվել է 1937 թվականին Լենինականում։ 1960 թվականին ավարտել է Երևանի բժշկական ինստիտուտի բուժ-կանխարգելողական ֆակուլտետը։ 1975-1977 թվականներին եղել է Լենինականի քաղխորհրդի առողջապահության բաժնի վարիչ, 1977-1986 թվականներին՝ Երևանի բժշկական ինստիտուտի պրոռեկտոր, 1986-2006 թվականներին՝ Երևանի պետական բժշկական համալսարանի ախտաբանության անատոմիայի ամբիոնի վարիչ, 2006 թվականից՝ պրոֆեսոր[2]։ 1977 թվականից Բջջի կենսաբանական գիտության ամերիկյան ընկերակցության անդամ է։
Աշխատանքները վերաբերում են ռևմատիզմի պատճառագիտության և ախտածնության, ստրեպտոկոկային վարակի զարգացման մեխանիզմներին, թեփատու որքինի (պսորիազ) ժամանակ հյուսվածաբանական փոփոխությունների առանձնահատկություններին։ Վարդազարյանը մաշկի ստրեպտոկոկային ալերգիկ անոթաբորբն առաջինն է առանձնացրել որպես ինքնուրույն հիվանդություն, տվել պատճառագիտության, բուժման տեսական հիմունքները։
Հեղինակ է «Պաթոլոգիական անատոմիա» (2002, 2003, 2006, 2012) բուհական դասագրքերի, շուրջ 150 գիտական աշխատությունների, մի շարք մենագրությունների[3]։
Երկեր խմբագրել
- Պաթոլոգիական անատոմիա։ Դասագիրք։ Երևան, 2012։
- Պաթոլոգիական անատոմիա։ Դասագիրք։ Երևան, 2006։
- Պաթոլոգիական անատոմիա։ Դասագիրք։ 2 հատորով, Երևան, 2003։
- Պաթոլոգիական անատոմիա, Երևան, 2002։
- Ատամնածնոտային համակարգի և բերանի խոռոչի օրգանների հիվանդություններ, Երևան, 1999 (համահեղինակ)։
- «Межъядерное взаимодействие при клеточном-опосредованиых иммунных реакциях в патологиии», Ереван, 1992.
- «Экспериментальная стрептококковая инфекция», Ереван, 1992.
- Բժշկական դեոնտոլոգիա, Երևան, 1988 (համահեղինակ)։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 Ով ով է. հայեր (հայ.) / Հ. Այվազյան — Երևան: Հայկական հանրագիտարան հրատարակչություն, 2005. — հատոր 2.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ «Կոհա առցանց քարտարան, Վարդազարյան, Նորայր Դրաստամատի». haygirk.nla.am. Վերցված է 2017 թ․ հունվարի 20-ին.
Գրականություն խմբագրել
- Айриян А. П. Армянские учёные-медики. - Ер., 1998 - 276 с. ISBN 99930-1-001-7.