Նյարդավիրաբուժությունը՝ վիրաբուժության ճյուղ է, որն ներառում է կենտրոնական և ծայրամասային նյարդային համակարգերի հիվանդությունների բուժումը վիրահատական միջոցներով։

Այս ոլորտում մասնագիտացող բժշկին, անվանում են նյարդավիրաբույժ։

Պատմություն խմբագրել

Նյարդավիրաբուժությունը երկար ժամանակ չի դասվել առանձին գիտությունների շարքին, բայց նյարդավիրաբուժական միջոցները գործածվել են դեռևս վաղնջական ժամանակներում։ Դրա մասին վկայում են հնէաբանական պեղումների ժամանակ գտնված վիրահատական միջամտություններով բազմաթիվ գանգերը։

Այդ միջամտություններից մեկն էր՝ ոսկրաշաղախումը (տրեպանացիան), որը իրագործվում էր նաև ավելի ուշ ժամանակաշրջանում՝ Հին Հունաստանում, որպես միջոց գլխացավի դեմ։

Հետագայում պարզվեց նաև, որ նյարդային ազդակը կրում է էլեկտրական բնույթ։ Այդ փաստը նոր ճանապարհ բացեց նյարդավիրավուժության զարգացման համար։ Սկսեցին անցկացվել բազմաթիվ փորձեր, որոնք ուղված էին պարզաբանելու նյարդային համակարգի աշխատանքի սկզբունքները։

Առօրյան խմբագրել

Ժամանակակից նյարդավիրաբուժությունը աշխուժորեն զարգանում է և դասվում է ապագայի գիտություներրի շարքին։ Այն սերտորեն կապված է համակարգչային սարքավորումների հետ և դրա շնորհիվ բարձրացել է վիրահատությունների որակը։

Աշխատանքներ են տարվում ուղեղ-համակարգիչ կապը հաստատելու ուղղությամբ։