Նիրեմբերգիա
Նիրեմբերգիա | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Nierembergia | ||||||||
|
Նիրեմբերգիա (լատին․՝ Nierembergia), պատկանում է մորմազգիների ընտանիքին։ Հայրենիքը արևադարձային, մերձարևադարձային Ամերիկան է՝ Արգենտինան։
Օգտագործում խմբագրել
Օգտագործվում է եզրագծերում, ղևանդներում, խառը ղևանդներում, ծաղկաթմբերում և այլ ձևավորումներում։
Բազմացում խմբագրել
Նիրեմբերգիան սովորաբար բազմանում է սերմերով, սակայն հնարավոր է բազմացնել նաև կտորներով, որի համար որպես մայրաիկ կարելի է օգտագործել ջերմատնում պահվող բույսերը։
Մշակում խմբագրել
Ցանկը կատարում են ջերմատներում՝ ցանկարկղերի մեջ, փետրվարի առաջին տասնօրյակում։ Սերմերը ծլում են 2-3 շաբաթվա ընթացքում։ Նախասածիլման համար նախօրոք պատրաստած հողախառնուրդին պետք է ավելացնել քիչ քանակությամբ կավահող, որպեսզի գրունտում տնկելիս հողագնդիկը արմատների վրայից չթափվի։ Տնկումը պետք է կատարել արևոտ տեղերում և միջբուսային տարածությունը թողնել 15 սմ։ Սերմերը հասունանում են պարբերաբար, այդ պատճառով սերմնահավաքը պետք է կատարել հաճախակի, հակառակ դեպքում սերմնատուփիկները կբացվեն ու սերմերը կթափվեն։ Աշնան վերջին սերմերը պետք է հանել ու փոխադրել ջերմատուն, չորացնել ու մնացած սերմերը հավաքել։
Տեսակներ խմբագրել
Նիրեմբերգիան բազմամյա բույս է նրա լավ տեսակներից կարելի է թվել երկուսը. N.Hipomanika coerolea-ն՝ կապույտ երկնագույն ծաղիկներով և N.frutescans Dus. var. atrovolaceae Hort.-ը՝ բաց մանուշակագույն ծաղիկներով։ Երևանում մշակվում է երկրորդ տեսակը, որը տեղի պայմաններում վատ է ձմեռում, այդ պատճառով օգտագործվում է որպես միամյա։ Բույսի բարձրությունը հասնում է մինչև 20 սմ։
Պատկերասրահ խմբագրել
Գրականություն խմբագրել
- Ծաղկաբուծություն և դեկորատիվ այգեգործություն, Հ. Ե. Նարինջյան
Վիքիցեղերն ունի նյութեր, որոնք վերաբերում են «Նիրեմբերգիա» հոդվածին։ |
Վիքիպահեստն ունի նյութեր, որոնք վերաբերում են «Նիրեմբերգիա» հոդվածին։ |