Նինո Ռոտա

Նինո Ռոտա
Բնօրինակ անուն	իտալ.՝ Nino Rota
Ի ծնե անուն	իտալ.՝ Giovanni Rota Rinaldi
Ծնվել է	դեկտեմբերի 3, 1911; Միլան, Իտալիայի թագավորություն
Երկիր	Իտալիայի թագավորություն և Իտալիա
Մահացել է	ապրիլի 10, 1979[…] (67 տարեկան); Հռոմ, Իտալիա
Գերեզման	Կամպո Վերանո
Ժանրեր	օպերա, սիմֆոնիա, 20-րդ դարի դասական երաժշտություն և դասական երաժշտություն
Մասնագիտություն	կոմպոզիտոր, դիրիժոր, ուսուցիչ, դաշնակահար, դերասան, սցենարիստ, ֆիլմերի երաժշտությունների հեղինակ, դասախոս և երաժիշտ
Գործիքներ	դաշնամուր
Կրթություն	Քերտիսի անվան երաժշտական ինստիտուտ, IES Manuel Murguía?, Միլանի կոնսերվատորիա և Սանտա Չեչիլիայի ազգային ակադեմիա
Պարգևներ	Grammy Award for Best Score Soundtrack for Visual Media? «Ոսկե գլոբուս» մրցանակ ֆիլմի համար գրված լավագույն երաժշտության համար BAFTA մրցանակ ֆիլմի լավագույն երաժշտության համար «Արծաթե ժապավեն» լավագույն գնահատականի համար և David di Donatello for Best Score?
Կայք	ninorota.com
	Nino Rota Վիքիպահեստում

Նինո Ռոտա (իտալ. Nino Rota, իրական անունը՝ Ջովաննի Ռոտա Ռինալդի, դեկտեմբերի 3, 1911(1911-12-03)^[2]^[3], Միլան, Իտալիայի թագավորություն^[4]^[3] - ապրիլի 10, 1979(1979-04-10)^[5]^[6]^[7]^[…], Հռոմ, Իտալիա^[3]), իտալացի կոմպոզիտոր։ Արժանացել է «Օսկար», «Ոսկե գլոբուս» և «Գրեմմի» մրցանակների։

Կենսագրություն

Նինո Ռոտան ծնվել է Միլանում՝ երաժիշտների ընտանիքում։ Մանկության տարիներին տեղափոխվել է Հռոմ և ընդունվել Սանտա-Չեչիլիա կոնսերվատորիան, որն ավարտել է 1929 թվականին։ Դեռ կոնսերվատորիայում սովորելու տարիներին Նինո Ռոտան ինքն իրեն դրսևորել է որպես հրաշամանուկ` հանդես գալով ինչպես կոմպոզիտոր, այնպես էլ նվագախմբի դիրիժոր, իսկ նրա առաջին` «L’infanzia di San Giovanni Battista» օրատորիան արդեն իսկ 1923 թվականին ներկայացվել էր Միլանում և Փարիզում։

1930 թվականից մինչև 1932 թվականը Նինո Ռոտան ապրել է ԱՄՆ-ում և Կերտիսի երաժշտության ինստիտուտում ստացել գիտական աստիճան։ Վերադառնալով Իտալիա, գրականություն է ուսումնասիրել Միլանի համալսարանում, որտեղ 1937 թվականին զբաղվել է մանկավարժությամբ։ 1950 թվականից մինչև իր մահը, նա Բարիի կոնսերվատորիայի տնօրենն էր։

Նինո Ռոտան հեղինակ է մի շարք օպերաների` «Ariodante» (1942 թ.), «Il capello di paglia di Firenze» (1955 թ.), «Aladino e la lampada magica» (1968 թ.), «La visita meravigliosa» (1970 թ.), «Napoli milionaria» (1977 թ.) և բալետների` «La rappresentazione di Adamo ed Eva» (1957 թ.), «Aci e Galatea» (1971 թ.), «Amor di poeta» (1978 թ.) և այլն։ Բացի այդ գրել է մեծ թվով ստեղծագործություններ նվագախմբի համար, որոնցից շատերը մինչ օրս կատարվում են ամբողջ աշխարհում։

1940-ական թվականների սկզբից Նինո Ռոտան երաժշտություն էր գրում կինոֆիլմերի համար։ Նա աշխատել է այնպիսի ռեժիսորների հետ, ինչպիսիք էին Ֆեդերիկո Ֆելինին, Ռենատո Կաստելլանին, Լուկինո Վիսկոնտին, Ֆրանկո Ձեֆֆիրելլին, Մարիո Մոնիչելլին, Ֆրենսիս Ֆորդ Կոպպոլան, Էդուարդո դե Ֆիլիպպոն և այլք։ Սակայն առավել արգասաբեր էր Ֆեդերիկո Ֆելինիի հետ համագործակցությունը։ Բացի կինոերաժշտությունից, Նինո Ռոտան հեղինակել է թատերական ներկայացումների համար գրված երաժշտական գործեր։

Նինո Ռոտան մահացել է 1979 թվականի ապրիլի 10-ին՝ սրտի անբավարարությունից։

Ֆիլմագրության ընտրանին

Նինո Ռոտան որպես կոմպոզիտոր հանդես է եկել բազմաթիվ ֆիլմերում, որոնցից արժե առանձնացնել դրանցից մի քանիսը.

Թվական	Անվանում	Բնօրինակ անվանում
1949	Գայթակղություն	Obsession
1952	Սպիտակ Շեյխը	Lo sceicco bianco
1954	Ճանապարհ	La strada
1956	Պատերազմ և խաղաղություն	War and Peace
1957	Սպիտակ գիշերներ	Le notti bianche
1957	Կաբիրիայի գիշերները	Le notti di Cabiria
1958	Օրենքն օրենք է	La legge è legge
1959	Մեծ պատերազմ	La grande guerra
1960	Քաղցր կյանք	La dolce vita
1960	Ռոկկոն և իր եղբայրները	Rocco e i suoi fratelli
1962	Բոկաչո 70	Boccaccio '70
1962	Ալտոնայի մենակյացները	I sequestrati di Altona
1963	Ընձառյուծը	Il gattopardo
1963	Ութ ու կես	8½
1965	Ջուլիետան և հոգիները	Giulietta degli spiriti
1967	Կամակորի սանձահարումը	The Taming of the Shrew
1968	Ռոմեո և Ջուլիետ	Romeo and Juliet
1969	Ֆելինիի Սատիրիկոնը	Fellini - Satyricon
1970	Վաթեռլո	Waterloo
1972	Կնքահայրը	The Godfather
1973	Ամարկորդ	Amarcord
1974	Կնքահայրը 2	The Godfather: Part II
1976	Ֆեդերիկո Ֆելինիի Կազանովան	Il Casanova di Federico Fellini
1978	Մահ Նեղոսի վրա	Death on the Nile
1978	Նվագախմբի փորձը	Prova d'orchestra

Ծանոթագրություններ

↑ (unspecified title) — Rivista del Cinematografo.
↑ ^2,0 ^2,1 Internet Movie Database — 1990.
↑ ^3,0 ^3,1 ^3,2 ^3,3 ^3,4 ^3,5 ^3,6 ^3,7 Archivio Storico Ricordi — 1808.
↑ ^4,0 ^4,1 ^4,2 http://www.nytimes.com/2000/03/29/style/29iht-hat.t.html
↑ ^5,0 ^5,1 ^5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^6,0 ^6,1 ^6,2 Encyclopædia Britannica
↑ ^7,0 ^7,1 ^7,2 Internet Broadway Database — 2000.
↑ http://www.allmusic.com/artist/nino-rota-mn0000416785/biography

Վիքիպահեստն ունի նյութեր, որոնք վերաբերում են «Նինո Ռոտա» հոդվածին։

[_4c275363f4fe56be-1] (unspecified title) — Rivista del Cinematografo.

[_8dbb6fd3e4032f72-2] 2,0 ^2,1 Internet Movie Database — 1990.

[_7fde346e0aac2322-3] 3,0 ^3,1 ^3,2 ^3,3 ^3,4 ^3,5 ^3,6 ^3,7 Archivio Storico Ricordi — 1808.

[_d04574403ac0e0d3-4] 4,0 ^4,1 ^4,2 http://www.nytimes.com/2000/03/29/style/29iht-hat.t.html

[_a44b1d9487d6875d-5] 5,0 ^5,1 ^5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_024d3f09958642db-6] 6,0 ^6,1 ^6,2 Encyclopædia Britannica

[_294e2a54ddaf8f57-7] 7,0 ^7,1 ^7,2 Internet Broadway Database — 2000.

[_0cdf84f6e29358ab-8] ttp://www.allmusic.com/artist/nino-rota-mn0000416785/biography

[2]

[3]

[4]

[5]

[6]

[7]

[1]

[8]