Նիդերլանդական Անտիլների ֆուտբոլի ազգային հավաքական
- Այս հոդվածը ներկայացնում է Նիդերլանդական Անտիլների հավաքականի 1958-2011 թթ. պատմությունը։
- 1934-1958 թթ. ընթացքում գործող և 2011 թ.-ից վերակազմավորված հավաքականի մասին հոդվածը դիտելու համար անցիր. Կյուրասաոյի ֆուտբոլի ազգային հավաքական.
Նիդերլանդական Անտիլների ֆուտբոլի ազգային հավաքականը նախկին (գոյությունը դադարեցրած) հավաքական է, որը ներկայացնում էր Նիդերլանդական Անտիլները ֆուտբոլի միջազգային մրցաշարերում և առանձին հանդիպումներում։ Նիդերլանդական Անտիլների հավաքականը ոչ մի անգամ չի որակավորվել աշխարհի առաջնությանը, չորս անգամ (1963, 1965, 1969, 1973) մասնակցել է ԿՈՆԿԱԿԱՖ-ի առաջնության եզրափակիչ փուլին։ Մինչ 1948 թ. հայտնի էր որպես «Կյուրասաոյի ֆուտբոլի հավաքական», մինչև որ Կյուրասաոն և մերձակա կղզիները չմիավորվեցին՝ ստանալով Նիդերլանդական Անտիլներ անվանումը։ 1986 թ. Արուբան առանձնացավ և ներկայացավ իր ազգային հավաքականով։ 2010 թ. հոկտեմբերին Նիդերլանդական Անտիլյան կղզիները լուծարվեցին. Կյուրասաոն և Սինտ Մաարտենը դարձան Նիդերլանդների թագավորության ինքնավար սուբյեկտներ, իսկ Բոնեյրեն, Սաբան և Սինտ Էվստատիուսն ընդգրկվեցին անմիջապես Նիդերլանդների կազմում որպես հատուկ համայնքներ։ Կյուրասաոն հանդիսանում է Նիդերլանդական Անտիլների հավաքականի իրավահաջորդը, անդամակցում է ԿՈՆԿԱԿԱՖ-ին և ՖԻՖԱ-ին։ Արուբան նույնպես ԿՈՆԿԱԿԱՖ-ի և ՖԻՖԱ-ի անդամ է, իսկ Սինտ Մաարտենը անդամակցում է միայն ԿՈՆԿԱԿԱՖ-ին։
| Ստեղծման տարեթիվ | 1958 | ||
|---|---|---|---|
| Միություն | Նիդերլանդական Անտիլների ֆուտբոլային միություն | ||
| Կոնֆեդերացիա | ԿՈՆԿԱԿԱՖ | ||
| Գլխավոր մարզիչ | Անրի Կալդերա | ||
| ՖԻՖԱ կոդ | ANT | ||
| Ամենաբարձր դիրք | 118 (հուլիս 1995) | ||
| Ամենացածր դիրք | 188 (դեկտեմբեր 2003) | ||
| |||
| Առաջին հանդիպում | |||
 Նիդերլանդական Անտիլներ 3 - 1 Պանամա  (Գվատեմալա, Գվատեմալա; Մարտ 4, 1948) | |||
| Վերջին հանդիպում | |||
.svg){kind=small} Նիդերլանդական Անտիլներ 2–2 ՀՏՀ 5-6 Սուրինամ  (Վիլլեմստադ, Կյուրասաո; Հոկտեմբեր 31, 2010) | |||
| Ամենախոշոր հաղթանակ | |||
.svg){kind=small} Նիդերլանդական Անտիլներ 15 – 0 Պուերտո Ռիկո  (Վենեսուելա; Հունվար 15, 1959) | |||
| Ամենախոշոր պարտություն | |||
| Նիդերլանդներ 8 – 0 Նիդերլանդական Անտիլներ (Ամստերդամ, Նիդերլանդներ; Սեպտեմբեր 5, 1962)  Մեքսիկա 8 – 0 Նիդերլանդական Անտիլներ (Պորտ-օ-Պրենս, Հայիթի; Դեկտեմբեր 8, 1973) | |||
| ԿՈՆԿԱԿԱՖ-ի առաջնություն և ոսկե գավաթ | |||
| Մասնակցություն | 4 (Առաջինը՝ 1963) | ||
| Ամենալավ արդյունք | Երրորդ տեղ (1963, 1969) | ||
ՖԻՖԱ-ի վերջին դասակարգման աղյուսակում, որում ընդգրկված են եղել Նիդերլանդական Անտիլները (փետրվար 2011), այս հավաքականը տեղ է գրավել 150-րդ հորիզոնականում։
Աշխարհի առաջնություն
խմբագրելԿՈՆԿԱԿԱՖ-ի առաջնություն և ոսկե գավաթ
խմբագրել- 1963 - երրորդ տեղ
- 1965 - եզրափակիչ փուլ
- 1967 - չի որակավորվել
- 1969 - երրորդ տեղ
- 1971 - հրաժարվել է մասնակցությունից
- 1973 - եզրափակիչ փուլ
- 1977-1989 - չի որակավորվել
- 1991 - չի խաղացել
- 1993 - հրաժարվել է մասնակցությունից
- 1996-2000 - չի որակավորվել
- 2002 - չի խաղացել
- 2003 - չի որակավորվել
- 2005 - հրաժարվել է մասնակցությունից
- 2007 - չի որակավորվել
Ֆուտբոլի աշխարհի ոչ պաշտոնական առաջնություն
խմբագրելԿՈՆԿԱԿԱՖ-ի առաջնություն 1963 թ. խաղարկության խմբային փուլում Մեքսիկայի հավաքականը 1։2 հաշվով զիջեց Նիդերլանդական Անտիլների թիմին. ֆուտբոլի աշխարհի ոչ պաշտոնական առաջնության (UFWC) դիտարկմամբ դա «Դավիթի և Գողիաթի մենամարտի» արտացոլումն էր, ինչի արդյունքում «Դավիթը» հռչակվեց աշխարհի ոչ պաշտոնական չեմպիոն[1]։
Ծանոթագրություններ
խմբագրել- ↑ Նման համեմատություն է արվել նրա համար, որ այդ ժամանակ ավելի քան 100 միլիոն բնակիչ ունեցող Մեքսիկան մրցում էր մոտ 200 հազար բնակիչ ունեցող Նիդերլանդական Անտիլների հետ. ufwc.co.uk Արխիվացված 2015-10-03 Wayback Machine (անգլ.)։