Ներսես Պետրոս ԺԹ Թարմունի

	Ներսես Պետրոս ԺԹ Թարմունի
Կրթություն	Պապական Գրիգորյան համալսարան և Pontificio Collegio Armeno?
Մասնագիտություն	կաթոլիկ քահանա և կաթոլիկ եպիսկոպոս
Ծնունդ	հունվարի 17, 1940; Կահիրե, Եգիպտոս
Մահ	հունիսի 25, 2015 (75 տարեկան); Բեյրութ, Լիբանան
Պարգևներ

Ներսես Պետրոս ԺԹ. Թարմունի (Ներսես Պետրոս XIX, Բուտրոս Թազա, հունվարի 17, 1940(1940-01-17)^[1], Կահիրե, Եգիպտոս - հունիսի 25, 2015(2015-06-25)^[1], Բեյրութ, Լիբանան), հայ կաթոլիկ եկեղեցու պատրիարք։ Պաշտոնական տիտղոսը՝ Նորին Երանության Կաթողիկոս, Կիլիկիո պատրիարք (1999-2015)^[2]։

Կենսագրություն

Ծնվել է 1940 թվականին, Եգիպտոսի Կահիրե քաղաքում, հայ կաթոլիկների մեծ ընտանիքում։ Բուտրոսը ընտանիքի ութ երեխաներից հինգերորդն էր։ Նախնական և միջնակարգ կրթությունը նա ստացել է Կահիրեի Եղբայրների քրիստոնեական դպրոցների միաբանության քրիստոնեական քոլեջում։ Որոշելով նախապատրաստվել քահանայությանը՝ 1958 թվականին տեղափոխվել է Հռոմ, որտեղ փիլիսոփայություն և աստվածաբանություն է ուսանել Պապական Գրիգորյան համալսարանի մաս կազմող Հայկական քոլեջում։ Ուսումն ավարտելուց հետո 1965 թվականի օգոստոսի 15-ին ձեռնադրվել է քահանա։ 1965-1968 թվականներին ծառայել է Կահիրեի Հայ ավետման կաթոլիկ ծխական համայնքում։ 1968-1990 թվականներին եղել է Կահիրեի Հելիոպոլիսի Սուրբ Թերեզայի ծխական համայնքի համակարգողը։ 1990 թվականի փետրվարի 18-ին ձեռնադրվել է եպիսկոպոս և գլխավորել Ալեքսանդրիայի հայ կաթոլիկ թեմը։ Օծումը կատարել է Նորին Երանություն Պատրիարք Հովհաննես Պետրոս XVIII-ը, որն այդ ժամանակ ղեկավարել է Հայ կաթողիկե եկեղեցին։

1999 թվականի հոկտեմբերին Հայ Կաթողիկե եկեղեցու Սուրբ Սինոդում ընտրվել է նոր Պատրիարք և ստացել Ներսես Պետրոս XIX անունը։

Մահացել է 2015 թվականի հունիսի 25-ին Բեյրութում, սրտի կաթվածից^[3]։ Նրան հաջորդել է պատրիարք Գրիգոր Պետրոս XX-ը։ 2015 թվականի սեպտեմբերի 16-ին հետմահու պարգևատրվել է «Սուրբ Մեսրոպ Մաշտոց» շքանշանով^[4]։

Ծանոթագրություններ

Վիքիպահեստն ունի նյութեր, որոնք վերաբերում են «Ներսես Պետրոս ԺԹ Թարմունի» հոդվածին։

[_b7238de686a04ab5-1] 1,0 ^1,1 ^1,2 ^1,3 ^1,4 https://pantheon.world/profile/person/Nerses_Bedros_XIX_Tarmouni

[2] ՆԵՐՍԷՍ ՊԵՏՐՈՍ ԺԹ. ԹԱՐՄՈՒՆԻ (1999-2015)

[3] Скончался глава армян-католиков Нерсес Бедрос XIX

[4] Указ Президента РА

[1]

[2]

[3]

[4]

Ներսես Պետրոս ԺԹ Թարմունի


Կրթություն	Պապական Գրիգորյան համալսարան և Pontificio Collegio Armeno?
Մասնագիտություն	կաթոլիկ քահանա և կաթոլիկ եպիսկոպոս
Ծնունդ	հունվարի 17, 1940(1940-01-17)^[1] Կահիրե, Եգիպտոս
Մահ	հունիսի 25, 2015(2015-06-25)^[1] (75 տարեկան) Բեյրութ, Լիբանան

Պարգևներ