Նետախոտ նետախոտանման
Նետախոտ նետախոտանման (լատին․՝ Sagittaria sagittifolia L.), հովվափողազգիների ընտանիքին պատկանող ծածկասերմ բույս։ Գրանցված է ՀՀ Կարմիր գրքում։
| Նետախոտ նետախոտանման | ||||||||
|---|---|---|---|---|---|---|---|---|
 | ||||||||
| Գիտական դասակարգում | ||||||||
|
||||||||
| Լատիներեն անվանում | ||||||||
| Sagittaria sagittifolia L. | ||||||||
| Հատուկ պահպանություն | ||||||||
Նկարագրություն խմբագրել
Բազմամյա ջրային կամ ճահճային հետերոֆիլ բույս է, ստորգետնյա պալարանման կոճղարմատով։ Լողացող տերևները երկարավուն-նշնաձև են, ձվաձև կամ էլիսաձև, երկու մոտեցած կարճ բլթակներով, ստորջրյա տերևները նստադիր են, թափանցիկ, բութ, վերջրյա տերևները՝ նետանման-եռանկյուն։ Ծաղկաբույլը պարզ կամ ճյուղավորված է։ Պսակաթերթերը սպիտակ են։ Պտղիկները՝ կլորավուն, ուղիղ կտուցով[1]։
Տարածվածություն խմբագրել
Հայաստանում հանդիպում է Լոռու (Օրան-Լորի) և Երևանի (Սայաթ-Նովա, Սարվանլար) ֆլորիսկական շրջաններում։ Աճում է Կովկասում, Եվրոպայում, միջերկրածովյան ավազանում, Սիբիրում, Ճապոնիայում, Չինաստանում և Հյուսիսային Ամերիկայում[1]։
Էկոլոգիա խմբագրել
Աճում է ստորին միջին լռնային գոտիներում՝ ծովի մակարդակից 800-1500 մ բարձրությունների վրա, ճահիճներում, ծանծաղ լճերի, ջրավազանների ափերին, բրնձի դաշտերում։ Ծաղկում է հունիս ամսին, պտղաբերում հունիս-օգոստոս ամիսներին[1]։
Պահպանություն խմբագրել
Կրիտիկական վիճակում գտնվող տեսակ է։ Հայաստանի Կարմիր գրքի առաջին հրատարակչության մեջ ընդգրկված էր որպես անհետացած տեսակ։ CITES-ի և Բեռնի կոնվենցիաների հավելվածներում ընդգրկված չէ[1]։
Պահպանության գործողություններ չեն իրականացվում։
Ծանոթագրություններ խմբագրել
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Նետախոտ նետախոտանման» հոդվածին։ |
 | Վիքիպահեստն ունի նյութեր, որոնք վերաբերում են «Նետախոտ նետախոտանման» հոդվածին։ |