Նեա Կալիկրատիա
Նեա Կալիկրատիա (հուն.՝ Νέα Καλλικράτεια), քաղաք Խալկիդիկիում, հիմնադրվել է 1922 թվականին Կալիկրատիա քաղաքից գաղթած հույն-թուրքական բնակչության փոխանակումից հետո։ Ներկայումս այն Նեա Պրոպոնտիդաս մունիցիպալ շրջանն է (Օրենք 3852/2010, Ծրագիր «Կալիկրատիս»)։ Եկեղեցին ենթարկվում է Կասսանդրիայի թեմին, հովանավորը Պարասկևա Սերբականն է։ 2001 թվականի մարդահամարի տվյալներով բնակչության թիվը կազմել է 6204։
Քաղաք | ||
---|---|---|
հուն․՝ Νέα Καλλικράτεια | ||
Երկիր | Հունաստան | |
Շրջան | Մակեդոնիա և Ֆրակիա | |
Համայնք | Կենտրոնական Մակեդոնիա (Հունաստան) | |
Հիմնադրված է | 1922 թ. | |
ԲԾՄ | 20 մետր | |
Բնակչություն | ▼6128 մարդ (2021) | |
Ազգային կազմ | հույներ | |
Կրոնական կազմ | ուղղափառ | |
Ժամային գոտի | UTC+2 | |
Հեռախոսային կոդ | 23990-2 | |
Փոստային ինդեքս | 63080 | |
Փոստային դասիչ | 63080 | |
Ավտոմոբիլային կոդ | XK | |
Պաշտոնական կայք | kallikrateia.gr | |
|
Պատմություն խմբագրել
Կարող է թվալ, որ ներկայիս Նեա Կալիկրատիայի տարածքը բնակեցված է եղել նեոլիթի դարաշրջանից, բայց ոչ։ Հնէագետները հայտնաբերել են տապանաքար, որտեղ պատկերված է աղջիկ՝ ձախ ձեռքում աղավնի։ Այն պահվում է Սալոնիկի հնագիտական թանգարանում։
Ժամանակակից Նեա Կալիկրատիան հիմնադրվել է 1922 թվականին։ Կալիկրատիայից (Թրակիա) փախստականները հույն-թուրքական բնակչության փոխանակման ընթացքում բնակություն են հաստատել Աթոսում՝ Քսենոֆոն վանքի հողերի տարածքում։
Կլիմա խմբագրել
Նեա Կալիկրատիան ունի չափավոր կլիմա։ Տարեկան միջին ջերմաստիճանը 17 °C է։ Ամենատաք ամիսը հուլիսն է, երբ միջին ցուցանիշը 30 °C է, իսկ ամենացուրտ ամիսը հունվարն է (միջին ջերմաստիճանը՝ 6 °C): Տեղումների տարեկան միջին քանակը 728 միլիմետր է։ Ամենաանձրևոտ ամիսը դեկտեմբերն է (տեղումների միջին քանակը 113 մմ), ամենաչոր ամիսը՝ օգոստոսը՝ 18 մմ միջին ցուցանիշով։
Հասարակություն խմբագրել
Ընդհանուր բնութագիր խմբագրել
Բնակիչների հիմնական զբաղմունքներն են զբոսաշրջությունը, ձկնորսությունը և գյուղատնտեսությունը[1]։
Կրթություն խմբագրել
Քաղաքում կա 3 մանկապարտեզ, 2 տարրական դպրոց, 1 գիմնազիա, 1 լիցեյ։
Առողջապահություն խմբագրել
Նեա Կալիկրատիայում առկա է առողջապահության կենտրոն[2]։
Սպորտ խմբագրել
Քաղաքն ունի մարզական ակումբ՝ հանդբոլի, բասկետբոլի և վոլեյբոլի բաժիններով[3]։
Տնտեսություն խմբագրել
Սպասարկում և առևտուր խմբագրել
Քաղաքում տեղակայված են LIDL, Masoutis և Discount Markt ցանցերի մթերային խանութներ։ Կան նաև տեղական խանութներ (օրինակ, KREATON): Քանի որ Նեա Կալիկրատիան զբոսաշրջային քաղաք է, այնտեղ կան հուշանվերների խանութներ, ավելի քան 100 հյուրանոց և շուրջ 20 ռեստորան։ Ամենահայտնի ռեստորաններն են «Դելֆիններ» պանդոկը և «Անտոնիի հյուրը»։ Երեքշաբթի օրը քաղաքում տեղի է ունենում տոնավաճառ, որտեղ տեղացիները վաճառում են հագուստ, բանջարեղեն, մրգեր, ծովամթերք, հուշանվերներ և այլն։ Քաղաքում կա նաև KEP՝ ռուսական МФЦ-ի նմանօրինակը։
Հաղորդակցություն խմբագրել
Նեա Կալիկրատիայում է գտնվում OTE հունական խոշորագույն հեռահաղորդակցական ընկերության գրասենյակը։
Տեսարժան վայրեր խմբագրել
Նեա Կալիկրատիայի գլխավոր տեսարժան վայրը Սուրբ Պարասկևայի տաճարն է։ Այն հաճախ պատկերվում է քաղաքին նվիրված հուշանվերներում։ Տաճարը գտնվում է զբոսաշրջային գլխավոր փողոցի հարևանությամբ։ Ամեն երեկո տաճարում պատարագներ են մատուցվում, որոնց մասնակցում են մեծ թվով տեղացի բնակիչներ։
Ծանոթագրություններ խմբագրել
- ↑ «Ιστότοπος Δήμου Καλλικράτειας». Արխիվացված է օրիգինալից 2009 թ․ մայիսի 10-ին. Վերցված է 2018 թ․ մայիսի 29-ին.
- ↑ ΕΡΤ3(չաշխատող հղում), Τη νέα πτέρυγα του Νοσοκομείου Χαλκιδικής και το Κέντρο Υγείας Αστικού Τύπου Ν.Καλλικράτειας θεμελίωσε ο υπουργός Υγείας, 25 Φεβρουαρίου 2008
- ↑ «ΑΟ Νέας Καλλικράτειας». Արխիվացված է օրիգինալից 2010 թ․ դեկտեմբերի 27-ին. Վերցված է 2018 թ․ մայիսի 29-ին.