Նատալյա Գավրիլիցա (մոլդ.՝ Natalia Gavrilița, սեպտեմբերի 21, 1977(1977-09-21), Malaeshty, Մոլդովական ԽՍՀ), մոլդովացի քաղաքական և պետական գործիչ, «Գործողություն և համերաշխություն» կուսակցության փոխնախագահը[2]։ 2021 թվականի օգոստոսի 6-ից Մոլդովայի Հանրապետության գործող վարչապետն է[3]։ Նախկինում եղել է Մոլդովայի ֆինանսների նախարարը (2019)[4][5][6]։

Նատալյա Գավրիլիցա
Natalia Gavrilița September 2021.jpg
 
Կուսակցություն՝ Party of Action and Solidarity?
Կրթություն՝ Մոլդովայի պետական համալսարան և Հարվարդի Ջոն Ֆ. Քենեդիի անվան պետական կառավարման ինստիտուտ
Մասնագիտություն՝ տնտեսագետ, քաղաքական գործիչ և իրավաբան
Ազգություն Մոլդովացիներ
Դավանանք Մոլդովայի Ուղղափառ եկեղեցի
Ծննդյան օր սեպտեմբերի 21, 1977(1977-09-21) (44 տարեկան)
Ծննդավայր Malaeshty, Մոլդովական ԽՍՀ
Քաղաքացիություն Flag of the Soviet Union.svg ԽՍՀՄ, Flag of Moldova.svg Մոլդովա և Flag of Romania.svg Ռումինիա[1]

ԿենսագրությունԽմբագրել

Նատալյա Գավրիլիցան ծնվել է 1977 թվականի սեպտեմբերի 21-ին[4] Խորհրդային Մոլդովայի Գրիգորիոպոլի շրջանի Մալաեշտի գյուղում[5][6]։

2000 թվականին ավարտել է Մոլդովայի պետական համալսարանի իրավաբանական ֆակուլտետը։ 2005 թվականին Հարվարդի համալսարանի ֆակուլտետներից մեկում՝ Ջոն Ֆ․ Քենեդու անվան կառավարման դպրոցում, ստացել է պետական քաղաքականության մագիստրոսի աստիճան[4][5][6]։

2000-2003 թվականներին աշխատել է Քիշնևում գտնվող ԱՄՆ դեսպանատանը կից Տնտեսական և քաղաքական գործերի բյուրոյի քաղաքական հարցերով օգնական, 2005 թվականին՝ Համաշխարհային բանկի Եվրոպայի և Կենտրոնական Ասիայի գծով փոխնախագահի գրասենյակի խորհրդական Վաշինգտոնում, 2005-2006 թվականներին՝ Բրյուսելում Եվրոպական հանձնաժողովում տնտեսագիտության և ֆինանսների գլխավոր վարչության փորձնակ, ապա խորհրդատու[4][5][6]։

2007-2008 թվականներին աշխատել է Մոլդովայի էկոնոմիկայի և առևտրի նախարարությանն առընթեր մակրոտնտեսական ծրագրերի քաղաքականության և զարգացման վարչության ղեկավար, 2008-2009 թվականներին՝ Մոլդովայի կառավարությանն առընթեր ծրագրերի և օգնության համակարգման վարչության ղեկավար[4][5][6]։

2009-2013 թվականներին եղել է Օքսֆորդի միջազգային խորհրդատվական ընկերության Վիճակագրության, ապացույցների և պատասխանատվության ծրագրի վերլուծության մեթոդների գծով ավագ խորհրդատու, ապա պորտֆելային մենեջեր[5], որն զբաղվում է ցածր և միջին եկամուտ ունեցող երկրների զարգացման հարցերով[4]։

2013-2014 թվականներին եղել է Մոլդովայի կրթության նախարարության քաղաքականության վերլուծության, մոնիթորինգի և գնահատման վարչության գլխավոր խորհրդատուն[4] (կրթության նախարարն այդ ժամանակ եղել է Մայա Սանդուն)[5]։

2014-2015 թվականներին եղել է Մոլդովայի կրթության նախարարության պետական քարտուղարը[4][5], 2015-2019 թվականներին՝ Լոնդոնի Global Innovation Fund (GIF) ընկերության գլխավոր տնօրենը[4][5]։

2017 թվականից «Գործողություն և համերաշխություն» կուսակցության անդամ է, որի առաջնորդը Մայա Սանդուն է[5], ներկայումս կուսակցության փոխնախագահն է[2]։

2019 թվականի հունիսի 8-ին Մայա Սանդուի կառավարությունում ստացել է ֆինանսների նախարարի պաշտոնը։ Նոյեմբերի 12-ին Մոլդովայի խորհրդարանը անվստահության քվե է հայտնել Մայա Սանդուի կառավարությանը[4][7]։

2021 թվականի հուլիսի 11-ի արտահերթ խորհրդարանական ընտրությունների արդյունքներով ընտրվել է Մոլդովայի խորհրդարանի պատգամավոր։

2021 թվականի հունվարի 27-ին Մոլդովայի նախագահ Մայա Սանդուն վարչապետի պաշտոնում առաջադրել է Գավրիլիցայի թեկնածությունը[4], որը թափուր էր 2020 թվականի դեկտեմբերից՝ Իոն Կիկուի հրաժարականից հետո[8], սակայն փետրվարի 11-ին Մոլդովայի խորհրդարանը միաձայն մերժել է Գավրիլիցայի ներկայացրած կառավարության կազմը[5]։ Փետրվարի 11-ին Մայա Սանդուն կրկին վարչապետի թեկնածու է առաջադրել Նատալյա Գավրիլիցային[2][9]։ Հուլիսի 11-ին կայացած արտահերթ խորհրդարանական ընտրություններից հետո՝ հուլիսի 30-ին, Սանդուն դարձյալ Գավրիլիցային առաջադրել է վարչապետի պաշտոնում[10]։ Օգոստոսի 6-ին Մոլդովայի խորհրդարանը ձայների մեծամասնությամբ (կողմ՝ 61 պատգամավոր) Նատալյա Գավրիլիցային հաստատել է վարչապետի պաշտոնում։ Խորհրդարանը նաև հաստատել է Գավրիլիցայի աջ կենտրոնամետ կաբինետի լիազորությունները, որը նշանակվել է նախագահ Մայա Սանդուի կողմից[3][6]։

Տիրապետում է ռումիներենին, ռուսերենին, անգլերենին, ֆրանսերենին և իսպաներենին[4][6]։

Անձնական կյանքԽմբագրել

Ամուսնացած է[5][6]։

ԾանոթագրություններԽմբագրել

  1. https://www.podul.ro/articol/14708/video-octavian-icu-ctre-natalia-gavrili-v-ai-folosit-de-cetenia-roman-iar-acum-ai-venit-in-r-moldova-i-aprai-o-statalitate-care-e-nefireasc
  2. 2,0 2,1 2,2 «Санду отказалась выдвигать нового кандидата в премьеры»։ РИА Новости։ 2021-02-26։ Վերցված է 2021-03-28 
  3. 3,0 3,1 «Парламент Молдовы утвердил новое правительство. Теперь там президент и премьер - женщины»։ Русская служба Би-би-си։ 2021-08-06։ Վերցված է 2021-08-09 
  4. 4,00 4,01 4,02 4,03 4,04 4,05 4,06 4,07 4,08 4,09 4,10 4,11 «Биография Натальи Гаврилицы»։ РИА Новости։ 2021-01-27։ Վերցված է 2021-03-28 
  5. 5,00 5,01 5,02 5,03 5,04 5,05 5,06 5,07 5,08 5,09 5,10 5,11 «Гаврилица, Наталья»։ ТАСС։ Վերցված է 2021-03-28 
  6. 6,0 6,1 6,2 6,3 6,4 6,5 6,6 6,7 «Биография премьер-министра Молдавии Натальи Гаврилицы»։ ТАСС։ 2021-08-06։ Վերցված է 2021-08-09 
  7. «Парламент Молдавии отправил в отставку правительство Санду»։ РИА Новости։ 2019-11-12։ Վերցված է 2021-03-28 
  8. «Санду выдвинула на пост премьера Молдавии экс-министра финансов Наталью Гаврилицу»։ ТАСС։ 2021-01-27։ Վերցված է 2021-03-28 
  9. «Президент Молдавии повторно выдвинула кандидатом в премьеры Наталью Гаврилицу»։ ТАСС։ 2021-02-11։ Վերցված է 2021-03-28 
  10. «Президент Майя Санду выдвигает Наталью Гаврилица на должность Премьер-министра Республики Молдова»։ presedinte.md (անգլերեն)։ Վերցված է 2021-07-30