Նադեժդա Դավթյան

Նադեժդա Դավթյան (նոյեմբերի 8, 1951(1951-11-08), Մոսկվա, ԽՍՀՄ - հունիսի 15, 2019(2019-06-15), Երևան, Հայաստան), բալետի հայ արտիստ, պարուսույց։ ՀԽՍՀ վաստակավոր արտիստ (1978)։

Նադեժդա Դավթյան
Ծնվել է	նոյեմբերի 8, 1951(1951-11-08)
Ծննդավայր	Մոսկվա, ԽՍՀՄ
Մահացել է	հունիսի 15, 2019(2019-06-15) (67 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ և  Հայաստան
Կրթություն	Երևանի պարարվեստի պետական քոլեջ (1968)
Մասնագիտություն	պարուսույց
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն
Ամուսին	Վիլեն Գալստյան
Պարգևներ և մրցանակներ	և Հայաստանի մշակույթի նախարարության ոսկե մեդալ

Պարուսույց, ՀԽՍՀ ժողովրդական արտիստ Վիլեն Գալստյանի կինը։

Կենսագրություն

Նադեժդա Դավթյանը ծնվել է 1951 թվականին Մոսկվայում։ 1968 թվականին ավարտել է Երևանի պարարվեստի ուսումնարանը, աշակերտել է Սանկտ Պետերբուրգից ժամանած Դինա Գացինային։ 1968 թվականից աշխատել է Երևանի Ալեքսանդր Սպենդիարյանի անվան օպերայի և բալետի ազգային ակադեմիական թատրոնում` նախ որպես բալետի արտիստ, 1989 թվականից՝ փորձավար։ 1987-1989 թվականներին աշխատել է Մոնտեվիդեոյի պետական բալետում, եղել է մենապարուհի և փորձավար։ 1998-1999 թվականներին դասավանդել է Սեուլի արվեստի պետական համալսարանում և ստացել համալսարանի պրոֆեսորի կոչում։

Հյուրախաղերով եղել է Իսպանիայում (Մոսկվայի Մեծ թատրոնի հետ), Արգենտինայում, Վիետնամում, Կամբոջայում, Լաոսում, Լեհաստանում, Ռուսաստանում, Ուկրաինայում, Մեքսիկայում, Ֆրանսիայում, Չիլիում, Էկվադորում, Պարագվայում և այլուր։

Բալետային ներկայացումներ

• Կիտրի՝ Լյուդվիգ Մինկուսի «Դոն Կիխոտ»
• Ժիզել՝ Ադոլֆ Ադանի «Ժիզել»
• Գայանե՝ Արամ Խաչատրյանի «Գայանե»
• Էգինա՝ Արամ Խաչատրյանի «Սպարտակ»
• Խանդութ՝ Էդգար Հովհաննիսյանի «Սասունցի Դավիթ»
• Մազուրկա՝ Ֆրեդերիկ Շոպենի «Շոպենիանա»
• Ջուլիետ՝ Սերգեյ Պրոկոֆևի «Ռոմեո և Ջուլիետ»
• Շամիրամ՝ Գևորգ Եղիազարյանի «Արա Գեղեցիկ և Շամիրամ»
• Գերդա՝ Տիգրան Մանսուրյանի «Ձյունե թագուհին»
• Էմիլիա՝ Լորիս Ճգնավորյանի «Օթելլո»

Պարգևներ և կոչումներ

• ՀԽՍՀ վաստակավոր արտիստ, 1978
• Երևանի քաղաքապետարանի ոսկե մեդալ, 2014
• ՀՀ մշակույթի նախարարության ոսկե մեդալ, 2016

Ընտանիք

• Ամուսին՝ Վիլեն Գալստյան, պարուսույց, ՀԽՍՀ ժողովրդական արտիստ
• Որդի՝ Դավիդ Գալստյան, բալետի արտիստ

Գրականություն

• Балет: энциклопедия. / Гл. ред. Ю. Н. Григорович.- М.: Советская энциклопедия, 1981.- 623 стр.