Նագլյա Ֆաթհի
Ֆաթմա էլ-Զահրաա Հուեյն Ֆաթհի (մասրի՝ فاطمة الزهراء حسين فتحي, դեկտեմբերի 21, 1951, Fayoum Light Railway, Եգիպտոս)[1][2][3], առավել հայտնի է որպես Նագլյա Ֆաթհի, չերքեզական ծագմամբ եգիպտացի դերասանուհի[4][5][6]։ Դերասանական կարիերան սկսել է 1967 թվականից և հանդես է եկել ավելի քան 80 ֆիլմերում[7]։ Ստեղծել է ֆիլմ արտադրող ընկերություն, նկարահանել ֆիլմեր, այդ թվում՝ «Սուպերմարկետ» (1990 թ.) ֆիլմը[8]։ Մրցանակակիր դերասանուհին գրել է «Վաղը պետք է լուծեմ իմ վրեժը» (1980 թ.) ֆիլմի սցենարը[8]։
 արաբ․՝ نجلاء فتحي | |
|---|---|
 | |
| Ծնվել է | դեկտեմբերի 21, 1951 (72 տարեկան) |
| Ծննդավայր | Fayoum Light Railway, Եգիպտոս |
| Քաղաքացիություն |  Եգիպտոս |
| Մասնագիտություն | դերասանուհի |
| Ամուսին(ներ) | Mohamed ahmed? և Q12217827? |
Գործունեություն խմբագրել
Նագլյա Ֆաթհին դերասանական կարիերան սկսել է եգիպտական թատրոնից 15 տարեկան հասակում, երբ Ալեքսանդրիայում լողափին ընկերների հետ հանգստանալիս նրան նկատեց ռեժիսոր Ադլի Էլ-Մուալիդը։ 1967 թվականին հեռացել է դպրոցից և զբաղվել դերասանական գործունեությամբ։ 1968 թվականին նկարահանվել է Բեյրութում թողարկված «Afrah» («Հրճվանք») ֆիլմում։ Ֆիլմի ռեժիսոր Ալի Բադրախանը վերապահումով մոտեցավ Ֆաթիհիին, սակայն համապրոդյուսեր Ռամսես Նագիպը Ֆաթհիի մեջ տեսավ պոտենցիալ ռոմանտիկ էկոնի։ 1970-ական թվականներին Ֆաթհին տարեկան նկարահանվել է 15 ֆիլմերում, հիմնականում սիրային դրամաներում։ Եգիպտական կինոյի բնագավառում նա երկրորդն էր դերասանուհի Ֆաթեն Համամայից հետո սիրային ֆիլմերում նկարահանվելու թվով։ 1980-ական թվականներին Ֆաթհին հեռացել է ռոմանտիկ դերերից և նկարահանվել ավելի բարդ դերերում՝ հանդես գալով սոցիալական և քաղաքական թեմաներում[7]։
«Ավտոտնակ» (1995 թ.) ֆիլմում միայնակ մորը մարմնավորած դերի համար արժանացել է մրցանակի[9], որտեղ նրա հերոսուհին մեկուսացած և աղքատ՝ իր հինգ երեխաների հետ ապրում էր ավտոտնակում, և առողջության վատթարացման պատճառով նա երեխաներից աստիճանաբար հրաժարվում է՝ տալով այլ ընտանիքների։ Ֆիլմը նկարահանվել է իրական պատմության հիման վրա և Ֆաթհին այն նկարագրում է իբրև իր խաղացած «ամենադժվար և ցավալի դերը»[7]։ Ըստ գրող Նագլա Էլ-Բազի՝ ֆիլմը կարողացավ բարձրացնել գերբնակեցման հիմնախնդիրը[10]։
Անձնական կյանք խմբագրել
Ֆաթհին երկու անգամ ամուսնացած է եղել, երկրորդ ամուսնուց դուստր ունի՝ Յասմինը։ 1992 թվականին ամուսնացել է հայտնի եգիպտացի լրագրող և հաղորդավար Համդի Քանդիլի հետ[7]։
Ֆաթհին աջակցում է պաղեստինյան ազգայնականներին և պան-արաբիզմին։ Երբ 1967 թվականին Եգիպտոսի նախագահ Գամալ Աբդել Նասերը Վեցօրյա պատերազմից հետո հրաժարական տվեց, Ֆաթհին միացավ ցուցարարներին, որոնք բողոքում էին նրա հեռանալու դեմ, ինչը նա չեղյալ հայտարարեց օրեր անց։ Հարցազրույցների և հանրային միջոցառումների ժամանակ Ֆաթհին կրում էր ավանդական պաղեստինյան գյուղական հագուստ, որպես համերաշխության նշան[7]։
Ընտրյալ ֆիլմեր խմբագրել
| Տարի | Ֆիլմ | Դեր | Ծանոթություններ |
|---|---|---|---|
| 1968 | Սիրո գեղեցկությունը | Հայամ | |
| 1968 | Ցնծություն | Բոսայնա | |
| 1968 | Harami al-waraka | մյուզիքլ | |
| 1970 | Imraat Zawgy | Քարիմա | |
| 1970 | Al-mirayya | Քարիմա | |
| 1971 | Khamsa share' al-habaib | ||
| 1971 | Rehla laziza | Զահրա | |
| 1972 | A Nose and Three Eyes | Նագվա | |
| 1974 | Bedur | ||
| 1974 | Կյանքիս ամենագեղեցիկ օրերը | ||
| 1976 | Արցունքների համար ժամանակ չկա | ||
| 1976 | Time Moon | ||
| 1977 | Սոնյա and the Madman | Սոնյա | |
| 1977 | Սիրային խելահեղություն | Մոնա | |
| 1979 | Ալեքնսադրիա...Ինչու՞ | Սառա | |
| 1980 | Սերն արևին չի տեսնում | ||
| 1980 | Անտուն | ||
| 1984 | Անհայտը | Նադյա | |
| 1986 | Վարձու գերեզմանոցներ | Նաբիլյա | |
| 1988 | Imraa Motalaka | Սալվա | |
| 1985 | Կասկած | ||
| 1989 | Հինդի և Քամելիայի երազանքը | Քամելիա | |
| 1990 | Սուպերմարկետ | պրոդյուսեր | |
| 1990 | Taht el-sifr | Ռագյա | |
| 1995 | Ավտոտնակը | Նաոմի | |
| 1998 | Համերգ երջանկության փողոցում | Սոնյա |
Ծանոթագրություններ խմբագրել
- ↑ «نجلاء فتحى و ميرفت أمين يكشفون اسرار خاصة عن حياتهم الشخصية فى لقاء نادر». Nile TC (YouTube Channel) (Arabic).
{{cite web}}: CS1 սպաս․ չճանաչված լեզու (link) - ↑ «14 معلومة عن نجلاء فتحي.. تزوجت 4 مرات وغيّرت اسمها بسبب زهرة العلا». MBC (Arabic). 2015 թ․ դեկտեմբերի 22.
{{cite web}}: CS1 սպաս․ չճանաչված լեզու (link) - ↑ «نجلاء فتحي.. فنانة تزوجت سرًا وقدمت الإغراء بجراءة». gololy (Arabic). 2013 թ․ մարտի 4.
{{cite web}}: CS1 սպաս․ չճանաչված լեզու (link) - ↑ «جميلات السينما المصرية بدون عمليات التجميل» [Beautiful Egyptian cinema artists without cosmetic surgery]. Akhbar el-Yom (Arabic). Cairo, egypt. 2014 թ․ հոկտեմբերի 29. Արխիվացված է օրիգինալից 2016 թ․ մայիսի 10-ին. Վերցված է 2020 թ․ սեպտեմբերի 16-ին. «وتميزت الفنانة نجلاء فتحي بالرقة والبراءة وجمال الملامح بدون عمليات التجميل، ولدت لوالدين مصريين بالجنسية من أصل شركسي باسم "فاطمة الزهراء حسين فتحي" ولدت في محافظة الفيوم، واكتشفها المنتج والكاتب عدلي المولد واختار لها اسمها الفني الفنان الراحل عبد الحليم حافظ. [Characterized by her kindness and innocent beauty without cosmetic surgey, Naglaa Fathy was born to Egyptian parents of Circassian descent in Faiyum. She was discovered by producer and writer Adly El-Mowalid, and her stage name was given by Abdel Halim Hafez.]»
{{cite news}}: CS1 սպաս․ չճանաչված լեզու (link) - ↑ «Naglaa Fathy - Biography Celebrity». en.thewikistar.com. Արխիվացված է օրիգինալից 2017 թ․ հունվարի 31-ին. Վերցված է 2017 թ․ հունվարի 19-ին.
- ↑ «Naglaa Fathy - Actor - Filmography، photos، Video». elCinema.com (անգլերեն). Վերցված է 2017 թ․ հունվարի 19-ին.
- ↑ 7,0 7,1 7,2 7,3 7,4 Abou El-Magd, Nadia (16–22 November 2000). «Naglaa Fathy: Soft as Steel». Al-Ahram (Arabic). No. 508. Cairo, Egypt. Արխիվացված է օրիգինալից 2013 թ․ հունիսի 16-ին.
{{cite news}}: CS1 սպաս․ չճանաչված լեզու (link) - ↑ 8,0 8,1 «Naglaa Fathy». ElCinema.com.
- ↑ The Hollywood Reporter, Wilkerson Daily Corporation, 1995, էջ 54, Վերցված է 2013 թ․ հունիսի 13-ին
- ↑ El-Baz, Nagla (1997). «Egyptian Cinema and the problem of Child Labour». Ramses College. Արխիվացված է օրիգինալից 2013 թ․ մայիսի 17-ին. Վերցված է 2013 թ․ հունիսի 13-ին.
 | Վիքիպահեստն ունի նյութեր, որոնք վերաբերում են «Նագլյա Ֆաթհի» հոդվածին։ |