Յուրի Իվանովիչ Բորիսով (ռուս.՝ Юрий Иванович Борисов, դեկտեմբերի 31, 1956(1956-12-31), Վիշնի Վոլոչեկ, Տվերի մարզ, ՌԽՖՍՀ, ԽՍՀՄ), ռուս պետական գործիչ։ Ռուսաստանի Դաշնության կառավարության նախագահի պաշտպանության և արդյունաբերական համալիրի հարցերով տեղակալ 2018 թվականի մայիսի 18-ից (պաշտոնակատար՝ 2020 թվականի հունվարի 15-ից 21-ը)[1]։ Ռուսաստանի Դաշնության հերոս (2018)[2]։

Յուրի Բորիսով
 
Կուսակցություն՝ անկախ քաղաքական գործիչ
Կրթություն՝ Մոսկվայի պետական ​​համալսարանի հաշվողական մաթեմատիկայի և կիբեռնետիկայի ֆակուլտետ, Tver Military College? և Մոսկվայի պետական համալսարան
Գիտական աստիճան՝ տեխնիկական գիտությունների դոկտոր
Մասնագիտություն՝ ռազմական գործիչ և պետական ծառայող
Ծննդյան օր դեկտեմբերի 31, 1956(1956-12-31) (67 տարեկան)
Ծննդավայր Վիշնի Վոլոչեկ, Տվերի մարզ, ՌԽՖՍՀ, ԽՍՀՄ
Քաղաքացիություն  ԽՍՀՄ և  Ռուսաստան
 
Պարգևներ
Ռուսաստանի Դաշնության հերոս,
, «Հայրենիքին մատուցած ծառայությունների համար» 4-րդ աստիճանի շքանշան, Ալեքսանդր Նևսկու շքանշան (Ռուսաստան), Պատվո շքանշան, «ԽՍՀՄ զինված ուժերում Հայրենիքին ծառայելու համար» 3-րդ աստիճանի շքանշան, «Մոսկվայի 850-ամյակի հիշատակի» մեդալ, մեդալ «Սիրիայում ռազմական գործողության մասնակցին», Medal "For Impeccable Service", 1st class, «Անբասիր ծառայության համար» II աստիճանի մեդալ, «Անբասիր ծառայության համար» III աստիճանի մեդալ, Medal "For Valiant Labor", Admiral Gorshkov Medal, ,
, Ռուսաստանի Դաշնության Պետական մրցանակ,
, Մեդալ «Ղրիմը վերադարձնելու համար», , «Միջազգային համագործակցության հարցում ներդրման» շքանշան, Սերբիայի Հանրապետության օրդեն և

graduate badge of a higher military school in the Soviet Union?

«Միֆի» ազգային հետազոտական միջուկային համալսարանի էլեկտրոնիկայի ամբիոնի վարիչ»[3]։ Ռուսաստանի Դաշնության 1-ին դասի գործող պետական խորհրդական (2013), տեխնիկական գիտությունների դոկտոր։

Կենսագրություն խմբագրել

 
Ռուսաստանի նախագահ Վլադիմիր Պուտինի Հետ: Կազան, 2019 թվականի մայիսի 13

Ծնվել է 1956 թվականի դեկտեմբերի 31-ին Վիշնի Վոլոչեկում։ 1974 թվականին ավարտել է Կալինինի Սուվորովի ռազմական ուսումնարանը և ընդունվել հակաօդային պաշտպանության ռադիոէլեկտրոնիկայի բարձրագույն հրամանատարական ուսումնարան, որն ավարտել է 1978 թվականին։

1978 թվականից ծառայել է ԽՍՀՄ Զինված ուժերում՝ սպայական պաշտոններում։ Ընդունվել է Մոսկվայի Մ. Վ. Լոմոնոսովի անվան պետական համալսարանի հաշվողական մաթեմատիկայի և կիբեռնետիկայի ֆակուլտետ, որը հաջողությամբ ավարտել է 1985 թվականին։

1998 թվականին ազատվել է՝ անցնելով Ռուսաստանի Դաշնության զինված ուժերի պահեստազոր և նշանակվել Մոդուլ գիտատեխնիկական կենտրոն փակ բաժնետիրական ընկերության գլխավոր տնօրենի պաշտոնում (ավիոնիկայի, պատկերների ճանաչման համալիրների և ինտեգրալ սխեմաների մշակում)։

2004 թվականի հուլիսին նշանակվել է ռադիոէլեկտրոնային արդյունաբերության և արդյունաբերության դաշնային գործակալության կառավարման համակարգերի վարչության պետ։ 2007 թվականի հոկտեմբերից՝ արդյունաբերության դաշնային գործակալության ղեկավարի տեղակալ։

2008 թվականի հուլիսի 2-ին նշանակվել է Ռուսաստանի Դաշնության Արդյունաբերության և առևտրի նախարարի տեղակալ։ Այդ պաշտոնում զբաղվել է ռադիոէլեկտրոնիկայի զարգացման նպատակային ծրագրի վերահսկմամբ և աջակցել Գլոբալ նավիգացիոն արբանյակային համակարգի մշակմանն ու ներդրմանը։

2011 թվականի մարտի 3-ին նշանակվել է Ռուսաստանի Դաշնության կառավարությանն առընթեր ռազմարդյունաբերական հանձնաժողովի նախագահի առաջին տեղակալ:

«Բորիսովը տաղանդավոր պաշտոնյա է, նա շատ բան է արել Ռուսաստանում էլեկտրոնիկայի զարգացման համար։ Ռազմարդյունաբերական հանձնաժողովում նշանակվելը նրա արժանիքների և մասնագիտական հատկանիշների արժանի գնահատականն է»։

Ռուսաստանի Դաշնության նախագահի 2012 թվականի նոյեմբերի 15-ի հրամանագրով նշանակվել է Ռուսաստանի Դաշնության պաշտպանության նախարարի տեղակալ[4]։ Այդ պաշտոնում պատասխանատու էր Ռուսաստանի Դաշնության Զինված ուժերի ռազմատեխնիկական ապահովման և ռազմատեխնիկական քաղաքականության, սպառազինության, ռազմական և հատուկ տեխնիկայի ստեղծման, զարգացման և արդիականացման համար։ Նրա հսկողության տակ են եղել դեպարտամենտներ՝ սպառազինություններ, պետպաշտպանության ապահովման և պետպատվերի տեղադրման ուղղությամբ, ինչպես նաև հինգ վարչություններ և պաշտպանության նախարարության տեխնիկական տեսչություն[5]։

2013 թվականի հունիսի 5-ից հանդիսանում է նաև ԱՊՀ պաշտպանության նախարարների խորհրդին կից ռազմատեխնիկական կոմիտեի նախագահը[6]։

2013 թվականի հոկտեմբերի 7-ին շնորհվել Է Ռուսաստանի Դաշնության 1-ին դասի պետական գործող խորհրդականի դասային աստիճան[7]։ Ունի տեխնիկական գիտությունների դոկտորի գիտական աստիճան։

Մտնում է Ուրալվագոնզավոդ ԲԲԸ-ի և Միացյալ ավիաշինական կորպորացիայի տնօրենների խորհրդի կազմի մեջ։

Պաշտպանական ձեռնարկությունների աջակցման լիգա բյուրոյի անդամ։

2018 թվականի մայիսի 7-ին առաջադրվել է Ռուսաստանի Դաշնության կառավարության նախագահի տեղակալի պաշտոնում, որը ղեկավարում է ռազմաարդյունաբերական համալիրի զարգացման հարցերը։ Ռուսաստանի Դաշնության նախագահ Վլադիմիր Պուտինի հրամանագրով 2018 թվականի մայիսի 18-ին նշանակվել է Ռուսաստանի Դաշնության կառավարության նախագահի տեղակալ։ 2018 թվականի հոկտեմբերից՝ Ռուսաստանի Դաշնության կառավարությանն առընթեր ավիացիոն կոլեգիայի նախագահ։

Ամուսնացած է, ունի երկու որդի։

Մրցանակներ խմբագրել

  • 2018 թվականի հուլիսի 5-ին հաղորդումներ են հայտնվել այն մասին, որ Վլադիմիր Պուտինը փակ հրամանագրով Յուրի Բորիսովին շնորհել Է Ռուսաստանի հերոսի կոչում, Կրեմլում հրաժարվել են այդ կապակցությամբ մեկնաբանություններից[8];
  • Հայրենիքին մատուցած ծառայությունների համար 4-րդ աստիճանի շքանշան;
  • Ալեքսանդր Նևսկու շքանշանը (2018)[9];
  • Պատվո շքանշան (2014);
  • ԽՍՀՄ զինված ուժերում Հայրենիքին ծառայության համար 3-րդ աստիճանի շքանշան;
  • Խորհրդային Միության մարշալ Գ. Կ. Ժուկովի անվան Ռուսաստանի Դաշնության պետական մրցանակ սպառազինության և ռազմական տեխնիկայի ստեղծման բնագավառում (2015 թվականի մայիսի 8)՝ «955 Բորեյ» նախագծի ղեկավար ատոմային Սուզանավային հածանավի մշակման և ստեղծման համար, որը նպաստում է Ռուսաստանի Դաշնության պաշտպանունակության զգալի ամրապնդմանը[10];
  • ԽՍՀՄ մեդալներ;
  • ՌԴ մեդալներ։

Ծանոթագրություններ խմբագրել

  1. Правительство РФ подало в отставку
  2. Ядерные достижения приняли героическую форму
  3. «IP-телефония (VoIP) НИЯУ МИФИ: Данные по подразделению #01 003 00: Кафедра электроники (№3)». voip.mephi.ru. Արխիվացված է օրիգինալից 2019 թ․ նոյեմբերի 27-ին. Վերցված է 2019 թ․ նոյեմբերի 27-ին.
  4. Указ Президента Российской Федерации от 15.11.2012 г. № 1544 «О заместителе Министра обороны Российской Федерации» // Kremlin.ru. — Дата обращения: 12.06.2015.
  5. За что отвечает Юрий Борисов // Газета «Коммерсантъ» № 98. — 2013. — 10 Հունիսի. — Дата обращения: 12.06.2015.
  6. Михаил Севастьянов. Итоги 64-го заседания Совета министров обороны СНГ // Интернет-портал СНГ. — Дата обращения: 12.06.2015.
  7. Указ Президента Российской Федерации от 07.10.2013 г. № 770 «О присвоении классных чинов государственной гражданской службы Российской Федерации и классных чинов юстиции федеральным государственным гражданским служащим» // Kremlin.ru. — Дата обращения: 12.06.2015.
  8. Кремль не комментирует сообщения о званиях Героя России для Кириенко и Борисова // ТАСС. — 2018. — 5 Հուլիսի. — Дата обращения: 05.07.2018.
  9. Ю. И. Борисов на сайте МО РФ
  10. Указ Президента Российской Федерации от 08.05.2015 г. № 237 «О присуждении Государственной премии Российской Федерации имени Маршала Советского Союза Г. К. Жукова в 2015 году» // Kremlin.ru. — Дата обращения: 12.06.2015.

Արտաքին հղումներ խմբագրել