Յուսուֆ Հալաչօղլու
Յուսուֆ Հալաչօղլու (թուրքերեն՝ Yusuf Halaçoğlu, մայիսի 10, 1949, Սիս, Ադանայի մարզ, Թուրքիա), թուրք պատմաբան և քաղաքական գործիչ։ Թուրքական պատմական ընկերակցության անդամ։ Ազգայնական շարժման կուսակցությունից ընտրվել է Թուրքիայի Ազգային մեծ ժողովի պատգամավոր՝ ներկայացնելով Կայսերիի մարզը։ Հրապարակայնորեն ժխտում է Հայոց ցեղասպանությունը։
Յուսուֆ Հալաչօղլու թուրքերեն՝ Yusuf Halaçoğlu | |
---|---|
Ծնվել է | մայիսի 10, 1949 (74 տարեկան) Սիս, Ադանայի մարզ, Թուրքիա |
Քաղաքացիություն | Թուրքիա |
Մասնագիտություն | պատմաբան, քաղաքական գործիչ և համալսարանի դասախոս |
Հաստատություն(ներ) | Մարմարա համալսարան |
Պաշտոն(ներ) | Թուրքիայի Մեծ Ազգային Ասամբլեայի անդամ և նախագահ |
Ալմա մատեր | Ստամբուլի համալսարան |
Գիտական աստիճան | դոկտորի աստիճան[1] |
Տիրապետում է լեզուներին | թուրքերեն[2] |
Կուսակցություն | Ազգայնական շարժման կուսակցություն և Լավ կուսակցություն |
Yusuf Halaçoğlu Վիքիպահեստում |
Սովորել է Ստամբուլի համալսարանի պատմության ֆակուլտետում, որտեղ շարունակել է աշխատել մինչև 1974 թվականը։ 1983 թվականին դարձել է պրոֆեսորի օգնական։ 1986 թվականին աշխատանքի է անցել Մարմարա համալսարանում։ 1989 թվականին ստացել է պրոֆեսորի կոչում։ Թուրքիայի պետական արխիվում բարձր պաշտոններ զբաղեցնելուց հետո՝ 1992 թվականին վերադարձել է համալսարան։ 1993 թվականից գլխավորել է Թուրքական պատմական ընկերակցությունը։ 2008 թվականին Հայ-թուրքական արձանագրությունների ստորագրումից հետո, հեռացվել է զբաղեցրած պաշտոնից։ Հետագայում զբաղեցրել է Գազի համալսարանի ամբիոններից մեկի վարիչի պաշտոնը։
2011 թվականի ընտրությունների ժամանակ, ընտրվել է Թուրքիայի Ազգային մեծ ժողովի պատգամավոր։ Վերընտրվել է 2015 թվականին։ Ազգայնական շարժման կուսակցությունը նրան առաջադրել էր Մեջլիսի խոսնակի պաշտոնում, սակայն քվեարկության արդյունքում զբաղեցրեց չորրորդ հորիզոնականը։
Քաղաքական հայացքներ խմբագրել
Յուսուֆ Հալաչօղլուն հրապարակայնորեն ժխտում է Հայոց ցեղասպանությունը։ Նա հրապարակել է մի շարք աշխատություններ, որտեղ անդրադարձել է «հայերի տեղահանությունների» խնդրին։ Նրա պնդմամբ տեղահանությունների ժամանակ, որը նա անվանում է «հարկադիր տեղահանություն», զոհվել է 9,000- 10,000 հայ[3]։ Նրա հայացքները համադիր են թուրքական կառավարության պաշտոնական կարծիքին, համաձայն որի տեղահանությունները և ջարդերը չեն կարող բնութագրվել որպես ցեղասպանություն։ Յուսուֆ Հալաչօղլուն բազմիցս քննադատվել է թուրք հայտնի պատմաբան Թաներ Աքչամի կողմից[4]։ 2008 թվականին հեռացվել է թուրքական պատմական ընկերակցության ղեկավարի պաշտոնից՝ հայերի և քրդերի վերաբերյալ թշնամական արտահայտությունների համար[5]։
Ծանոթագրություններ խմբագրել
- ↑ Deutsche Nationalbibliothek Record #132561441 // Gemeinsame Normdatei (գերմ.) — 2012—2016.
- ↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Տես Yusuf Halaçoğlu, "Realities Behind Relocation," in Armenians in the Late Ottoman Period, ed. Türkkaya Ataöv. Ankara: Turkish Historical Society, 2001, pp. 109-42, figure on p. 140.
- ↑ Taner Akçam, The Young Turks' Crime Against Humanity: The Armenian Genocide and Ethnic Cleansing in the Ottoman Empire. Princeton: Princeton University Press, 2012, pp. 354-56.
- ↑ «Controversial historian dismissed from office». Hurriyet. 2008 թ․ հուլիսի 24.