Յոել Ֆինոլ

վենեսուելացի բռնցքամարտիկ

Յոել Սեգունդո Ֆինոլ Ռիվաս (իսպ.՝ Yoel Segundo Finol Rivas, սեպտեմբերի 21, 1996 թ., Մերիդա, Վենեսուելա), վենեսուելացի բռնցքամարտիկ։ 2016 թ. Ամառային օլիմպիական խաղերում կարողացել է նվաճել բրոնզե մեդալ։

Յոել Ֆինոլ Boxing pictogram.svg
Yoel Finol Rivas 2015.jpg
Ընդհանուր տեղեկություններ
Ամբողջական անունՅոել Սեգունդո Ֆինոլ Ռիվաս
ՔաղաքացիությունՎենեսուելա
Ծննդյան ամսաթիվսեպտեմբերի 21, 1996(1996-09-21) (25 տարեկան)
ԾննդավայրՄերիդա, Վենեսուելա
Քաշային կարգառաջին թեթևագույն (մինչև 49 կգ), թեթևագույն (մինչև 52 կգ) ,
Հասակ168 սմ
ՄարզիչԻդոլ Ալֆրեդո Գոնսալես
World Series Boxing
Մարտերի թիվ10
Հաղթանակների թիվ6
Պարտությունների թիվ4

Սիրողական կարիերաԽմբագրել

2012 թ. Ֆինոլը Վենեսուելայի երիատասարդական մրցաշարի մինչև 40 կգ քաշային կարգում դարձել է հաղթող[1]։

Բռնցքամարտի համաշխարհային սերիա 2015Խմբագրել

Այս մրցաշարում ներկայացրել է «Caciques de Venezuela» (Վենեսուելա) թիմը։ Հանդես է եկել առաջին թեթևագույն քաշային կարգում (մինչև 49 կգ)։ 2015 թ. հունվարի 17-ին պարտվել է ղազախ մարզիկ Մարդան Բերիկբաևին[2]։ 2015 թ. հունվարի 30-ին կարողացել է հաղթել ամերիկացի մարզիկ Նիկո Էռնանդեսին[3]։ 2015 թ. փետրվարի 14-ին հաղթել է արգենտինացի մարզիկ Քրիստիան Ռոդեին[4]։ 2015 թ. փետրվարի 28-ին հաղթել է լեհ մարզիկ Դավիդ Յագոձինսկուն[5]։ 2015 թ. մարտի 28-ին հաղթել է պուերտոռիկացի մարզիկ Էնթոնի Չակոնին[6]։ 2015 թ. ապրիլի 18-ին պարտվել է իռլանդացի մարզիկ Փեդդի Բարնսին[7]։

Պանամերիկյան խաղեր 2015Խմբագրել

Այս մրցաշարում հանդես է եկել առաջին թեթևագույն քաշային կարգում (մինչև 49 կգ)։ 1/8 եզրափակչում կարողացել է հաղթել կանադացի մարզիկ Տոնդոյին։ 1/4 եզրափակչում հաղթել է կոլումբիացի մարզիկ Յուբերխեն Մարտինեսին։ Կիսաեզրափակչում պարտվել է կուբացի մարզիկ Խոանիս Արխիլագոսին[8]։

Աշխարհի առաջնություն 2015Խմբագրել

Այս առաջնությունում հանդես է եկել թեթևագույն քաշային կարգում (մինչև 52 կգ)։ 1/16 եզրափակչում կարողացել է հաղթել թուրքմեն մարզիկ Զարիպ Ջումաևին։ 1/ր եզրափակչում պարտվել է կոլումբիացի մարզիկ Սեյբեր Ավիլային[9]։

Բռնցքամարտի համաշխարհային սերիա 2016Խմբագրել

Այս մրցաշարում ներկայացրել է «Caciques de Venezuela» (Վենեսուելա) թիմը։ Հանդես է եկել թեթևագույն քաշային կարգում (մինչև 52 կգ)։ 2016 թ. հունվարի 29-ին պարտվել է արգենտինացի մարզիկ Քրիստիան Ռոդեին[10]։ 2016 թ. ապրիլի 23-ին պարտվել է ղազախ մարզիկ Ազամատ Իսակուլովին[11]։

Ամառային օլիմպիական խաղեր 2016Խմբագրել

Հանդես է եկել թեթևագույն քաշային կարգում (մինչև 52 կգ)։ 1/16 եզրափակչում կարողացել է հաղթել դոմինիկացի մարզիկ Լեոնել դե լոս Սանտոսին[12]։ 1/8 եզրափակչում հաղթել է բրիտանացի մարզիկ Մուհամմադ Ալիին[13]։ 1/4 եզրափակչում հաղթել է ալժիրցի մարզիկ Մոհամեդ Ֆլիսսիին[14]։ Կիսաեզրափակչում պարտվել է ուզբեկ մարզիկ Շահոբիդդին Զոիրովին[15]։

Բռնցքամարտի համաշխարհային սերիա 2017Խմբագրել

Այս մրցաշարում ներկայացրել է «Caciques de Venezuela» (Վենեսուելա) թիմը։ Հանդես է եկել թեթևագույն քաշային կարգում (մինչև 52 կգ)։ 2017 թ. մարտի 17-ին կարողացել է հաղթել կուբացի մարզիկ Յոսվանի Վեյտիային[16]։ 2017 թ. ապրիլի 21-ին հաղթել է արգենտինացի մարզիկ Ֆերնանդո Մարտինեսին[17]։

ԸնտանիքԽմբագրել

Քրոջ ամուսինը վենեսուելացի պրոֆեսսիոնալ բռնցքամարտիկ Էդվին Վալերոն է, ով աշխարհի չեմպիոն է երկրորդ կիսաթեթև (WBA, 2006-2008) և թեթև (WBC, 2009-2010) քաշային կարգերում։ Հենց Վալերոն է սեր և հետաքրքրություն մտցրել Ֆինոլի մեջ բռնցքամարտի հանդեպ։ 2010 թ. ապրիլի 18-ին Վալերոն, ով տառապում էր ալկոհոլից և թմրանյութերից ունեցած կախվածությունից, ձերբակալվում է իր կնոջը սպանելու մեղադրանքով[18][19][20][21] և խոստովամեց իր մեղքը[22][23]։ Մի քանի ժամ անց բռնցքամարտիկը բանտախցում կախվեց[24][25][26]։ 2016 թ. օլիմպիական խաղերի մրցելույթների ժամանակ Յոելն ասել է, որ ներել է Վալերոյին.

Ես ներել եմ նրան։ Չնայած այն փաստին, որ նա սպանել է քրոջս, այնուամենայնիվ ես ներում եմ նրան։ Սկզբում ես չէի կարողանում ընդունել կատարվածը, բայց հետո ես կարողացա իմ մեջ հավատ գտնել դեպի Աստված և սովորեցի ներել մարդկանց։ Նա ինձ սովորեցրել է կատարել հարվածներ։ Նա ինձ համար փողոցային կռիվներ էր սարքում, որպեսզի ինձ տղամարդ դարձնի։ Նա ցանկանում էր, որ ես դառնամ աշխարհի չեմպիոն։ Թմրանյութերը ամբողջովին փոխեցին նրան։ Նա վատ մարդ չէր։ Իմ ճանապարհը շատ երկար ու դժվար էր, բայց ես կարողացել եմ կատարել առաջին քայլը։ Աստված ինձնից տարավ քրոջս և Էդվինին, բայց փոխարենը տվեց ինչ որ բան. նա ինձ դարձրեց ավելի լավը։
Յոել Ֆինոլը քրոջ և Վալերոյի մահվան մասին[27]

ՆվաճումներԽմբագրել

ՍիրողականԽմբագրել

  • 2012   Վենեսուելայի երիատասարդական մրցաշարի հաղթող մինչև 40 կգ քաշային կարգում։
  • 2015   Պանամերիկյան խաղերի բրոնզե մեդալակիր առաջին թեթևագույն (մինչև 49 կգ) քաշային կարգում։
  • 2016   Oլիմպիական խաղերի բրոնզե մեդալակիր թեթևագույն (մինչև 52 կգ) քաշային կարգում։

ԾանոթագրություններԽմբագրել

  1. «Venezuelan Junior National Championships 2012» 
  2. «World Series of Boxing - 1st Round» 
  3. «World Series of Boxing - 3rd Round» 
  4. «World Series of Boxing - 5th Round» 
  5. «World Series of Boxing - 7th Round» 
  6. «World Series of Boxing - 11th Round» 
  7. «World Series of Boxing - 13th Round» 
  8. «17.Panamerican Games 2015» 
  9. «18.World Championships 2015» 
  10. «World Series of Boxing - 3rd Round» 
  11. «World Series of Boxing - quarterfinals» 
  12. «FINOL Yoel Segundo - DE LOS SANTOS NUNEZ Leonel»։ Արխիվացված է օրիգինալից 2016-09-22-ին 
  13. «ALI Muhammad - FINOL Yoel Segundo»։ Արխիվացված է օրիգինալից 2016-09-22-ին 
  14. «FINOL Yoel Segundo - FLISSI Mohamed»։ Արխիվացված է օրիգինալից 2016-09-22-ին 
  15. «ZOIROV Shakhobidin - FINOL Yoel Segundo»։ Արխիվացված է օրիգինալից 2016-09-22-ին 
  16. «World Series of Boxing 2017 - 4th Round» 
  17. «World Series of Boxing 2017 - 6th Round» 
  18. «Ex-lightweight champ Valero arrested» 
  19. «Экс-чемпион мира по боксу заподозрен в убийстве жены» 
  20. «Эдвин Валеро арестован по обвинению в убийстве жены» 
  21. «Кадр дня: арест Эдвина Валеро» 
  22. «Police: Valero admitted guilt»։ Արխիվացված է օրիգինալից 2016-08-19-ին 
  23. «Валеро сам сообщил о том, что убил свою жену» 
  24. «Police say Valero hanged himself in cell» 
  25. «Эдвин Валеро покончил жизнь самоубийством» 
  26. «Эдвин Валеро покончил с собой в тюрьме» 
  27. «Венесуэльский олимпиец Йоэль Финоль: Я простил Эдвина Валеро за то, что он сделал» 

ՀղումներԽմբագրել