Բացել գլխավոր ցանկը

Ժամացույցի աշտարակ (անգլ.՝ מגדל השעון, Միգդալ հա-Շաոն, արաբ․՝ يافا برج الساعة‎‎), Օսմանյան ժամանակաշրջանում Պաղեստինում կառուցված 7 ժամացույցի աշտարակներից մեկը: Կառուցվել է յաֆֆացի ժամագործ և ոսկերիչ Մորից Շայնբերգի կողմից: Պաղեստինում կառուցված այս աշտարակը նվիրված է Օսմանյան կայսրության սուլթան Աբդուլ Համիդ II-ի թագադրության 25-ամյակին: Աշտարակը կառուցվել է Յաֆֆայի արաբ և հրեա բնակիչների հանգանակած միջոցներով: Տարելիցի կապակցությամբ Օսմանյան կայսրության տարածքում ընդհանուր առմամբ կառուցվել է ավելի քան հարյուր աշտարակ[1]: Աշտարակը գտնվում է Յաֆֆայի հյուսիսային մուտքից Եֆեթ փողոցի մեջտեղում, կառուցվել է կրաքարից[2], աշտարակի ձևը հիշեցնում է եվրոպական եկեղեցի, իսկ գմբեթը պատված է պղնձով: Աշտարակն ունի երկու ժամացույց, զանգ, որը հնչում է ժամը երկու անգամ, 1948-1949 թվականներին արաբա-իսրայելական պատերազմում[3] սպանված իսրայելցիների հիշատակը հավերժացնող հուշատախտակ: Աշտարակի ժամացույցը ցույց է տալիս տեղական և եվրոպական ժամանակը[4]: Աշտարակը գտնվում է «ժամացույցի հրապարակում»:

Museum Silhouette.svg
Յաֆֆայի ժամացույցի աշտարակ
ISR-2015-Jaffa-Clock tower.jpg
Տեսակclock tower
ԵրկիրFlag of Israel.svg Իսրայել
ՏեղագրությունՅաֆֆա
Ճարտարապետական ոճօսմանյան ճարտարապետական ոճ
Հարկեր3
Հիմնադրված է1903
Կոորդինատներ: 32°3′18.000000099999″ հս․ լ. 34°45′21.999996099997″ ավ. ե. / 32.05500000002777483° հս․. լ. 34.75611111002777420° ավ. ե. / 32.05500000002777483; 34.75611111002777420

Բովանդակություն

ՊատմությունԽմբագրել

Առաջին քարը դրվել է 1900 թվականի սեպտեմբերին, իսկ շինարարությունն ավարտվել է 1903 թվականին: Աշտարակի շինարարությունը քաղաքում նշանավորվեց մշակութային փոփոխությամբ. մինչ այդ քաղաքի բոլոր ժամացույցները տեղադրված էին մզկիթների և եկեղեցիների զանգակատների աշտարակներին, «քաղաքացիական» աշտարակի շինարարությունը նշանակում էր հասարակության անցում դեպի աշխարհիկ կողմը:

19-րդ դարում՝ քաղաքային պատերի ավերումից հետո, ժամացույցի հրապարակը դարձավ քաղաքի կենտրոնական վայրերից մեկը: Այնտեղ գործում էին շուկաներ, պետական հաստատություններ և առևտրական կենտրոններ, ինչպես նաև հասարակական տրանսպորտի «կենտրոնական կայարանը», որտեղից սայլերը և կառքերը ուղևորվում էին Էրեց Իսրայելի բոլոր կողմերը:

Աշտարակի ժամացույցի մեխանիզմը սպասարկող առաջին ժամագործը եղել է Նեթանել Մարկովիչը: Առաջին համաշխարհային պատերազմի ընթացքում թուրքերի կողմից Յաֆֆայից հրեաների արտաքսման ժամանակ Մարկովիչը թուրքական իշխանություններից քաղաքում մնալու հատուկ թույլտվություն ստացավ՝ ժամացույցը սպասարկելու և կարգավորելու համար:

1965 թվականին աշտարակը վերականգնվեց Թել Ավիվի քաղաքապետարանի կողմից: Ժամացույցը փոխարինվեց, ժամացույցի աշտարակի պատուհանները և որմնախորշերը զարդարվեցին Յաֆֆայի պատմությունը պատկերող ձևավոր ցանցերով[5][6]: Երկար տարիներ չգործելուց հետո՝ աշտարակը նորից վերականգնվեց 2001 թվականին:

2004 թվականին ժամացույցի աշտարակը հայտնվեց իսրայելական փոստային նամականիշների վրա[7][8]:

ՉափերԽմբագրել

  • Բարձրություն (հիմքից մինչև ալեհավաքի վերջը) 27.8 մ
    • Առաջին հարկ` 3,8 մ
    • երկրորդ հարկ` 4,36 մ
  • Հիմք` 3,8x3,8 մետրի վրա
  • Զանգ
    • Տրամագիծ` 60 սմ
    • Բարձրություն` 110 սմ
    • Քաշ` 130 կգ
  • Թվահարթակ`
    • Տրամագիծ` 1,3 մ
    • Մեծ սլաք` 65 սմ
    • Փոքր սլաք` 35 սմ

ԾանոթագրություններԽմբագրել

  1. מגדל השעון ביפו։ lib.cet.ac.il (Hebrew)։ Վերցված է 2009-01-30 
  2. «Башня Хамида»։ Путеводитель по Израилю։ Վերցված է 2014-04-14 
  3. «Jaffa - Clock-Tower»։ planetware.com։ Վերցված է 2009-01-31 
  4. Древний Яффо
  5. Древний Яффо
  6. «Jaffa's Clock Tower»։ archnet.org։ Վերցված է 2009-01-30 
  7. Башня Хамида
  8. «The Jaffa Clock Tower, Clock Square»։ boeliem.com։ Վերցված է 2011-09-06 

ԳրականությունԽմբագրել

  • Petersen, Andrew (2001). A Gazetteer of Buildings in Muslim Palestine (British Academy Monographs in Archaeology). I. Oxford University Press. pp. 174−175. ISBN 978-0-19-727011-0.

Արտաքին հղումներԽմբագրել