Յակոբ վան Ռյոյսդալ
Յակոբ վան Ռյոյսդալ (հոլ.՝ Jacob van Ruisdael, ամբողջական անունը՝ Յակոբ Իսակս վան Ռյոյսդալ, հոլ.՝ Jacob Isaaksz van Ruysdael, 1628[1][2][3][…], Հաառլեմ[4] - մարտի 10, 1682[5][3], մարտի 14, 1682[6] կամ հունիսի 14, 1682[6], Հաառլեմ), հոլանդացի նկարիչ։ Կրել է Պ. Պոտտերի, Յ. վան Գոյենի, Հ. Սեգերսի ազդեցությունը։ 1648 թվականից ստեղծագործել է Հառլեմում։ Սկզբնական գործերում Ռյոյսդալ պատկերել է Հառլեմի շրջակայքի տեսարաններ («Տնակը պուրակում», 1646, Էրմիտաժ, Լենինգրադ)։ Մոտ 1650-1655 թվականներին ճանապարհորդել է Արևելյան Նիդերլանդներում և Արևմտյան Գերմանիայում, ստեղծել դրամատիզմով հագեցած մոնումենտալ բնանկարներ («Հրեական գերեզմանատուն», մոտ 1650-1655, Գրեզդենի պատկերասրահ)։ Մոտ 1656 թվականին հաստատվել է Ամստերդամում։
Յակոբ վան Ռյոյսդալ հոլ.՝ Jacob van Ruisdael | |
|---|---|
.jpg) | |
| Ի ծնե | հոլ.՝ Jacob Isaackszoon Van Ruisdael |
| Ծնվել է | 1628[1][2][3][…] |
| Ծննդավայր | Հաառլեմ[4] |
| Վախճանվել է | մարտի 10, 1682[5][3], մարտի 14, 1682[6] կամ հունիսի 14, 1682[6] |
| Մահվան վայր | Հաառլեմ |
| Քաղաքացիություն |  Միացյալ պրովինցիաների հանրապետություն |
| Մասնագիտություն | նկարիչ, նկարիչ-փորագրող, բնանկարիչ, օֆորտանկարիչ, գծանկարիչ և գծանկարիչ |
| Ոճ | բարոկկո նկարչություն |
| Ժանր | բնանկար |
| Թեմաներ | գեղանկարչություն |
| Ուշագրավ աշխատանքներ | Բենտհայմի ամրոց, Հրեական գերեզմանատուն, Լույսի ճառագայթ և The Windmill at Wijk bij Duurstede? |
| Ուսուցիչ | Սալոմոն վան Ռյոյսդալ |
| Աշակերտներ | Մեյնդերտ Հոբբեմա |
| Անդամակցություն | Haarlem Guild of St. Luke? |
| Հայր | Իսակ վան Ռյոյսդալ |
| Ազգականներ | Յակոբ Սալոմոնս վան Ռյոյսդալ և Սալոմոն վան Ռյոյսդալ |
ստորագրություն | |
 Jacob Isaacksz. van Ruisdael Վիքիպահեստում | |
Գործունեություն
խմբագրելՍտեղծագործական հասուն շրջանում ստեղծել է բազմազան բնանկարներ («Էգմոնդ գյուղը», Պուշկինի անվան կերպարվեստի թանգարան, Մոսկվա, «Ջրաղացով բնանկար», 1661, Ռեյկսմյուսեում, Ամստերդամ, «ճահիճ», էրմիտաժ, «Ջրվեժ», Մաուրիցհյոյս, Հաագա)։ Այս շրջանի գործերում հստակ գծանկարը, շոշափելի ձևերը զուգորդված են օդային նրբին հեռանկարին, լույսի և ստվերի շարժմանը նրբերանգներով հարուստ կոլորիտը առավելաբար խարսխված է սաղարթի գորշ մոխրագույնի և գունաթափ կանաչի, հողի մուգ դարչնագույնի և երկնքի լազուրի համադրման վրա։ Ռյոյսդալի շատ բնանկարների յուրահատուկ հուզական լարվածությունը ուշ շրջանի գործերում ձեռք է բերել մռայլ, սուբյեկտիվ բնույթ («Լեռներ Նորվեգիայում», Էրմիտաժ)։
Պատկերասրահ
խմբագրել-
-
Վեյկի հողմաղացը (Դորստեդի մոտ) 1670 թ. Ռեյկսմուզեում, Ամստերդամ -
Ավազներով և թփերով բանանկար 17-րդ դարի 2-րդ կես. Հին պինակոտեկ Մյունխեն -
Բնանկար 1647 թ. Պուշկինի թանգարան, Մոսկվա -
Գետի ափ 1649 թ. Շոտլանդիայի ազգային պատկերասրահ Էդինբուրգ -
Փշատենու դաշտ մոտ 1670. Մետրոպոլիտեն թանգարանթ. Նյու Յորք -
Հառլեմի տեսարան 17ր դարի երկրորդ կես, Ռեյկսմուզեում, Ամստերդամ -
Ծովային տեսարան Մադրիդ
Ծանոթագրություններ
խմբագրել- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Jacob van Ruisdael
- ↑ 3,0 3,1 3,2 3,3 3,4 Kunstindeks Danmark (դան.)
- ↑ 4,0 4,1 4,2 Deutsche Nationalbibliothek Record #118604082 // Gemeinsame Normdatei (գերմ.) — 2012—2016.
- ↑ 5,0 5,1 5,2 Encyclopædia Britannica
- ↑ 6,0 6,1 6,2 6,3 6,4 6,5 Կերպարվեստի արխիվ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանի «Յակոբ վան Ռյոյսդալ» հոդվածից (հ․ 9, էջ 680 )։ 
|
 | Վիքիպահեստն ունի նյութեր, որոնք վերաբերում են «Յակոբ վան Ռյոյսդալ» հոդվածին։ |