Մուրադ Զաքարյան
- Վիքիպեդիայում կան հոդվածներ Զաքարյան ազգանունով այլ մարդկանց մասին։
Զաքարյան Մուրադ Գրիշայի, «Բուժականի Մուրադ» (սեպտեմբերի 5, 1971, գ. Բուժական (այժմ՝ Հայաստանի Կոտայքի մարզում) - մարտի 23, 1994, գ. Սեյիդահմեդլու (Ֆիզուլիի շրջան)), ազատամարտիկ։ Հայաստանի զինված ուժերի լեյտենանտ (1993)։ 1989-1991 թվականներին ծառայել է ԽՍՀՄ ԶՈՒ-ում։ 1991-1994 թվականներին՝ Շուշիի առանձնակի գումարտակի վաշտի հրամանատարի տեղակալ։ Մասնակցել է Շահումյանի, Մարտակերտի, Հադրութի, Շուշիի շրջանների, Բերդաձորի ենթաշրջանի (Կիրով, Եղցահող ևն) ինքնապաշտպանական և ազատագրական մարտերին։ 1993 թվականին վիրավորվել է, ապաքինվել և վերադարձել մարտադաշտ։ Պարգևատրվել է Արցախի Հանրապետության «Մարտական խաչ» 2-րդ աստիճանի շքանշանով։ Մուրադ Զաքարյանի մասին նկարահանվել է «Բուժականի Մուրադը» ֆիլմը (2001, «Խոնարհ հերոսներ» ֆիլմաշար, սցենարի հեղինակ և ռեժիսոր՝ Ս. Թադեոսյան)։ Թաղված է Բուժականում։
Զաքարյան Մուրադ Գրիշայի | |
---|---|
սեպտեմբերի 5, 1971 – մարտի 23, 1994 | |
Ծննդավայր | գ. Բուժական |
Մահվան վայր | գ. Սեյիդահմեդլու |
Կոչում | Լեյտենանտ |
Մարտեր/ պատերազմներ | Արցախյան ազատամարտ |
Պարգևներ | Արցախի Հանրապետության «Մարտական խաչ» 2-րդ աստիճանի շքանշան |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ |