Մոսկվա-Պետուշկի (հուշարձան)
«Մոսկվա-Պետուշկի» հուշարձան (ռուս.՝ Памятник «Москва — Петушки»), հուշարձան Ռուսաստանի Դաշնության մայրաքաղաք Մոսկվայում, որը նվիրված է գրող Վենեդիկտ Երոֆեևի կեղծ ինքնակենսագրական պոստմոդեռնիստական «Մոսկվա-Պետուշկի» պոեմի հերոսներին։
 | |
|---|---|
-1.jpg) «Մոսկվա-Պետուշկի» հուշարձանի՝ աղջկան պատկերող մասը | |
 | |
 | |
| Կոորդինատներ | 55°47′04″ հս․ լ. 37°36′13″ ավ. ե.HGЯO |
| Գտնվում է |  ՌուսաստանՄոսկվա |
| Կառուցվել է | 2000 |
| Շինության ձևը | Քանդակ |
| Կառուցել է | Սերգեյ Մանցերև, Վալերի Կուզնեցով |
| Ներկա վիճակը | Կանգուն |
ՊատմությունԽմբագրել
Վենեդիկտ Երոֆեևի կպաշտամունքային «Մոսկվա-Պետուշկի» ստեղծագործության հուշարձանը տեղադրվել է Մոսկվա քաղաքի Պայքարի հրապարակում գտնվող պուրակում 2000 թվականի մայիսի 11-ին՝ գրողի մահվան 10-րդ տարելիցի կապակցությամբ[1]։
Քանդակագործներ Սերգեյ Մանցերևն ու Վալերի Կուզնեցովը արձանը քանդակել են երկու տարի և ստեղծել են երկու քանդակ[1]։
Արձանը պատկերում է պոեմի գլխավոր հերոս Վենիչկային, որը Մոսկվայում կանգնած է ոճավորված կանգառում և սպասում է Պետուշկի մեկնող գնացքին, ուր նա գնում է իր սիրելիի մոտ։ Սա հարբած տղամարդու կերպար է, որը մի ձեռքով բռնել է կանգառի անունով ցուցանակից, իսկ մյուսով իր կրծքին է սեղմում սիրելիի համար հյուրասիրություններով ճամպրուկը։ Գրանիտե պատվանդանի վրա գրված է. «Չի կարելի վստահել այն մարդու կարծիքին, որը դեռ չի հասցրել ազատվել խումարից»[1]։
Հուշարձանի բաղկացուցիչ մաս է նաև Վենիչկայի սիրեցյալի՝ շիկահեր աղջկա պատկերաքանդակը. նա կանգնած է հրապարակի մյուս կողմում։ Դա նիհար, ոգեշնչված աղջիկ է, որը ձեռքով քաշքշում է երկար հյուսը։ Գրանիտե պատվանդանի վրա գրված է. «Պետուշկիում հասմիկը չի թառամում, և թռչունի երգը չի դադարում»[1]։
Սկզբնապես հուշարձանի այս մասը գտնվում էր Պետուշկիում, սակայն ավելի ուշ տեղափոխվեց Մոսկվա[1]։
Արձանի բացման արարողությունը սկսվել է նրանից, որ գրող-երգիծաբան Իգոր Իրտենևը երեխաներին ընկույզ և պաղպաղակ բաժանեց, ինչպես դա արել էր պոեմի հերոս Վենիչկա Երոֆեևը[1]։
ԾանոթագրություններԽմբագրել
Արտաքին հղումներԽմբագրել
- «Памятник Москва-Петушки»։ Վերցված է 2014-08-10