Բացել գլխավոր ցանկը

Մոկս, գավառակ Արևմտյան Հայաստանում, Վանի վիլայեթի Վանի գավառում: Գտնվում էր Վանա լճի հարավային կողմում: Կենտրոնը Մոկս գյուղաքաղաքն էր:

Գավառակ
Մոկս
Van districts.png
Կոորդինատներ: 38°7′27.66″ հս․ լ. 42°48′25.96″ ավ. ե. / 38.1243500° հս․. լ. 42.8072111° ավ. ե. / 38.1243500; 42.8072111
Վարչական տարածքԹուրքիա
ՎիլայեթՎանի վիլայեթ
ԳավառՎանի գավառ
Այլ անվանումներԹրակա Մեկս, Մեուքուզ, Մյոքուզ, Մոգս, Մոկաց գավառ, Մոկյուս, Մոկսայե, Մոկուս, Մոկք, Մուկուս
Մակերես426 քառակուսի մետր
ԲԾՄ1767 մետր
Բնակչություն14 622 մարդ (2018)
Ազգային կազմհայեր
Տեղաբնականունմոկսեցի
Ժամային գոտիUTC+3
##Մոկսի գավառակ (Թուրքիա)
Red pog.png

Տարածքով մոտավորապես համապատասխանում էի Մեծ Հայքի Մոկք աշխարհի Առանձնակ գավառին: Երբեմն գավառակը բաժանվում էր 2 մասի՝ Արևելյան Մոկսի և Արևմտյան Մոկսի:

ԱշխարհագրությունԽմբագրել

Գավառակի երկարությունը մոտ 30 կմ է, լայնությունը՝ 25 կմ: Այն հյուսիսից եզերվում է Եղեր, արևելքից՝ Կոռաշապահ և Առնոս, արևմուտքից՝ Կակռկառ, իսկ հարավաից՝ Բարվար լեռներով:

Ունի խիստ լեռնային տարածք, խմելու և ոռոգելու առատ ջուր, սաղարթախիտ անտառներ, փարթամ ծառեր:

ԿլիմաԽմբագրել

Կլիման զով է և առողջարար:

ԲնակչությունԽմբագրել

 
Մոկացի հայը տեղական զգեստով («Արաքս», 1897, Բ)

1877-1878 թվականներին ուներ 37420 բնակիչ, որից հայեր՝ 19260, քրդեր՝ 18160: 1980-ական թվականներին ուներ 12514 բնակիչ, որից հայեր՝ 8432, քրդեր՝ 3660, այլք՝ 422: XIX դարի վերջին ըստ թուրքական տվյալների գավառակն ուներ 7903 բնակիչ, որից հայեր՝ 4272, քրդեր՝ 3631: Ըստ Ադոյի 1909 թվականին Մոկս ուներ 48 զուտ հայաբնակ գյուղ, 868 տուն՝ 5076 բնակիչ:

Հայերը խոսում էին Մոկսի բարբառով:

ՊատմությունԽմբագրել

Մոկսը թուրքերի կողմից 1895 թվականին ենթարկվել է ջարդերի, իսկ 1915 թվականի մեծ եղեռնի ժամանակ հայությունը զանգվածաբար կոտորվել կամ տարագրվել է:

ՏնտեսությունԽմբագրել

Բնակչության հիմնական զբաղմունքը անասնապահությունն էր: Հայերը նաև զբաղվում էին այգեգործությամբ, պտղաբուծությամբ, մեղվապահությամբ, շալագործությամբ, ջուլհակությամբ, գզրարությամբ և այլ արհեստներով: Տեղ-տեղ նաև մշակում էին բամբակ և կտավատ:

Պատմամշակութային կառույցներԽմբագրել

Մոկսն ուներ մի քանի վանք ու եկեղեցի:

ԿրթությունԽմբագրել

1909 թվականին գավառակում գործում էր 8 հայկական դպրոց:

Վարչական բաժանումԽմբագրել

1877-1878 թվականներին Մոկսն ուներ 179 գյուղ, 1980-ական թվականներին՝ 63 գյուղ: XIX դարի վերջին ըստ թուրքական տվյալների գավառակն ուներ 54 գյուղ:

Գավառակը բաժանված է յոթ գլխավոր գյուղախմբերի.[1]

  1. Բառագյալին
  2. Հառնջուգյալին
  3. Հառնանցգյալին
  4. Տալանից ձոր
  5. Տինինգյալին
  6. Տուրկագյլաին
  7. Փութկուգյալին:

ԱղբյուրներԽմբագրել

  • «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն

Տես նաևԽմբագրել

ԾանոթագրություններԽմբագրել

  1. «Հայաստանի և հարակից շրջանների տեղանունների բառարան», հտ 3, էջ 862