Մյուֆիդե Քադրի
Մյուֆիդե հանըմ Քադրի (թուրքերեն՝ Müfide hanım Kadri, 1890[1], Կոստանդնուպոլիս - 1912, Կոստանդնուպոլիս), թուրք նկարչուհի և կոմպոզիտոր, Թուրքիայի առաջին նկարչուհիներից մեկը։ Քարդին առաջին կինն է, որը Օսմանյան կայսրությունում եղել է պրոֆեսիոնալ նկարչության ուսուցչուհի։ Նա հիմնականում մարդկային կյանքի դրվագներ է պատկերել։
Մյուֆիդե Քադրի | |
|---|---|
 | |
| Ծնվել է | 1890[1] |
| Ծննդավայր | Կոստանդնուպոլիս |
| Վախճանվել է | 1912 |
| Մահվան վայր | Կոստանդնուպոլիս |
| Քաղաքացիություն | .svg){kind=small} Օսմանյան կայսրություն |
| Մասնագիտություն | նկարչուհի |
 Müfide Kadri Վիքիպահեստում | |
Կենսագրություն խմբագրել
Մյուֆիդեն դեռ մանուկ հասակում կորցրել է մորը։ Նրան որդեգրել է իր հեռավոր բարեկամ Քադրի բեյը, ով երեխա չի ունեցել[2]։ Նա տանը պարապել է կրկնուսույցների հետ, ովքեր բացահայտել են աղջկա նկարչական տաղանդը։
Նա սկսել է զբաղվել նկարչությամբ 10 տարեկանից սկսած և վարպետության դասեր է առել Օսման Համդի Բեյից[3]։ Այնուհետև դասեր է առել Սալվատորե Վալերիից (1856—1946), ով «Սանայե Նեֆիսե Մեքթեբի» արվեստների դպրոցի պրոֆեսոր էր։ Նա սովորել է նվագել ֆորտեպիանո, ջութակ և երաժշտական ավանդական գործիքներ, այնպիսիք ինչպիսիք են ուդը և քամանչան[4]։
Համդի բեյի պնդմամբ, նա իր նկարներից մի քանիսը ուղարկել է Մյունխեն, որտեղ նկարները արժանացել են ոսկե մեդալների[3]։ Շուտով երբ նա նշանակվեց Ստամբուլի աղջիկների երաժշտական դպրոցի ուսուցչուհի, Քադրիին առաջարկեցին զբաղեցնել նաև արվեստների և ասեղնագործության ուսուցչուհու հաստիքը։ Ադիլե սուլթանի պալատում նա նկարչության դասեր է տվել Աբդուլ Համիդ II սուլթանի դստերը[4]։ Այդ ընթացքում նա գրել է նաև երաժշտություններ՝ տարբեր ստեղծագործությունների համար։
1921 թվականին Մյուֆիդե Քադրիի մոտ ախտորոշվել է տուբերկուլոզ։ Հիվանդությունը ախտորոշվել է շատ ուշ, ինչի արդյունքում հնարավոր չի եղել փրկել նրա կյանքը։ Մահացել է 1922 թվականին։ Մահվանից հետո Քադրիի 40 նկարները հատկացվել են «Նկարիչների օսմանյան միությանը»[4]։
Ընտրյալ նկարներ խմբագրել
-
Գիրք կարդացող կինը -
Ուդ նվագող կինը -
Աղոթող աղջիկը -
Սիրեցյալները լողափում
Ծանոթագրություններ խմբագրել
- ↑ 1,0 1,1 https://dergipark.org.tr/tr/download/article-file/1227912
- ↑ Brief biography Արխիվացված 2015-08-23 Wayback Machine @ Sanal Müze «Retrospektif».
- ↑ 3,0 3,1 Biographical notes @ Forum Gerçek.
- ↑ 4,0 4,1 4,2 Curriculum Vitae Արխիվացված 2017-04-09 Wayback Machine @ the İstanbul Kadın Müzesi.
 | Վիքիպահեստն ունի նյութեր, որոնք վերաբերում են «Մյուֆիդե Քադրի» հոդվածին։ |