Մհեր Հովհաննիսյան
Մհեր Սուրենի Հովհաննիսյան, (նոյեմբերի 26, 1982, Կապան, Հայկական ԽՍՀ, ԽՍՀՄ), պատմաբան, պատմական գիտությունների թեկնածու, դոցենտ, «Համասփյուռք» ռադիոհաղորդաշարի հեղինակ և հաղորդավար։
Մհեր Հովհաննիսյան | |
|---|---|
 | |
| Ծնվել է | նոյեմբերի 26, 1982 (41 տարեկան) Կապան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Մասնագիտություն | պատմաբան և համալսարանի դասախոս |
| Հաստատություն(ներ) | Ալեքսանդր Պուշկինի անվան թիվ 8 դպրոց, Երևանի պետական համալսարան և ԵՊՀ Հայագիտական հետազոտությունների ինստիտուտ |
| Ալմա մատեր | ԵՊՀ պատմության ֆակուլտետ (2009) |
| Կոչում | դոցենտ |
| Գիտական աստիճան | պատմական գիտությունների թեկնածու (2009) |
| Տիրապետում է լեզուներին | հայերեն, ռուսերեն և անգլերեն |
Կրթություն խմբագրել
Ծնվել է 1982 թվականի նոյեմբերի 26-ին Հայաստանի Սյունիքի մարզի Կապան քաղաքում։ 1989-2000 թթ. ուսանել է տեղի թիվ 13 միջնակարգ դպրոցում։ 2000–2004 թթ. սովորել է Երևանի պետական համալսարանի պատմության ֆակուլտետի բակալավրիատում և 2004–2006 թթ. շարունակել է նույն ֆակուլտետի մագիստրատուրայում՝ Հայոց պատմություն մասնագիտությամբ։ 2006-2009 թթ. ուսանել է ԵՊՀ ասպիրանտուրայում։ 2009 թ. պաշտպանել է թեկնածուական ատենախոսություն «ՀՅԴ-բոլշևիկ հարաբերություններն Անդրկովկասում (1917-1918 թթ.)» թեմայով և ստացել պատմական գիտությունների թեկնածուի գիտական աստիճան։ Հեղինակ է տասնմեկ գիտական հոդվածների, մեկ բուհական, մասնագիտական-ուսումնական ծրագրի։
Աշխատանքային գործունեություն խմբագրել
2004–2010 թթ. որպես պատմության ուսուցիչ աշխատել է Երևանի Ա. Ս. Պուշկինի անվան թիվ 8 դպրոցում։ 2009 թվականից աշխատել է ԵՊՀ Հայագիտական հետազոտությունների ինստիտուտում որպես ՀՀԻ Վիրտուալ հայագիտության և տեղեկատվության բաժնի վարիչ։ 2012 թ. մարտի 30-ից հուլիսի 10-ը եղել է ԵՊՀ Հայագիտական հետազոտությունների ինստիտուտի գիտական քարտուղար։ 2012 թ. հուլիսի 10-ից մինչև 2018 թ. նոյեմբերը հանդիսացել է նույն ինստիտուտի փոխտնօրենը։ ԵՊՀ ՀՀԻ «Հայագիտության հարցեր» հանդեսի խմբագրական խորհրդի անդամ է։ 2016 թվականից հանդիսանում է «Հայաստանի պատմագետների միություն» ՀԿ անդամ։ 2016-2017 թթ. ղեկավարել է ՀՀ Սփյուռքի նախարարության և ԵՊՀ համատեղ իրականացվող «Սփյուռք» ամառային դպրոցը[1]։ 2017 թ. սեպտեմբերի 15-ից Հայաստանի հանրային ռադիոյի եթերում վարում է «Համասփյուռք»[2] հեղինակային հաղորդումը։ 2010-2018 թթ. հանդիսացել է ԵՊՀ Պատմության ֆակուլտետի Հայոց պատմության ամբիոնի ասիստենտ, 2018 թվականից` դոցենտ։
Երկեր խմբագրել
- Գիտական հղումների չափորոշիչները արևմտյան պատմագիտական հետազոտություններում Արխիվացված 2018-11-25 Wayback Machine
- Հայոց անկախ պետականության վերականգնման խնդիրը 1917-1918 թթ. ՀՅԴ-ՌՍԴԲ(Բ)Կ հարաբերությունների համատեքստում։
- Դաշնակցության «թիկունքային քաղաքականության» առանձնահատկությունները։
- Բոլշևիկներ-Դաշնակցություն բանակցությունները Թիֆլիսում (1917թ. դեկտեմբեր -1918թ. հունվար)։
- Դաշնակցություն-բոլշևիկներ համագործակցության դրդապատճառները Բաքվում։
- Դիվանագիտական «փնտրտուքները» Դաշնակցության և բոլշևիկների միջև 1918թ.։
- «Հայոց ցեղասպանության» թեման ԵՊՀ հայագիտական հետազոտությունների ինստիտուտի 2009-2013 թթ. ուսումնասիրություններում։
- Նիւթեր Հ. Յ. Դաշնակցութեան պատմութեան համար, Թ. հատոր /գրախոսութիւն/։
Գրականություն խմբագրել
Ծանոթագրություններ խմբագրել
Արտաքին հղումներ խմբագրել
- Հայաստանի հանրային ռադիո, «Համասփյուռք» ռադիոհաղորդաշար
- Երևանի պետական համալսարան Արխիվացված 2018-06-29 Wayback Machine ի Պատմության ֆակուլտետ. Հայոց պատմության ամբիոն. Մհեր Հովհաննիսյան
- ԵՊՀ Հայագիտական հետազոտությունների ինստիտուտի «Հայագիտության հարցեր» հանդես
- ՄՀԵՐ ՍՈՒՐԵՆԻ ՀՈՎՀԱՆՆԻՍՅԱՆ