Մհեր Երզնկյան
- Վիքիպեդիայում կան հոդվածներ Երզնկյան ազգանունով այլ մարդկանց մասին։
Մհեր Արամայիսի Երզնկյան, ապրիլյան քառօրյա պատերազմի հերոս։
| Մհեր Երզնկյան | |
|---|---|
 | |
| 1995 - 2016 | |
| Ծննդավայր | Երևան, Հայաստան |
| Մահվան վայր | Ճամբարակ, Գեղարքունիքի մարզ, Հայաստան |
| Քաղաքացիություն |  Հայաստան |
| Ծառայության տարիներ | 2016 |
| Կոչում | շարքային |
| Զորամաս | N զ/մ-ի 4-րդ մարտկոց |
| Մարտեր/ պատերազմներ | Արցախա-ադրբեջանական սահմանային պատերազմ (2016) |
| Պարգևներ |  |
Կենսագրություն
խմբագրելՄհեր Երզնկյանը ծնվել է 1995 թվականին Երևան քաղաքում[1]։ Իննամյա կրթությունը ստանալուց հետո զբաղվել է ոսկերչությամբ և արծաթագործությամբ։ Իր մոտ միշտ կրում էր իր պատրաստած արծաթյա խաչը։ Մհերը ունի մեկ քույր և եղբայր։ Վերջինս նույնպես պայմանագրային զինծառայող էր։
18 տարին լրանալուն պես Մհերը պետք է զորակոչվեր բանակ, սակայն ծառայության մեկնելը հետաձգվում է, և Մհերը բուժումներ է ստանում։ 3 տարի բուժումն անցնելուց հետո, 2016 թվականի հունվարին, 21 տարեկան հասակում զորակոչվել է բանակ։ Խելացի և գրագետ զինվոր էր։ Մահացու հրազենային վիրավորում ստացել է ապրիլի 5-ի լույս 6-ի գիշերը։ Երկուսուկես ամսվա զինծառայող էր[2]։ Քառօրյա պատերազմում ցուցաբերած արիության համար զինծառայողին տվել են «Առյուծ Մհեր» մականունը։
Հուղարկավորություն
խմբագրելՀոգեհանգիստը տեղի է ունեցել 2016 թվականի ապրիլի 8-ին ժամը 18:00-ին, իսկ հուղարկավորությունը՝ 2016 թվականի ապրիլի 9-ին ժամը 13:00-ին Երևան քաղաքում։
Պարգևներ
խմբագրել- Մարտական ծառայության մեդալ (հետմահու), 2018[3]
Ծանոթագրություններ
խմբագրել- ↑ Հերոս Մհեր Երզնկյանը
- ↑ «Իմ որդին, առյուծաբար կռվելով, վաստակեց Առյուծ Մհեր կոչվելու իրավունքը»
- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2018 թ․ հունվարի 29-ին.