Միքայել Մանուչարյան

հայ հեղափոխական
HS Disambig.svg Անվան այլ կիրառումների համար տե՛ս՝ Մանուչարյան (այլ կիրառումներ)

Միքայել Ծատուրի Մանուչարյան (Մանուչարով), (1885, գյուղ Արծվանիկ (այժմ՝ Ղափանի շրջանում) - 1963, Բաքու), հայ բոլշևիկ հեղափոխական։ ԽՄԿԿ անդամ (1905

Միքայել Մանուչարյան
Ծնվել է1885
ԾննդավայրԱրծվանիկ, Հայաստան
Մահացել է1963
Ազգությունհայ
Մասնագիտությունհեղափոխական
ԿուսակցությունԽՄԿԿ

Հեղափոխական գործունեությունն սկսել է Բաքվի նավթարդյունաբերողների մեխանիկական արհեստանոցներում։ 1909 թվականին ձերբակալվել է և 4 տարով աքսորվել Ղափանի պղնձահանքերը։ 1914-1919 թվականներին գործուն մասնակցություն է ցուցաբերել Բաքվի հեղաշրջմանը։ Եղել է Ստեփան Շահումյանի կազմակերպած մարտական դրուժինայի անդամ, ընտրվել բանվորների և զինվորների Բաքվի խորհրդի անդամ։ Նշանակվել է Բաքվի կոմունայի արտակարգ հանձնաժողովի օպերատիվ մասի պետ։ Կոմունայի պարտությունից հետո տեղափոխվել է Աստրախան։ Աշխատել է 11-րդ և 12-րդ կարմիր բանակների հատուկ բաժիններում։ 1919 թվականին ընդգրկվել է Կամոյի մարտական ջոկատի կազմում։

Անդրկովկասում խորհրդային կարգեր հաստատվելուց հետո՝ 1921-1925 թվականներին, տնտեսական աշխատանք է կատարել Բաքվում։ 1925 թվականին տեղափոխվել է Հայաստան, նշանակվել Ղափանի պղնձաձուլական գործարանի և հանքերի շահագործման տնօրենի տեղակալ (1925-1928)։ 1928-1936 թվականներին վերստին աշխատել է Բաքվում՝ եղել է ԱԿ(բ)կ Կենտկոմի, ԱԽՍՀ Կենտգործկոմի, ԱԿ(բ)կ և ԱԽՖՍՀ կենտրոնական վերստուգիչ հանձնաժողովների անդամ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 256 CC-BY-SA-icon-80x15.png