Միքայել Ախտյան

Միքայել Մուշեղի Ախտյան (փետրվարի 2, 1938(1938-02-02), Խաչեն, Թեթրի Ծղարոյի մունիցիպալիտետ, Քվեմո Քարթլիի մարզ, Վրաստան - հունիսի 13, 2016(2016-06-13), Թբիլիսի, Վրաստան), հայ բանաստեղծ, թարգմանիչ, 2002 թվականից Հայաստանի գրողների միության անդամ։

Միքայել Ախտյան
Ծնվել է	փետրվարի 2, 1938(1938-02-02)
Ծննդավայր	Խաչեն, Թեթրի Ծղարոյի մունիցիպալիտետ, Քվեմո Քարթլիի մարզ, Վրաստան
Վախճանվել է	հունիսի 13, 2016(2016-06-13) (78 տարեկան)
Վախճանի վայր	Թբիլիսի, Վրաստան
Մասնագիտություն	բանաստեղծ և թարգմանիչ
Քաղաքացիություն	ԽՍՀՄ և  Հայաստան
Անդամակցություն	ՀԳՄ
Պարգևներ	2008 թվականին արժանացել է Հայաստանի գրողների միության «Գրական վաստակի համար» մեդալի։ Պարգևատրվել է «Պատվո նշան» շքանշանով։
Միքայել Ախտյան Վիքիդարանում

Կենսագրություն

Ծնվել է 1938 թվականի փետրվարի 20-ին, Վրաստանի Թեթրիծղարոյի մունիցիպալիտետի Դաղեթ-Խաչեն հայաբնակ գյուղում։ Ավարտել է Պետերբուրգի թեթև արդյունաբերության տեխնիկումը, ապա՝ Մոսկվայի թեթև արդյունաբերության ինստիտուտի հեռակա բաժինը։ Տպագրվել է ինչպես Վրաստանում, այնպես էլ Հայաստանում։ Նրա բանաստեղծությունները թարգմանվել են ռուսերեն, վրացերեն, ուկրաիներեն։ Միքայել Ախտյանը թարգմանել է վրաց մի շարք լավագույն բանաստեղծների ստեղծագործություններից։ Բնակվել է Երևանում։ Մահացել է 2016 թվականին Թբիլիսիում։ Թաղված է տեղի Խոջիվանքի գերեզմանատանը։

Երկեր

• Հատընտիր, Երևան, 2011։
• Կրակե շատրվան, (բանաստեղծությունների ժողովածու), Երևան, 2008։
• Հոգու արցունք, Երևան, 2003։
• Քարոտ ճանապարհ։ Քառյակներ և քառատողեր։ Զանգակ-97, 2003, էջ 96։
• Քառյակներ ու քառատողեր, Երևան, 2000։
• Խորամանկ փիսոն (մանկական), Երևան, 2000։
• Արևն ու սառույցը։ Բանաստեղծություններ։ Արևիկ, 1988, էջ 14։

Թարգմանություններ վրացերենից

• Գենո Կալանդիա, Կակաչ, Երևան, 2008։
• Մուրման Լեբանիձե, Բախտի հանգրվանը, Երևան, 2003։
• Մուրման Լեբանիձե, Բանաստեղծություններ, Երևան, 1999։
• Դավիթ Մճեդլուրի, Որտեղից է գալիս ծուխը, Երևան, 1987։

Պարգևներ և մրցանակներ

• 2008 թվականին արժանացել է Հայաստանի գրողների միության «Գրական վաստակի համար» մեդալի։
• Պարգևատրվել է «Պատվո նշան» շքանշանով։