Վիքիպեդիա

Միխայիլ Գալուստյան

ռուս շոումեն, կատակերգու, կատակերգու, սցենարիստ, պրոդյուսեր
(Վերահղված է Միքաել Գալուստյանից)
Վիքիպեդիայում կան հոդվածներ Գալուստյան ազգանունով այլ մարդկանց մասին։

Միխայիլ Սերգեևիչ Գալուստյան (Նշան Սերգեևիչ Գալուստյան[2], հոկտեմբերի 25, 1979(1979-10-25), Սոչի, Կրասնոդարի երկրամաս, ՌԽՖՍՀ, ԽՍՀՄ), ռուսական շոումեն, հումորիստ, դերասան, սցենարիստ, պրոդյուսեր, ՈՒՀԱ-ի նախկին մասնակից, «Comedy Club» շոուի հրավիրված ռեզիդենտ։

Միխայիլ Գալուստյան
Ծնվել էհոկտեմբերի 25, 1979(1979-10-25) (44 տարեկան)
ԾննդավայրՍոչի, Կրասնոդարի երկրամաս, ՌԽՖՍՀ, ԽՍՀՄ
Քաղաքացիություն Ռուսաստան և  Հայաստան[1]
Մասնագիտությունդերասան, հնչյունավորող, կինոպրոդյուսեր, սցենարիստ, կինոդերասան, կատակերգու, հաղորդավար, հեռուստահաղորդավար, գիտակ, հեռուստատեսային դերասան և ՈՒՀԱ-ի խաղացող
Ժանրերկինոկատակերգություն և հումոր

Կենսագրություն խմբագրել

Նշան Սերգեևիչ Գալուստյանը ծնվել է 1979 թվականի հոկտեմբերի 25-ին Սոչիում։ Սկզբից սովորել է Սոչիի № 2 դպրոցում։ 3-ից 5-րդ դասարաններում սովորել է նաև երաժշտական դպրոցի՝ դաշնամուրի բաժնում։ Աշխատել է տիկնիկային թատրոնում, որպես ձյուդոյի տիկնիկի խաղավար։ Հինգերորդ դասարանը ավարտելուց հետո, ծնողները նրան տեղափոխում են № 8 գիմնազիա, որտեղ նա առաջին անգամ բեմ է դուրս եկել, Վինի Թուխի կերպարում։ Տասներորդ դասարանում նա մասնակցում է հումորային նախագիծ՝ ՈՒՀԱ-ին (КВН) և իր դասընկերների օգնությամբ, նրանք հաղթում են տասնմեկերորդ դասարանցիներին։ Գալուստյանը դարձավ իր թիմի ավագը, և նրանք հաղթեցին բոլորին, բացի մի թիմից՝ ՍԳՈՒ-ին։

1996 թվականին Գալուստյանը ավարտեց դպրոցը և գնաց բժշկական համալսարան, որպես ֆելդշեր։ Նա այդ ժամանակներում խաղացել է «Այրված արև» թիմում։ 1998 թվականին նրա համալսարանային թիմը ընդունվում է Վորոնեժում կայանալիք ՈՒՀԱ-ի մրցույթին և հասնում է մինչև եզրափակիչ։ Իր թիմի ներկայանալուց հետո, Միխայիլը հրավեր է ստանում Ալեքսանդր Վասիելևիչի կողմից, մասնակցելու ՈՒՀԱ-ի բարձր լիգային։

Արդեն 2002 թվականին Միխայիլը դառնում է «Այրվող արև» թիմի ավագը։ Շատ չանցած «Այրվող արև» թիմը դառնում է ՈՒՀԱ-ի բարձր լիգայի հաղթող (2003 թվականին), նրանք երեք անգամ դարձել են նաև ՈՒՀԱ-ի ամառային գավաթի հաղթող (2004, 2005 և 2009)։

2006 թվականից մինչև 2012 թվականը, Միխայիլը մասնակցել է ՏՆՏ հեռուստատեսությունում ցուցադրվող «Наша Russia» հումորային սկետչկոմում։ Նկարահանվել է նաև «ChocoPie» բիսկվիթի գովազդում, և «Բասկին Ռոբինս» պաղպաղակի գովազդում։

2011 թվականին Գալուստյանը դառնում է Մոսկվայի պետական իրավաբանական ակադեմիայի ուսանող։

2012 թվականին Գալուստյանը մտնում է «NG Production» կազմի մեջ, որտեղ դառնում է կրեատիվ պրոդյուսեր[3]։

Անձնական կյանք խմբագրել

  • Հայրը՝ Սերգեյ Նշանի Գալուստյան - խոհարար է[4]
  • Մայրը՝ Սուսաննա Արդաշի Գալուստյանը (ծն. 1948 թվականի դեկտեմբերի 31-ին)[5]
  • Եղբայրը՝ Դավիդ Գալուսյանը (ծն. 1986 թվականի մարտի 20-ին) - նույնպես հումորիստ է[6][7][8].
  • Տատիկը՝ Վալենտինա Մարկովի Գալուստյանը - թոշակառու[6].
  • Կինը (2007 թվականի հուլիսի 7-ից)՝ Վիկտորիա Գալուստյանը (ծն. 1986 թվականին) ավարտել է Կուբանի պետական համալսարանի՝ հաշվապահական ճյուղը[9][10].
    • Աղջիկը՝ Էստելլան (ծն. 2010 թվականի օգոստոսի 25-ին)
    • Աղջիկը՝ Էլինան (ծն. 2012 թվականի փետրվարի 16-ին)

Ծանոթագրություններ խմբագրել

  1. ↑ Федотова М. Михаил Галустян в связи с получением гражданства Армении пообещал «не сваливать, как некоторые» (ռուս.) — Коммерсантъ, 2023. — 125000 экз. — ISSN 1563-6380; 1561-347X
  2. ↑ «Михаил Галустян на comedyfiles.net». Արխիվացված է օրիգինալից 2012 թ․ հունվարի 6-ին. Վերցված է 2015 թ․ դեկտեմբերի 19-ին.
  3. ↑ «Михаил Галустян. Человек-оркестр // Группа компаний Парадиз (14/01/2013)». Արխիվացված է օրիգինալից 2013 թ․ փետրվարի 26-ին. Վերցված է 2013 թ․ փետրվարի 22-ին.
  4. ↑ «Галустян звонит маме каждый день| KP.UA». Արխիվացված է օրիգինալից 2013 թ․ ապրիլի 7-ին. Վերցված է 2015 թ․ դեկտեմբերի 19-ին.
  5. ↑ «Михаил Галустян на zvezdi.ru». Արխիվացված է օրիգինալից 2013 թ․ փետրվարի 26-ին. Վերցված է 2015 թ․ դեկտեմբերի 19-ին.
  6. ↑ 6,0 6,1 «Биография / Официальный сайт Михаила Галустяна». Արխիվացված է օրիգինալից 2011 թ․ հոկտեմբերի 27-ին. Վերցված է 2015 թ․ դեկտեմբերի 19-ին.
  7. ↑ Галустян Давид(չաշխատող հղում)
  8. ↑ КВН для ВСЕХ. Галустян: дайте два!
  9. ↑ «Виктория Штефанец - жена Галустяна». Արխիվացված է օրիգինալից 2010 թ․ դեկտեմբերի 24-ին. Վերցված է 2015 թ․ դեկտեմբերի 19-ին.
  10. ↑ Михаил Галустян стал отцом | «TV.NET.UA»
 Վիքիպահեստն ունի նյութեր, որոնք վերաբերում են «Միխայիլ Գալուստյան» հոդվածին։
Ստացված է «https://hy.wikipedia.org/w/index.php?title=Միխայիլ_Գալուստյան&oldid=9349847» էջից