Միսակ Մելքոնյան
Միսակ Վաղարշակի Մելքոնյան (մարտի 13, 1938, Ծեբելդա, Գուլրիփշի շրջան, Աբխազիա - նոյեմբերի 7, 2008, Յալթա, Ղրիմի Ինքնավար Հանրապետություն, Ուկրաինա), այգեգործ-ընտրասերումնաբան։ Կենսաբանական գիտությունների դոկտոր (1981), պրոֆեսոր (1993), ՀՀ ԳԱԱ ակադեմիկոս (1996, թղթակից անդամ՝ 1990 թվականից)։
Միսակ Մելքոնյան | |
|---|---|
| Ծնվել է | մարտի 13, 1938 Ծեբելդա, Գուլրիփշի շրջան, Աբխազիա |
| Մահացել է | նոյեմբերի 7, 2008 (70 տարեկան) Յալթա, Ղրիմի Ինքնավար Հանրապետություն, Ուկրաինա |
| Քաղաքացիություն |  Ուկրաինա և  ԽՍՀՄ |
| Ազգություն | հայ |
| Մասնագիտություն | գիտնական |
| Ալմա մատեր | Հայաստանի ազգային ագրարային համալսարան (1963) |
| Գիտական աստիճան | կենսաբանական գիտությունների դոկտոր, պրոֆեսոր և ակադեմիկոս |
| Կուսակցություն | ԽՄԿԿ |
ԿենսագրությունԽմբագրել
1963 թվականին ավարտել է Հայաստանի գյուղատնտեսական ինստիտուտը։ 1975-1985 թվականներին եղել է Խաղողագործության, գինեգործության և պտղաբուծության ԳՀԻ փոխտնօրենը, 1985-1987 թվականներին` ՀԽՍՀ արդյունաբերության նախարարության միավորման ղեկավար, 1987-1994 թվականներին` Էջմիածնի «Զվարթնոց» ԱՄ-ի գլխավոր տնօրեն, 1994 թվականից՝ Յալտայի «Մագարաչ» խաղողագործության, գինեգործության ԳՀԻ խաղողի ընտրասերման բաժնի վարիչ։ Եղել է Ղրիմի ԳԱ անդամ, խաղողագործության և գինեգործության միջազգային ակադեմիայի անդամ[1]։
ԳործունեությունԽմբագրել
Աշխատանքները վերաբերում են խաղողի վազի հետերոզիսի օրինաչափությունների, բերքի որակը որոշող կենսաքիմիական ու ֆիզիոլոգիական ցուցանիշների, խաղողի հիբրիդային սերնդում ժառանգականության բնույթի, բերքատվության, հիվանդա-ցրտադիմացկունության խնդիրներին։ Նկարագրել է հետերոզիսային նոր սորտեր։ Խաղողի Մեղրաբույր, Ակնալիճ, Զեյթունի, Բերքանուշ, Առատաբեր, Մուսալեռ, Աբովյանի նոր սորտերի հեղինակներից է[2]։
ԵրկերԽմբագրել
- О виноградарстве Франзии, Е., 1976.
- Гетерозис винограда, М., 1986.
ԾանոթագրություններԽմբագրել
- ↑ ՀՀ ԳԱԱ, վախճանված անդամներ, Միսակ Մելքոնյան
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007