Միշել Լի
Միշել Լի (անգլ.՝ Michele Lee, հունիսի 24, 1942[1], Լոս Անջելես, Կալիֆոռնիա, ԱՄՆ), ամերիկյան դերասանուհի, երգչուհի, պրոդյուսեր և ռեժիսոր։ Հանդիսատեսին առավել հայտնի է CBS-ի «Հանգիստ հանգրվան» երկարօրյա փրայմ-թայմ օճառային օպերայում խաղացած Կարեն Մաքքենզի դերով։ Այստեղ նա նկարահանվել է 1979 թվականից մինչև 1993 թվականը՝ հայտնվելով շոուի բոլոր 344 դրվագներում։ Այս դերի համար նա 1982 թվականին առաջադրվել է «Էմմի» մրցանակաբաշխությանը, ինչպես նաև 5 մրցանակ է ստացել Օճառային օպերայի համար։ Ապա Լին խաղացել է բրոդվեյյան թատրոնում, երկու անգամ առաջադրվել է Թոմի մրցանակաբաշխության համար։ Կինոարտադրության մեջ ունեցած ներդրման համար Հոլիվուդյան փառքի ծառուղում արժանացել է աստղի։
 անգլ.՝ Michele Lee | |
|---|---|
 | |
| Ծնվել է | հունիսի 24, 1942[1] (81 տարեկան) |
| Ծննդավայր | Լոս Անջելես, Կալիֆոռնիա, ԱՄՆ |
| Կրթություն | Alexander Hamilton High School? |
| Քաղաքացիություն |  ԱՄՆ |
| Մասնագիտություն | երգչուհի, պարուհի, թատրոնի դերասանուհի, հեռուստատեսային դերասանուհի, կինոդերասանուհի, պրոդյուսեր, ռեժիսոր, կինոպրոդյուսեր, ձայնային դերասանուհի և հեռուստատեսային պրոդյուսեր |
| Ժանրեր | պարային երաժշտություն |
| Ամուսին(ներ) | Ջեյմս Ֆարենտինո |
| Պարգևներ և մրցանակներ | |
Կյանք և կարիերա խմբագրել
Միշել Լին ծնվել է Լոս-Անջելեսի Կալիֆորնիա նահանգում։ Նա ունի ռուսական, հունգարական և լեհական արմատներ[2]։ Միշելն իր նորամուտը նշել է «Ինչպես հաջողության հասնել բիզնեսում՝ ոչինչ չանելով» ֆիլմում, այնուհետև հաջողության է հասել «Սիրահարված մանկիկը» (1968) և «Կոմիկ» (1969) ֆիլմերում, որոնցից երկուսն էլ հաջողություն են ունեցել կինովարձույթում։ 1974 թվականին նա առաջադրվել է «Թոնի» մրցանակի Seesaw մյուզիքլում ելույթի համար։
Միշել Լին առավել հայտնի է դարձել «Հանգիստ հանգրվան» ֆիլմով, որը դարձել է հեռուստատեսության ամենաերկար դրամաներից մեկը՝ նկարահանվելով 14 եթերաշրջան։ Երկար ժամանակ դերասանուհուն էր պատկանում փրայմ-թայմի մեկ կերպարի ռեկորդը (14 տարի), սակայն 2008-ին Էպատա Մերկերսոնը գերազանցում է այն։ Լին «Էմմի» մրցանակի է արժանացել 1982 թվականին դրամատիկական հեռուստասերիալում կնոջ լավագույն դերի համար անվանակարգում, ինչպես նաև շահել է ևս մի քանի մրցանակ։
Սերիալի նկարահանման ավարտից հետո Լին նկարահանվել է հեռուստատեսության համար արված մի քանի ֆիլմերում։ 1994 թվականին նա գլխավոր դեր է խաղացել «Մեծ երազանքներ և կոտրված սրտեր. Դոտի Ուեսթի պատմությունը» կենսագրական ֆիլմում, ինչպես նաև 1996 թվականին «Իմ սիրելի տոնը» դրամայում։ 2000-ականներին դերասանուհին էկրաններին հայտնվել է ընդամենը երկու անգամ՝ 2004 թվականին «Ահա և Փոլին » ֆիլմում և մեկ տարի անց «Ուիլ և Գրեյս» սիթքոմում։ Նա Բրոդվեյ է վերադարձել «The Tale of the Allergists Wife» պիեսով՝ ստանալով «Թոնի»-ի ևս մեկ անվանակարգ[3]։
1998 թվականին կինոարտադրության մեջ ունեցած ներդրման համար Հոլիվուդյան փառքի ծառուղում արժանացել է աստղի[4]։
Ընտրված ֆիլմագրություն խմբագրել
- 1967 թ.՝ Ինչպես հաջողության հասնել բիզնեսում՝ ոչինչ չանելով
- 1968 թ.՝ Ֆոլկսվագեն-բզեզ
- 1969 թ.՝ Կոմիկը
- 1979 թ.՝ Ճրթճրթան
- 1979-1993 թթ.՝ Հանգիստ հանգրվան (344 էպիզոդ)
- 1997 թ.՝ Հանգիստ հանգրվան. Վերադարձ դեպի փակուղի
- 2004 թ.՝ Ահա և Փոլլին (2004)
Ծանոթագրություններ խմբագրել
- ↑ 1,0 1,1 Internet Broadway Database — 2000.
- ↑ IMDb profile/Michele Lee
- ↑ «Michele Lee». Վերցված է 2015 թ․ մարտի 22-ին.
- ↑ Internet Movie Database. «Awards for Michele Lee». Արխիվացված օրիգինալից 2012 թ․ սեպտեմբերի 9-ին. Վերցված է 2012 թ․ հունվարի 13-ին.
 | Վիքիպահեստն ունի նյութեր, որոնք վերաբերում են «Միշել Լի» հոդվածին։ |