«Ես՝ քեզնից առաջ», ռոմանտիկ նովել՝ գրված Ջոջո Մոյեսի կողմից։ Տպագրվել է 2012 թվականի հունվարի 5-ին Մեծ Բրիտանիայում: Շարունակությունը, վերնագրված «Քեզնից հետո», լույս է տեսել 2015սեպտեմբերի 25-ին «Pamela Dorman Books» ընկերության միջոցով[1][2]:

Ես մինչ քեզ
Me Before You
Ես մինչ քեզ.png
ՀեղինակՋոջո Մոյես
Տեսակգրական ստեղծագործություն
Ժանրռոմանտիկ նովել
Բնօրինակ լեզուանգլերեն
ՀաջորդՔեզնից հետո
ԵրկիրFlag of the United Kingdom.svg Միացյալ Թագավորություն
ՀրատարակիչPenguin Books
Հրատարակման տարեթիվ2012
ՎիքիքաղվածքԵս մինչ քեզ

ՍյուժեԽմբագրել

Ուիլլ Թրեյնորը հաջողակ երիտասարդ տղամարդ է, ով վայելում է իր կյանքը։ Նա ունի ամեն ինչ՝ աշխատանք, գեղեցիկ ընկերուհի և հետաքրքիր կյանք: Այնուամենայնիվ, այս ամենը փոխվում է, երբ նա վթարի է ենթարկվում։

Երկու տարի անց քսանվեցամյա Լուիզա Կլարկը պարզում է, որ կորցրել է իր աշխատանքը «The buttered Bun» սրճարանում։ Ընտանիքի անդամները հիասթավում են, որովհետև ամբողջ ընտանիքը կախված էր նրա աշխատավարձից։ Լուիզան գնում է աշխատանքի տրամադրման կենտրոն, որտեղ Սայիդը՝ օգնականներից մեկը, հասկանում է, որ միակ հնարավոր աշխատանքը հաշմանդամին խնամելն է։ Հարցազրույցից հետո Լուիզան ընդունվում է։ Կամիլա Թրեյնորը, հաշմանդամի մայրը, վարձում է Լուիզային կարծելով, որ իր որդին ունի մեկի կարիքը, ով կարող է ուրախացնել նրան։ Լուիզան նկատում է, թե ինչ խաբեություն է տիրում «Granta House»-ում։ Նա պարզում է, որ Ուիլլ Թրեյնորը ունի էքստրա-ամուսնական հարաբերություններ, սակայն շուտով իր շնորհիվ Ուիլլը դառնում է ավելի շփվող ու լայնամիտ։ Լուիզան տեսնում է, որ Ուիլլի ձեռքերը ծածկված են սպիներով։ Որոշ ժամանակ առաջ նա փորձել է ինքնասպան լինել։ Դա տեղի է ունեցել, երբ իր մայրը՝ Կամիլլա Թրեյնորը, մերժել է Ուիլլի ` իր կյանքին վերջ տալու ցանկությունը մահվանն աջակցող կազմակերպության ՝ «Dignitas»-ի միջոցով։ Մայրը բացարձակապես դեմ էր որդու ինքնասպանությանը և Ուիլլին ստիպել էր իրեն խոստանալ ապրել ևս վեց ամիս: Կամիլլան կարծում էր, թե դա կստիպեր որդուն փոխել միտքը և հրաժարվել ինքնասպանությունից: Լուիզան իր ընկերոջ՝ Պատրիկի հետ տեսնվում է հազվադեպ, քանի որ Պատրիկը իր ամբողջ ժամանակը վատնում է մարզվելու վրա։ Ի վերջո նրանք բաժանվում են Պատրիկի խանդի պատճառով։ Ուիլլը համաձայնվում է, որ Լուիզան սափրի իրեն և կտրի գզգզված մազերը։ Տրինան, Լուիզայի քույրը, գալիս է այն մտքին, որ Լուիզան պետք է ստիպի Ուիլլին ունենալ ապրելու ցանկություն։ Լուիզան ասում է Ուիլլի ծնողներին և իր քրոջը, որ ցանկանում է Ուիլլի համար կազմակերպել արտասահմանյան այց։ Լուիզայի ընտանիքում մեծ ֆինանսական խնդիր կա, քանի որ իր հայրը կորցնում է աշխատանքը։ Սակայն Ուիլլը Լուիզայի հորը պաշտոն է առաջարկում ամրոցում։ Ուիլլը փորձում է դրդել Լուիզային փոխել իր կյանքը, սկսել ապրել ավելի հետաքրքիր։ Մի օր Ուիլլը ու Լուիզան գնում են ամրոց: Լուիզան պատմում է Ուիլլին, որ իր դեռահաս տարիներին մի գիշեր նա մենակ էր ամրոցի լաբիրինթում, որտեղ էլ իրեն բռնաբարել են: Համացանցի օգնությամբ Լուիզան կարողանում է պլանավորել արկածներով լի հանգստյան օրեր Մավրիկիոսում Ուիլլի համար։ Մինչ տուն վերադառնալը Լուիզան խոստովանում է, որ սիրում է Ուիլլին և համբուրում է նրան։ Սակայն Ուիլլը խոստովանում է, որ նա միևնույնն է պատրաստվում է վերջ դնել իր կյանքին «Dignitas»-ում։ Լուիզան հեռանում է «Granta House»-ից և հարցազրույցի միջոցով ընդունվում դասընթացների։ Հակառակ իր մոր խոսքերին Լուիզան գնում է Շվեյցարիա։ Երբ Լուիզան հանդիպում է Ուիլլին, նրանք խոստովանում են, որ այդ վեց ամիսները իրենց կյանքի լավագույն ամիսներն էին։ Ուիլլը Լուիզային թողնում է որոշակի գումար, որպեսզի նա կարողանա շարունակել ուսումը և շրջագայել ինչքան հնարավոր է։

ԿերպարներԽմբագրել

  1. Լուիզա Կլարկ - քսանվեցամյա կին, ում կյանքն ամբողջովին փոխվում է, երբ նա կորցնում է իր աշխատանքը տեղի սրճարանում։ Նա տաղանդավոր է, խելացի, սակայն թերագնահատում է իրեն։ Ի վերջո նա սովորում է ի ցույց դնել իր կարողությունները[3]:
  2. Ուիլլիամ (Ուիլլ) Թրեյնոր - Երեսունհինգամյա տղամարդ, ով վթարից հետո հաշմանդամ է դարձել։ Նա շատ խելացի է և հարուստ, բայց իր վիշտը դարձնում է իրեն չար և մռայլ։ Նա չի համակերպվում այն մտքի հետ, որ երբեք չի քայլելու և չի լինելու առաջվա պես արկածախնդիր և ակտիվ։
  3. Կամիլա Թրեյնոր - Ուիլլի մայրն է, ով ունի լարված հարաբերություններ որդու հետ։ Նա խիստ է և լուրջ, բայց միևնույնն է անհանգստանում է որդու բարեկեցության համար։
  4. Սթիվեն Թրեյնոր - Ուիլլի հայրը, ով ցանկանում է ամուսնալուծվել։ Նա բացակա է եղել Ուիլլի և իր քրոջ կյանքում, և Միսսիս Թրեյնորը մեղադրում է նրան իր ընտանիքը ոչնչացնելու համար։
  5. Կատրինա(Տրինա) - Լուիզայի փոքր քույրն է։ Նա չունի աշխատանք և միայնակ մայր է։ Տրինան միշտ համարվել է ընտանիքի ամենախելացին։ Չնայած քույրերը միշտ մրցել են միմյանց հետո, միևնույնն է շարունակում են օգնել իրար դժվար իրավիճակներում։
  6. Պատրիկ - Լուիզայի ընկերը, ով աշխատում է որպես անձնական մարզիչ։
  7. Նատան - Ուիլլի բուժեղբայրը, ով ոչ միայն նրան խնամում է, այլև նրա ընկերն է։
  8. Ալիսիա - Ուիլլի նախկին ըկերուհին, ով ամուսնացել է նրա ընկերոջ՝ Րուպերտի հետ։ Նա շատ գեղեցիկ է և ապրում է հասարակական բարձր խավի չափանիշներին համաձայն։
  9. Ջորջինա - Ուիլլի քույրը, ով այնքան էլ հոգ չի տանում եղբոր համար և մտածում է միայն անձնական շահերի մասին։ Նա չի ցանկանում, որ Ուիլլը իր քայլով ազդի ընտանիքի և իր հաջողության վրա։

ԸնդունումԽմբագրել

«Ես մինչ քեզ» գրքի հանդեպ հասարակությունը դրական վերաբերմունք է ցուցաբերել։ Այն տեղադրված է Ռիչարդ և Ջուդ ակումբում[4][5]։ «USA TODAY»-ը և Նյու Յորք Թայմսը բարձր են գնահատել աշխատանքը[6]: Նյու Յորք Թայմսի գրախոսն այն մեկնաբանել է հետևյալ կերպ. «Երբ ես ավարտեցի նովելը, ես չէի ուզում վերանայել այն, ես ուզում էի նորից կարդալ»[7]:

ԷկրանիզացիաԽմբագրել

2014 թվականին MGM-ը արտահայտեց խաղարկային ֆիլմ նկարահանելու ցանկություն «Ես՝ քեզնից առաջ» գրքի հիման վրա, որը ղեկավարվելու էր Թեա Շարոքի կողմից։ Ի սզբանե որոշված էր ֆիլմը ցուցադրել 2015-ի օգոստոսին։ Սակայն ֆիլմը էկրան կբարձրանա 2016հունիսի 3-ին։ Գլխավոր կերպարներին կմարմնավորեն Էմիլիա Քլարկը և Սեմ Կլաֆլինը։ Նկարահանումները սկսվել են 2015 թվականի գարնանը։

ԾանոթագրություններԽմբագրել

  1. McClurg Jocelyn։ «Moyes writes sequel to 'Me Before You'»։ USA Today։ Վերցված է հունիսի 1, 2015 
  2. http://www.penguin.com/newsroom/pamela-dorman-booksviking-publish-jojo-moyes-sequel/
  3. Schaap, James C. "Me Before You (Book Review)." Pro Rege 42.1 (2013): 32-33.
  4. STEFFENS DANEET։ «Me Before You, By Jojo Moyes»։ The Independent։ Վերցված է հունիսի 1, 2015 
  5. «Me Before You (review, book club)»։ Richard and Judy։ Վերցված է հունիսի 1, 2015 
  6. Donahue Deirdre։ «Me Before You (review)»։ USA Today։ Վերցված է հունիսի 1, 2015 
  7. SCHILLINGER LIESL։ «Cost of Care»։ New York Times։ Վերցված է հունիսի 1, 2015 

Արտաքին հղումներԽմբագրել

Վիքիքաղվածքն ունի քաղվածքների հավաքածու, որոնք վերաբերում են
Ես մինչ քեզ հոդվածին