Միհրդատ Ա Պարթև

Միհրդատ Ա Պարթև
Ծնվել է՝	մ. թ. ա. 195
Մահացել է՝	մ. թ. ա. 132
Ուղեկից	Ռիննու
Տոհմ	Պարթև Արշակունիներ
	գերիշխան
Հայր	Պրիապատիուս
Երեխաներ	Հրահատ Բ և Rhodogune of Parthia?

Միհրդատ Ա (պարթ.` 𐭌𐭄𐭓𐭃𐭕 Mihrdāt), հայտնի է նաև Միհրդատ I Մեծ անունով^[1]. մ. թ. ա. 195 - մ. թ. ա. 132), Պարթևստանի Արշակունի հարստության արքա (մ.թ.ա. 171 - 132 թթ.)։ Միհրդատ Ա հայտնի է որպես ականավոր քաղաքական գործիչ և զորավար։ Նրա նվաճումների շնորհիվ Պարթևաստանը էապես ընդլայնում է իր տերության սահմանները՝ տարածելով իր իշխանությունը բոլոր ուղղություններով և մի փոքր թագավորությունից վերաճելով քաղաքական խոշոր կազմավորման^[2]։ Միհրդատի օրոք Պարթևաստանի կազմի մեջ են մտնում Հույն-Բակտրիական թագավորության մի մասը (մ.թ.ա. 167 թ.), Կենտրոնական Ասիայի Մարգիանա պատմական շրջանը, Միջագետքը (մ.թ.ա. 144), Իրանն ամբողջությամբ։ Սելևկյանների հետ պատերազմներում մ.թ.ա. 141 թ. գերի է վերցնում արքա Դեմետրիոս Բ-ին, որը հետագայում ամուսնանում է Միհրդատի դուստր Ռոդոգունայի հետ։ Իր նվաճումների արդյունքում Պարթևաստանը դառնում է անտիկ աշխարհի խոշորագույն տերություններից մեկը, հետագայում՝ Հռոմեական պետության հիմնական հակառակորդը Արևելքում։ Պարթևների կողմից հելլենիստական մշակույթ ունեցող երկրների գրավումը զարկ է տալիս Պարթևաստանի ուրույն մշակույթի զարգացմանը և նրանում հելլենիստական տարրերի ներմուծմանը։ Միհրդատը պատմության մեջ է մտել որպես Պարթևաստանի և ամբողջ Արևելքի մեծ արքաներից մեկը։ Նա պարթևական առաջին թագավորն է, որ հին աքեմենյան տերության միապետների պես ստացել է արքայից արքա տիտղոսը և համեմատվել աքեմենյան կայսրության հիմնադիր Կյուրոս Մեծի հետM^[3]:

Ծանոթագրություններ

↑ Daryaee, 2012, էջ 169
↑ Frye, 1984, էջ 211
↑ Katouzian, 2009, էջ 41

Գրականություն

Дибвойз Н. К.: Политическая история Парфии [1]

Արտաքին հղումներ

Mithradates I (c. 171 — 138 B.C.)

Վիքիպահեստն ունի նյութեր, որոնք վերաբերում են «Միհրդատ Ա Պարթև» հոդվածին։

[Daryaee—2012——169-1] Daryaee, 2012, էջ 169

[Frye—1984——211-2] Frye, 1984, էջ 211

[Katouzian—2009——41-3] Katouzian, 2009, էջ 41

[1]

[2]

[3]