Միկոլա Օլեյնիկ

Միկոլա Օլեյնիկ (ուկրաիներեն՝ Олійник Микола Якович, մարտի 9, 1923(1923-03-09), Byshiv, Մակարովի շրջան, Կիևի շրջան, Կիևի նահանգ, Ուկրաինական ԽՍՀ, ԽՍՀՄ - հունվարի 8, 1997(1997-01-08), Կիև, Ուկրաինա), ուկրաինացի գրող։

Միկոլա Օլեյնիկ
Ծնվել է	1923 մարտի 9
Ծննդավայր	Բիշև
Վախճանվել է	հունվարի 8, 1997(1997-01-08) (73 տարեկան)
Վախճանի վայր	Կիև
Գերեզման	Բայկովո գերեզմանատուն
Մասնագիտություն	գրող և արձակագիր
Կրթություն	Կիևի մանկավարժական ինստիտուտ

Կենսագրություն

Միկոլա Օլեյնիկը ծնվել է 1923 թվականին Կիևշչինայի Բիշև գյուղում, գյուղացու ընտանիքում։ Դպրոցն ավարտելուց հետո 1940 թվականին ընդունվել է Կիևի մանկավարժական ինստիտուտի բանասիրական ֆակուլտետ, որն ավարտել է պատերազմից հետո, հեռակա կարգով։ Հայրենական պատերազմն սկսվելիս աշխատել է արևելք էվակուացված հիմնարկների վերականգնման գործում։ Մեկ տարի անց զորակոչվել է գործող բանակ։ 1948 թվականից աշխատել է թերթերի խմբագրություններում, եղել է «Օտչիզնա» ամսագրի արձակի բաժնի խմբագիրը։ Եղել է ԽՄԿԿ անդամ։

Մահացել է 1997 թվականի հունվարի 8-ին։ Թաղված է Կիևի Բայկովե գերեզմանատանը (հատված № 49ա)։

Ստեղծագործություններ

• «Վոլինյան պատմվածքներ»
• «Լսում ես, եղբայր իմ», 1959
• «Հանուն կյանքի», 1962
• «Պրոմեթևսի դուստրը», 1966
• «Արյուն արյան դիմաց», 1968
• «Նախերգ», 1975

Պարգևներ

Լեսյա Ուկրաինկայի անվան մրցանակ «Պրոմեթևսի դուստրը» վեպի համար, 1991

Հիշատակ

2007 թվականի մայիսի 8-ին Բիշևի դպրոցի մոտ տեղադրվել է Միկոլա Օլեյնիկի հուշարձանը։

Գրականություն

• Віктор Жадько. Некрополь на Байковій горі.-К., 2008.-С. 282.
• Віктор Жадько. Український некрополь.-К., 2005.-С.253.
• Віктор Жадько. У пам'яті Києва.-К., 2007.-С.328.
• Письменники Радянської України: Біобібліографічний довідник / Автори-упорядники В. К. Коваль, В. П. Павловська. — К.: Радянський письменник, 1981. — С. 198.
• Літературна Макарівщина. — К., 2008. — С. 102–105.