Մեխակ Տեր-Սարգսյան
Մեխակ Պողոսի Տեր-Սարգսյան (մարտի 15, 1935, Գյուլագարակ, Ստեփանավանի շրջան, Հայկական ԽՍՀ, ԱԽՖՍՀ, ԽՍՀՄ - ապրիլի 21, 2014, Երևան, Հայաստան), հայ գրահրատարակիչ[1]։
| Մեխակ Տեր-Սարգսյան | |
|---|---|
 | |
| Ծնվել է | մարտի 15, 1935 |
| Ծննդավայր | Գյուլագարակ, Ստեփանավանի շրջան, Հայկական ԽՍՀ, ԱԽՖՍՀ, ԽՍՀՄ |
| Մահացել է | ապրիլի 21, 2014 (79 տարեկան) |
| Մահվան վայր | Երևան, Հայաստան |
| Քաղաքացիություն | .svg){kind=small} Հայկական ԽՍՀ |
| Մասնագիտություն | հրատարակիչ |
Կենսագրություն խմբագրել
Մեխակ Տեր-Սարգսյանը ծնվել է 1935 թվականի մարտի 15-ին Գյուլագարակ գյուղում (այժմ՝ ՀՀ Լոռու մարզում)։ 1951 թվականին ավարտել է Երևանի պոլիգրաֆիական արհեստագործական ուսումնարանը, 1971 թվականին՝ Մոսկվայի պոլիգրաֆիական ինստիտուտը։
1954 թվականից աշխատել է գրահրատարակչության ոլորտում, 1971-1975 թվականներին եղել է ԵՊՀ տպարանի տնօրեն, 1975-1984 թվականներին՝ Հայաստանի կոմունիստական կուսակցության կենտկոմի հրատարակչության գլխավոր ինժեներ-փոխտնօրեն, 1986-1991 թվականներին՝ «Պարբերական» արտադրահրատարակչական միավորման տնօրեն, 1991-2014 թվականներին՝ «Ոսկան Երևանցի» տպագրատան հիմնադիր-տնօրեն։
Լույս է տեսել Մեխակ Տեր-Սարգսյանի «Ես էլ եկա... որ անցնեմ» (2014) ինքնակենսագրական գիրքը։
Մեխակ Տեր-Սարգսյանը մահացել է 2014 թվականի ապրիլի 21-ին Երևանում[1]։
Պարգևներ խմբագրել
- ՀՀ մշակույթի նախարարության ոսկե մեդալ (2010),
- ՀՀ «Մովսես Խորենացի» մեդալ (2012)
Ծանոթագրություններ խմբագրել
- ↑ 1,0 1,1 «Կյանքից հեռացել է տպագրական գործի հայտնի մասնագետ Մեխակ Տեր-Սարգսյանը». armenpress.am. Վերցված է 2023 թ․ մայիսի 13-ին.
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|