Մելքիոր, մելխիոր (գերմաներեն`Melchior, ֆրանսերեն` maillechort-ի աղավաղված ձևը, ֆրցի գյուտարարներ Մայոյի (Maillot) և Շորիեի (Chorier) անունով), պղնձի համաձուլվածքը հիմնականում նիկելի (5-30%) հետ։ Մելքիորը արծաթասպիտակավուն է, ունի մեծ կոռոզիակայունություն, սառը և տաք վիճակներում լավ մշակվում է ճնշմամբ։ Կիրառվում է ամանեղեն, մետաղադրամներ, ճշգրիտ մեխանիկայի դետալներ, բժշկական գործիքներ և այլ իրեր պատրաստելու համար։
